Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜ ⵢⴰⵜⵜⵓⵢⵏ ⵉⵎⴷⵔⴰⵡⵏ ⴳ ⵓⴷⵡⴰⵍ ⴰⵏⴰⵎⵓⵔ ⵅⴼ ⵜⵙⵔⵜⵉⵜ ⵏ ⵜⵓⵚⴽⴰⵡⵉⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜ ⵢⴰⵜⵜⵓⵢⵏ ⵉⵎⴷⵔⴰⵡⵏ ⴳ ⵓⴷⵡⴰⵍ ⴰⵏⴰⵎⵓⵔ ⵅⴼ ⵜⵙⵔⵜⵉⵜ ⵏ ⵜⵓⵚⴽⴰⵡⵉⵏ

08 ⴷⵓⵊⴰⵏⴱⵉⵔ 2015 Version Imprimable
ⵙⵅⵉⵕⴰⵜ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵜⴰⴱⵔⴰⵜ ⵢⴰⵜⵜⵓⵢⵏ ⵉⵎⴷⵔⴰⵡⵏ ⴳ ⵓⴷⵡⴰⵍ ⴰⵏⴰⵎⵓⵔ ⵅⴼ « ⵜⵙⵔⵜⵉⵜ ⵏ ⵜⵓⵚⴽⴰⵡⵉⵏ ⵏ ⵓⵡⵏⴽ ⴷ ⵡⴰⴷⴷⵓⵔ ⵏⵏⵙ ⴳ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ», ⵍⵍⵉ ⵉⵏⵏⵓⵕⵥⵎ ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⴹ.

ⵎⴰⵢⴰⴷ ⴰⴷ ⵢⵓⵛⴽⴰⵏ ⴳ ⵜⴱⵔⴰⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵍⵍⵉ ⵉⵖⵔⴰ ⵓⵎⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵄⴱⴷ ⵍⵟⵟⵉⴼ ⴰⵍⵎⵏⵏⵓⵏⵉ : ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵎⴰⵙ ⴷ ⵜⵓⵚⴽⴰⵡⵉⵏ ⴷⴰⵔⵙⵏⵜ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⴳ ⵓⵙⵢⴰⴼⵓ ⴰⵙⵜⵔⴰⵜⵉⵊⵉⵢ, ⵙⵍⴰⵡⴰⵏ ⴰⴽⴽⵯ ⵜⵉⴳⵎⵉ ⵜⴰⵙⵓⵍⴰⵏⵜ, ⴷ ⵉⴳⵔ ⴰⴷ ⵉⴳⴰ ⴰⵎⵙⵙⴰⵔⵓ ⵉⵙⵢⴰⴼⵓⵏ ⴱⴰⵀⵔⴰ, ⴷ ⵉⵙⴽⴰⵔⵏ ⵉⵣⵎⴰⵣ ⵏ ⵜⵡⵓⵔⵉ.

ⴷ ⵉⴷⴷⴰⴷ ⵙⵓⵍ ⴳ ⵜⴱⵔⴰⵜ ⵜⴰⴳⵍⴷⴰⵏⵜ, ⵎⴰⵙ ⴷ ⵜⵓⵚⴽⴰⵡⵉⵏ ⵜⵍⵍⴰ ⴳⵉⵙ ⵜⵙⵔⵜⵉⵜ ⵏ ⵓⵡⵏⴽ ⴳ ⵢⵉⴳⵔ ⵏ ⵓⵥⴽⴰⵡ, ⴷ ⵉⴳⴰ ⵢⴰⵜ ⵜⵏⴼⵔⵓⵜ ⵢⴰⴽⴰⵏ ⴰⵣⵔⴼ ⵉⵏⴰⵎⵓⵔⵏ ⴳ ⵜⵣⴷⴷⵓⵖⵜ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵢⴰⵜⵜⵓⵢⵏ, ⵎⴰⵙ ⴷ ⵉⴳⵔ ⵏ ⵜⵓⵚⴽⴰⵡⵉⵏ ⵉⵙⵙⵏ ⵉⴳⵉⵏⴰⵏ ⵉⵙⵎⴰⵏ ⴳⵔ ⵉⵎⵙⴽⵔⵏ ⴳ ⵉⵎⵙⵡⵓⵔⵉⵜⵏ ⵏⵏⵙ, ⵎⴰⵢⴰⴷ ⴰⵙⵙ ⵉⵅⵚⵚⴰ ⴰⴷ ⴰⴼⵉⵏ ⴰⴼⵙⴰⵢ ⵉⵜⵎⵓⴽⵉⵙⵜ ⴰⴷ, ⵎⴰⵔ ⴰⴷ ⵜⵉⵍⵉ ⵜⵏⴼⵔⵓⵜ ⵉⵕⵡⴰⵏ ⴳ ⵓⵙⵡⵉⵔ ⴰⵏⴰⵎⵓⵔ, ⵍⵓⵎⴰⵏ ⴳ ⵎⴰⵢ ⵥⵍⵉⵏ ⵙ ⵓⵖⴰⵡⴰⵙ ⵏ ⵜⵙⵔⵜⵉⵜ ⵏ ⵜⵓⵚⴽⴰⵡⵉⵏ ⵏ ⵓⵡⵏⴰⴽ.

