Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ 81 ⵏ ⵉⵎⴰⵍ ⴰⵙⵙ ⴰⵣⴳⵣⴰ ⴰⵎⴰⴹⵍⴰⵏ ⴳ ⵜⵎⴷⵉⵏⵜ ⵏ ⴱⵉⵔⵍⵉⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ 81 ⵏ ⵉⵎⴰⵍ ⴰⵙⵙ ⴰⵣⴳⵣⴰ ⴰⵎⴰⴹⵍⴰⵏ ⴳ ⵜⵎⴷⵉⵏⵜ ⵏ ⴱⵉⵔⵍⵉⵏ

15 ⵉⵏⵏⴰⵢⵔ 2016 Version Imprimable
ⴱⵉⵔⵍⵉⵏ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵜⴰⴱⵔⴰⵜ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ 81 ⵏ ⵉⵎⴰⵍ ⴰⵙⵙ ⴰⵣⴳⵣⴰ ⴰⵎⴰⴹⵍⴰⵏ ⴳ ⵜⵎⴷⵉⵏⵜ ⵏ ⴱⵉⵔⵍⵉⵏ.
ⵜⴰⴱⵔⴰⵜ ⴰⴷ ⵜⵖⵕⴰⵜ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴰⵙⵙ ⵏ ⵓⴽⵡⴰⵙ ⴳ ⴱⵉⵔⵍⵉⵏ . ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵎⴰⵙ ⴰⵡⵜⵜⴰⵙ ⵏ ⵜⵙⵜⵔⴰⵜⵉⵊⵉⵜ ⵜⴰⴼⵉⵍⴰⵃⵉⵢⵜ ⵏ ⵍⵎⵖⵔⵉⴱ ⵜⵔⴰ ⴰⴷ ⵜⵙⴽⴰⵔ ⵜⴰⵙⵓⵍⴰⵏⵜ ⴳ ⵓⵙⵡⵉⵔ ⴰⵡⵏⴹⴰⵏ ⴷ ⵓⵙⵓⵔⵙ ⵏ ⵜⵓⴷⵔⵜ ⵏ ⵓⵎⵣⴷⴰⵖ ⴰⴼⴰⵔⴰⵏ. ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ, ⴷ ⵜⴱⵔⴰⵜ ⵏⵏⵙ ⵉ ⵜⴼⵓⴳⵍⴰ ⵏ ⵓⵔⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 81 ⵏ ⵉⵎⴰⵍⴰⵙⵙ ⴰⵣⴳⵣⴰⵡ ⴰⵎⴹⵍⴰⵏ ⵏ ⵜⵎⴷⵉⵏⵜ ⵏ ⴱⵉⵔⵍⵉⵏ, ⵍⵍⵉ ⵜⵖⵕⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ, ⴳ ⵉⴹ ⵏ ⵓⴽⵡⴰⵙ, ⴳ ⵜⵎⴰⵥⵓⵏⵜ ⵏ ⴰⵍⵎⴰⵏⵢⴰ, ⵎⴰⵙ ⵉⵙⴽⵔ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2008 ⵜⴰⵡⵏⴰⵖⵜ ⵜⴰⵣⴳⵣⴰⵡⵜ, ⵉⴳⴰⵏ ⵙⴳ ⵉⵙⵏⵜⵉⵜⵏ ⵉⵅⴰⵜⴰⵔⵏ, ⵉⵜⵜⴰⵡⵙⵏ ⵉ ⵜⵉⴳⵎⵉ ⵜⴰⵙⵓⵍⴰⵏⵜ ⴳ ⵢⵉⴳⵔ ⵏ ⵜⴼⵍⵍⴰⵃⵜ, ⴳ ⵜⵙⴳⴰ ⵏⵏⵙ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵓⵡⵏⴹⴰⵏ. ⴷ ⴷⴼⴼⵉⵔ ⵎⴰⴷ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⵅⴼ ⴽⵔⴰⴹⵜ ⵜⵔⵙⴰⵍⵜⵉⵏ ⵏ ⵜⴰⵡⵏⴰⵖⵜ ⴰⴷ, ⵉⵥⵍⵉⵏ ⵙ ⵜⴼⵍⵍⴰⵃⵜ ⵏ ⵜⵡⵉⵣⵉ, ⴷ ⵜⵉⴹⴰⴼ ⴳ ⵉⵖⴱⵓⵍⴰ ⵏ ⵡⴰⵎⴰⵏ, ⴷ ⵜⵓⵣⵣⵓⵜ ⵏ ⵉⵙⴽⵍⴰ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷⴰ ⵉⵜⵜⴰⵙⵢ ⵜⵉⵢⴰⴼⵓⵜⵉⵏ ⵜⵉⵎⵣⵡⵓⵔⴰ ⵏ ⵜⴰⵡⵏⴰⵖⵜ ⴰⴷ, ⴷⴼⴼⵉⵔ ⵎⴰⴷ ⵢⵓⵍⵉ ⵏ ⵓⴼⴰⵔⵙ ⴰⴳⵯⵏⵙⴰⵏ ⴰⵎⵙⴰⵔⵉ ⴳ ⵢⵉⴳⵔ ⵏ ⵜⴼⵍⵍⴰⵃⵜ ⵙ ⵓⵙⵖⵍ ⵏ 44% ⴳⵔ ⵓⵙⴳⴳⵯⴰⵙ ⵏ 2008 ⴷ 2014. ⴷ ⵉⵔⵏⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴰⵙⴰⵢⵔⴰⵔ ⵏ ⵜⵓⵥⵥⵓⵜ ⵏ ⵉⵙⴽⵍⴰ ⵏ ⵣⵣⵉⵜⵓⵏ ⵜⵉⵡⴹⵏ ⵓⴳⴳⵯⴰⵔ ⵏ ⵎⵍⵢⵓⵏ ⵀⵉⴽⵜⴰⵕ, ⴷ ⵜⴷⴷⴰ ⴰⴷ ⵜⵥⵥⵓ ⴽⵕⴰⴹ ⵎⵍⵢⵓⵏ ⵏ ⵓⴳⵯⵊⵊⵉⴼ ⴳ ⵓⵙⴳⴳⵯⴰⵙ ⵏ 2020, ⵉⵣⴰⵢⴷ ⵉⵏⵏⴰ ⵎⴰⵙ ⵉⵙⵏⵜⵉⵜⵏ ⴰⴷ ⵙⵙⴱⵖⵔⵏ ⴳ ⵜⵉⵡⵉⵣⵉ ⴷ ⵜⵖⵍⵉⴼⵜ ⵏ ⵉⵎⴷⵔⴰⵡⵏ ⴷ ⵉⵎⴼⴽⴰⵜⵏ ⴷ ⵉⵎⵢⴰⵡⴰⵙⵏ ⵉⵎⴰⴹⵍⴰⵏ, ⴳ ⵜⵍⵍⴰ ⵜⴼⵏⵉⵇⵜⵏ ⵓⵡⵏⴰⴹ ⴰⴳⵔⴰⵖⵍⴰⵏ. ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵍⵎⵖⵔⵉⴱ ⵉⵔⴰ ⴰⴷ ⵉⵇⵇⵉⵎ ⵜⴰⵎⴰⵣⵉⵔⵜ ⵏ ⵓⵙⵏⵓⴱⴳ ⵏ ⵉⵙⵙⴰⵔⵓⵜⵏ, ⵉⴳⴰⵏ ⴰⵏⵙⵎⴰⵙⵙⵓ ⵏ ⵜⴷⴰⵎⵙⴰ ⴷ ⵓⵙⵔⵇⴱ ⵏ ⵜⵓⵙⴽⵔⴰ ⵏ ⵓⵥⵔⴼ ⴷ ⵜⵡⵓⵔⵉ. ⴳ ⵓⵎⵏⴰⴹ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⴰⴷⵎⵙⴰ ⵏ ⵍⵎⵖⵔⵉⴱ ⵉⴱⴷⴷⴰ ⵅⴼ ⵜⵙⵉⵍⴰ ⵜⴰⵇⵓⵔⴰⵔⵜ, ⴷ ⵉⵙⵏ ⵜⵉⴳⵎⵉ ⴰⵎⵙⴽⵉⵍ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⴰⴷⵎⵙⴰ ⴷ ⵜⵙⴱⴱⴰⴱⵜ ⵏ ⵍⵎⵖⵔⵉⴱ ⵜⵓⵢⴰⵙⵏ ⵙ ⵜⵏⵔⵥⵥⵓⵎⵜ ⵏⵏⵙⵏⵜ, ⵙ ⵛⴰⵢⴳⴰⵏ ⵏ ⵜⵎⵢⴰⵇⵇⴰⵏⵉⵏ ⵏ ⵓⵙⵏⴼⵍ ⵉⵍⴻⵍⵍⵉ, ⵉⵏⵏⵓⵔⵥⵎⵏ ⵅⴼ ⵓⴳⴰⴷⴰⵣ ⴳ ⵜⵍⵍⴰ ⵡⵓⴳⴳⵯⴰⵔ ⵏ ⵎⵍⵢⴰⵔ ⵏ ⵓⵏⵙⵎⵓⵔ. ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ, ⴳ ⵜⵙⴳⴰ ⴰⴷ, ⵎⴰⵙ ⴰⵏⵣⵡⴰⵢ ⵏ ⵜⵡⵓⵔⵉⵡⵉⵏ ⴳ ⵍⵎⵖⵔⵉⴱ ⵉⴷⴷⴰ ⴳ ⵓⴱⵔⵉⴷ ⵉⵖⵓⴷⴰⵏ, ⵙⵍⴰⵡⵏ ⴰⴽⴽⵯ, ⵎⴰⵙ ⵜⵔⴱⵃ ⵜⴳⵍⴷⵉⵜ 36 ⵏ ⵜⵏⵇⵇⵉⵟ ⴳ ⵉⵙⴳⴳⵯⴰⵙⵏ 2012 ⴷ 2015 ⴳ ⵓⵏⵎⴰⵍⴰ ⵏ ⵓⵙⵜⴰⵢ ⵏ ⵓⵏⵎⵎⴰⵍ ⵏ ⵜⵎⵙⴽⵔⵜ ⵏ ⵜⵖⴰⵡⵙⴰ ⴷ ⵉⵙⵙⵓⴼⵓⵔ ⵍⴱⴰⵏⴽ ⴰⵎⴰⴹⵍⴰⵏ.
Dernière modification : 15 ⵉⵏⵏⴰⵢⵔ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B5%93%E2%B5%A3%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99#comment-0