Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙ ⵙⵙⵉⵏ ⴳ ⴹⴹⴰⵕⵍⴱⵉⴹⴰ ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏ ⵏⴱⵉ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙ ⵙⵙⵉⵏ ⴳ ⴹⴹⴰⵕⵍⴱⵉⴹⴰ ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏ ⵏⴱⵉ

23 ⴷⵓⵊⴰⵏⴱⵉⵔ 2015 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵉⵎⴰⵏ ⴷ ⵓⵎⴽⵓⵙⵙⵓ ⵏ ⵜⴳⵍⴷⵉⵜ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴷⴼⴼⵉⵔ ⵏ ⵜⵥⴰⵍⵍⵉⵜ ⵏ ⵢⵉⵜⵚ ⵏ ⵡⴰⵙⵙ ⵏ ⵓⴽⵕⴰⵙ, ⴳ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴳ ⴹⴹⴰⵕⵍⴱⵉⴹⴰ, ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏ ⵏⴱⵉ.

ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⴰⴷ ⵜⴰⵙⴳⴷⴰⵏⵜ, ⴳ ⵜⵜⵓⵖⵕⴰⵏⵜ ⵍⴰⵢⴰⵜ ⵏ ⵍⵇⵕⴰⵏ ⵍⴽⴰⵔⵉⵎ, ⵉⵖⵔⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ, ⴷⴰⵜ ⴱⴰⴱ ⵏ ⵡⴰⴷⴷⵓⵔ, ⵜⴰⵏⴰⴹⵜ ⵜⴰⵙⴳⴳⵯⴰⵙⴰⵏⵜ ⵏ ⵜⵎⴰⵖⵓⵏⵜ ⵏ ⵉⵎⵓⵙⵙⵓⵜⵏ ⵏ ⵓⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ, ⴷ ⵉⵙⵇⵇⵉⵎⵏ ⵉⵎⴰⵙⵙⴰⵏ ⵉⴷⵖⵔⴰⵏ, ⴷⴰⵜ ⴰⴷⴰⵙ ⵉⴼⴽ ⵉ ⴱⴰⴱ ⵏ ⵡⴰⴷⴷⵓⵔ ⵜⴰⵏⴰⴹⵜ ⵜⴰⵙⴳⴳⵯⴰⵙⴰⵏⵜ ⵏ ⵜⵎⴰⵖⵓⵏⵜ ⴰⴷ.

ⴷ ⵉⵙⵎⵏⵉⴷ ⵓⵎⴰⵡⵙⴰⵙ ⵜⵉⵡⵓⵔⵉⵡⵉⵏ ⵉⵜⵜⵓⵙⴽⵔⵏ ⵙ ⵜⴰⵔⴰⵜⵉⵏ ⵏ ⵍⴰⵎⵉⵔ ⵏ ⵉⵎⵓⵎⵎⵏ ⴳ ⵜⵙⴳⴰ ⵏ ⵓⵙⴳⴷ.

ⴷ ⵉⵙⴽⵜⵉ ⵙⵓⵍ, ⵎⴰⵙ ⴷ ⵜⵍⵍⴰ ⴳ ⵜⴳⵍⴷⵉⵜ ⵖⴰⵙⴰⴷ 17 ⵏ ⵢⵉⴼⴹ ⵏ ⵓⴷⵍⵉⵙ ⵏ ⵍⵇⵕⴰⵏ, ⵉⵖⵔⴰ 370 ⵏ ⵢⵉⴼⴹ ⵏ ⵓⵄⵔⵔⵉⵎ ⴷ ⵜⵄⵔⵔⵉⵎⵜ, ⴷ 2100 ⵏ ⵓⵏⴰⵎⵎⴰⵙ ⵏ ⵓⵃⴼⴰⴹ ⵏ ⵍⵇⵕⴰⵏ ⵅⴼ ⵙⵡⵓⴷⴷⵓⵏ ⵉⵙⵇⵇⵉⵎ ⵉⵎⴰⵙⵙⴰⵏ ⵙ ⵓⴳⴳⵯⴰⵔ ⵏ 100 ⵏ ⵢⵉⴼⴹ ⵏ ⵓⵙⵍⵎⴰⴷ.

ⴷ ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵖⵔ ⵏ ⵓⵙⵡⵉⵏⴳⵎ ⴷ ⵜⵡⵓⵔⵉⵡⵉⵏ ⵜⵉⵏⵙⵍⵎⵉⵏ, ⵉ ⵎⴰⵙⵙ ⵎⵓⵃⵎⵎⴷ ⴱⵏ ⵎⴰⵄⵊⵓⵣ ⵍⵎⵣⵖⵔⴰⵏⵉ ⵙⴳ ⵜⵎⴷⵉⵏⵜ ⵏ ⴼⴰⵙ.

ⴷ ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵖⵔ ⵏ ⵜⵥⵓⵔⵉ ⵏ ⵜⵡⵏⵖⴰ ⵜⴰⵎⵖⵔⵉⴱⵉⵢⵜ ⵉ ⵎⴰⵙⵙ ⵚⴰⵖⵉⵔ ⵢⴰⵄⵇⵓⴱⵉ ⵙⴳ ⵜⴰⵣⴰ.

ⴷ ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵖⵔ ⵏ ⵜⵥⵓⵔⵉ ⵏ ⵣⴰⵅⵔⴰⴼⴰ ⵜⴰⵎⵖⵔⵉⴱⵢⵜ ⵅⴼ ⵓⵡⵔⵉⵇ ⵉ ⵎⴰⵙⵙ ⵄⴱⴷ ⵍⵍⴰ ⵍⵡⴰⵣⵣⴰⵏⵉ ⵙⴳ ⵕⵕⴱⴰⴹ, ⴷ ⵜⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵥⵓⵔⵉ ⵏ ⵣⴰⵅⵔⴰⴼⴰ ⵜⴰⵎⵖⵔⵉⴱⵢⵜ ⵅⴼ ⵓⵡⵔⵉⵇ ⵉ ⵎⴰⵙⵙ ⴰⴱⵓ ⴱⴰⴽⵔ ⴼⴰⵙⵉ ⴼⵉⵀⵔⵉ ⵙⴳ ⵜⵎⴷⵉⵏⵜ ⵏ ⴼⴰⵙ.

Dernière modification : 23 ⴷⵓⵊⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%A1%E2%B5%89%E2%B5%99-%E2%B5%99%E2%B5%99%E2%B5%89%E2%B5%8F-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%BD%E2%B5%9C%E2%B5%9C%E2%B4%B0%E2%B5%A2-%E2%B5%8F#comment-0