ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵓⵎⵥ ⵜⴰⵙⵎⵖⵓⵔⵜ ⵏ ⵜⵍⵓⵍⵍⵉ « ⵎⴰⵔⵜⵉⵏ ⵍⵓⵜⵔ ⴽⵉⵏⴳ ⴰⴱⵔⴰⵀⴰⵎ ⵊⵓⵛⵛⵡⴰ ⵀⵉⵛⵍ », ⵉⵜⵜⵓⴼⴽⴰⵏ ⵉⴳⵍⵍⵉⵏ ⵏ ⵍⵎⴰⵕⵃⵓⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ

21 ⴷⵓⵊⴰⵏⴱⵉⵔ 2015 Version Imprimable

ⵏⵢⵓⵢⵓⵔⴽ - ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴰⵙⵙ ⵏ ⵓⵙⴰⵎⴰⵙ ⴳ ⵏⵢⵓⵢⵓⵔⴽ, ⵙ ⵢⵉⵙⵙⵎ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵜⴰⵙⵎⵖⵓⵔⵜ ⵏ ⵜⵍⵓⵍⵍⵉ « ⵎⴰⵔⵜⵉⵏ ⵍⵓⵜⵔ ⴽⵉⵏⴳ ⴰⴱⵔⴰⵀⴰⵎ ⵊⵓⵛⵛⵡⴰ ⵀⵉⵛⵍ », ⵉⵜⵜⵓⴼⴽⴰⵏ ⵉⴳⵍⵍⵉⵏ ⵏ ⵍⵎⴰⵕⵃⵓⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ.

ⴷ ⵜⵙⵙⵏ ⵜⴼⵓⴳⵍⴰ ⵏ ⵜⵓⴽⴽⵉ ⵏ ⵜⵙⵎⵖⵓⵔⵜ ⴰⴷ, ⵉⵜⵜⵓⵙⴽⵔⵏ ⴳ ⵓⴳⵏⵙⵓ ⵏ ⴽⴰⵏⵉⵙ ⴱⵏⴰⵢ ⵊⵉⵛⵓⵕⵓⵏ ⴰⵎⵎⴰⵙ ⵏ ⵏⵢⵓⵢⵓⵕⴽ, ⵙ ⵜⵖⵓⵔⵉ ⵏ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⵉⵖⵔⴰ ⵎⴰⵙⵙ ⴰⵏⴷⵔⵉ ⴰⵥⵓⵍⴰⵢ, ⴰⵎⵛⴰⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ. ⴷ ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵎⴰⵙⵙ ⵙⵉⵔⴰⵊ ⴱⵉⵔⴷⵉⴳⵓ, ⴰⵎⵙⵇⴰⴷ ⴰⵎⵙⴰⴷⵓ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵕⴰⵛⴰⴷ ⴱⵓⵀⵍⴰⵍ, ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⵎⵉⵔⵉⴽⴰⵏ, ⴷ ⵄⵓⵎⴰⵕ ⵀⵉⵍⴰⵍ ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⵜⵎⵜⵜⴰ ⵉⵎⵓⵏⵏ. ⴷ ⵉⵍⵍⴰ ⵙⵓⵍ ⴳ ⵜⴼⵓⴳⵍⴰ ⴰⴷ ⵓⵎⵙⵇⴰⴷ ⵏ ⵓⵎⵙⵓⵔⵓⴼ ⴰⵙⴳⴷⴰⵏ, ⴷⴰⴼⵉⴷ ⵙⴰⴱⵔⵉⵛⵜⴰⵏ, ⴷ ⵎⵏⵏⴰⵡ ⵏ ⵉⴷⵉⴱⵍⵓⵎⴰⵙⵉⵢⵏ ⴷ ⵉⴽⴰⴷⵉⵎⵉⵢⵏ ⴷ ⵉⵎⵙⴽⵔⵏ ⵏ ⵡⴰⵎⵓⵏ ⵓⵖⵔⵉⵎ, ⵍⵍⵉ ⵉⵙⵎⴷⵢⴰⵏ ⵉⴱⵕⵕⴰⵏⵉⵢⵏ ⵓⴷⴰⵢⵏ ⴷ ⵉⵏⵙⵍⵎⵏ ⵉⵣⴷⴰⵖⵏ ⴳ ⵎⵉⵔⵉⴽⴰⵏ ⴳ ⴽⴰⵏⴰⴹⴰ. ⴳ ⵜⵏⵢⵉⵔⴰ ⵏ ⵜⴼⵓⴳⵍⴰ ⴰⴷ ⵜⵜⵓⵙⴽⵔ ⵜⴼⵓⴳⵍⴰ ⵏ ⵓⵥⴰⵡⴰⵏ ⵏ ⵓⴷⴰⵢ ⵏ ⴷ ⵡⴰⵄⵔⴰⴱⵏ ⵙ ⵜⴷⵔⴰⵡⵜ ⵏ ⵎⵉⵔⴰ ⵍⵄⵡⴰ ⴷ ⴷⴰⴼⵉⴷ ⴱⵔⵓⵣⴰ.

Dernière modification : 21 ⴷⵓⵊⴰⵏⴱⵉⵔ 2015

Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B5%93%E2%B5%8E%E2%B5%A5-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8F-%E2%B5%9C%E2%B5%8D%E2%B5%93%E2%B5%8D%E2%B5%8D%E2%B5%89-%C2%AB-%E2%B5%8E%E2%B4%B0%E2%B5%94%E2%B5%9C%E2%B5%89%E2%B5%8F#comment-0