ⴷ ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵢⴰⵜⵜⵓⵢⵏ ⵎⴰⵙ ⴷ ⵉⵅⵚⵚⴰ ⴰⴷ ⵜⵜⵓⵙⴽⵔⵏⵜ ⵛⴰⵢⴳⴰⵏ ⵏ ⵜⵓⴳⴳⵯⴰⵣ, ⴰⴼⴰ ⴷ ⵢⵉⵍⵉ ⵃⵟⵟⵓ ⵏ ⵜⵓⵚⴽⴰⵡⵉⵏ, ⴳ ⴽⵓ ⴰⴽⴽⵯ ⴰⴽⴰⵍ ⴰⵏⴰⵎⵓⵔ, ⵙ ⵓⵙⵙⴰⵔⵓ ⵏ ⵏ ⵜⵉⴽⵏⵓⵍⵓⵊⵢⴰ ⵜⴰⵎⴰⵟⵓⵏⵜ ⵉⵙⵙⵏ ⵓⵎⴰⴹⴰⵍ ⵖⴰⵙⴰⴷ. ⴷ ⵉⵏⵏⴰ ⵙⵓⵍ ⵎⴰⵙ ⴷ ⴰⵡⵜⵜⴰⵙ ⵉⵍⵍⴰ ⴷⴰⵔ ⵓⵎⵙⵡⵓⵔⵉ ⴰⵏⴼⴳⴰⵏ ⵉⵅⵚⵚⴰ ⵓⵙⵎⵎⵓⵜⴳ ⵏ ⵉⵙⴰⴳⵎⵏ ⵉⵏⴼⴳⴰⵏ ⵍⵍⵉ ⵔⴰⴷ ⵉⵙⵡⵓⴷⴷⵓ ⵉⴳⵔ ⵏ ⵜⵓⵚⴽⴰⵡⵉⵏ, ⵙⵍⴰⵡⴰⵏ ⴰⴽⴽⵯ ⴰⵡⵡⵙ ⵏ ⵜⵥⵍⴰⵢⵜ ⴰⴷ, ⴷ ⵓⵕⵥⵥⵓⵎ ⵅⴼ ⵜⵉⵔⵎⵉⵡⵉⵏ ⵉⵙⵙⵏ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⴰⵍ.

ⴷ ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴰⴷ ⵜⵜⵓⵙⴽⵔⵏⵜ ⵛⴰⵢⴳⴰⵏ ⵏ ⵜⵓⴳⴳⵯⴰⵣ ⴳ ⵓⵙⵎⵔⵙ ⵏ ⵜⵉⵍⵉⵜ ⵏ ⵡⴰⴽⴰⵍ ⵏ ⵜⵎⴳⵔⴰⵡⵜ ⵉⵍⵍⴰⵏ ⴳ ⵉⴷⵡⴰⵕⵏ ⵏ ⵜⵉⵙⵙⵉ ⴰⴳⵉⵙⵏ ⵙⴱⵖⵔⵏ ⵎⵉⴷⵏ ⵎⵉ ⴷⴰⵔ ⴰⵣⵔⴼ ⴳⵉⵙⵏ.

ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵙⴳⵉⵡⵉⵏ ⴷ ⵜⵏⴱⴰⴹⵜ ⴰⴼⴰⴷ ⴰⴷ ⵜⵙⴽⵔ ⴷⵖⵢⴰ ⴰⵙⵎⵓⵔ ⵏ ⵡⴰⴷⴷⴰⴷ ⴰⵣⵔⴼⴰⵏ ⵏ ⵡⴰⴽⴰⵍ ⵏ ⴰⵎⴳⵔⵓ ⴳ ⵓⵡⵜⵜⴰⵙ ⵏ ⵜⵓⵙⴽⴰ ⵏ ⵓⵡⵏⴰⴹ ⵉⵖⵓⴷⴰⵏ ⵏ ⵡⴰⴽⴰⵍ ⴰⴷ ⴳ ⵜⵖⴰⵔⴰⵙⵜ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ ⵏ ⵜⵎⴰⵣⵉⵔⵜ.

ⵖⵎⴽⵍⵍⵉ ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⵉ ⵜⵏⴱⴰⴹⵜ ⴰⴼⴰⴷ ⴰⴷ ⵜⴹⴼⵕ ⴰⵙⵡⵓⴷⴷⵓ ⵏ ⵉⵏⴳⵔⴰⵡⵏ ⵏ ⵜⵓⵚⴽⴰⵡⵉⵏ ⵍⵍⵉ ⵉⵥⵍⵉⵏ ⵙ ⵓⵙⵙⴰⵔⵓ ⵏ ⵜⴼⵍⵍⴰⵃⵜ ⵃⵎⴰⴷ ⴰⴷ ⴳⵏⵜ ⵜⵓⵚⴽⴰⵡⵉⵏ ⵜⴰⵙⵉⵍⴰ ⵜⴰⵅⴰⵜⴰⵔⵜ ⵏ ⵓⵙⴱⵓⵖⵍⵓ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⵔⴰⵏⵜ.

ⵜⴽⵎⵍ ⵜⴱⵔⴰⵜ ⵜⴰⴳⵍⴷⴰⵏⵜ ⵎⴰⵙ ⴷ ⵜⵇⵇⴰⵏ ⴷ ⵜⴰⵎⵓⵏⵜ ⴰⴽⴷ ⵜⴰⵙⵔⵜⵉⵜ ⵏ ⵉⴳⵔ ⵏ ⵜⵓⵚⴽⴰⵡⵉⵏ.

Dernière modification : 08 ⴷⵓⵊⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B5%93%E2%B5%A3%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B4%B7%E2%B5%A1%E2%B4%B0%E2%B5%8D-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%85%E2%B4%BC-%E2%B5%9C%E2%B5%99%E2%B5%94%E2%B5%9C%E2%B5%89%E2%B5%9C-%E2%B5%8F#comment-0