Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵢⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵜⵉⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⵉⵙⵏⵙⵉ ⵏ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⵉ ⵢⵉⵣⵔⴼⴰⵏ ⵏⵏⵙ ⵙ ⵓⵣⵎⵣⵣⵓ ⵏ ⵓⵙⴼⵓⴳⵍⵓ ⵏ ⵡⴰⵙⵙ ⵏ ⵜⴱⴷⴰⴷⵜ ⴷ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵢⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵜⵉⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⵉⵙⵏⵙⵉ ⵏ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⵉ ⵢⵉⵣⵔⴼⴰⵏ ⵏⵏⵙ ⵙ ⵓⵣⵎⵣⵣⵓ ⵏ ⵓⵙⴼⵓⴳⵍⵓ ⵏ ⵡⴰⵙⵙ ⵏ ⵜⴱⴷⴰⴷⵜ ⴷ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ

29 ⵏⵓⵡⴰⵏⴱⵉⵔ 2015 Version Imprimable
ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴱⵔⴰⵜ ⵉ ⵢⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵜⵉⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⵉⵙⵏⵙⵉ ⵏ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⵉ ⵢⵉⵣⵔⴼⴰⵏ ⵏⵏⵙ ⵙ ⵓⵣⵎⵣⵣⵓ ⵏ ⵓⵙⴼⵓⴳⵍⵓ ⵏ ⵡⴰⵙⵙ ⵏ ⵜⴱⴷⴰⴷⵜ ⴷ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ.
ⴳ ⵜⵓⵣⵡⵓⵔⵉ ⵏ ⵜⴱⵔⴰⵜ ⴰⴷ, ⵉⵙⵏⵉⵎⵔ ⴱⴰⴱ ⵏ ⵡⴰⴷⴷⵓⵔ ⵉ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵜⵉⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⵉⵙⵏⵙⵉ ⵏ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⵉ ⵢⵉⵣⵔⴼⴰⵏ ⵏⵏⵙ, ⵙ ⵜⵓⴳⴳⵯⴰⵣ ⵉⵣⴷⵉⵏ ⴷⴰ ⵉⵜⴳⴳⵯⴰ ⴰⴼⴰⴷ ⴰⴷ ⵉⵎⵣⴰⵖ ⵅⴼ ⵜⴰⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⵉⴳⴰⵏ ⵜⴰⵙⵉⵍⴰ ⵏ ⵙⵙⵍⴰⵎⵜ ⴷ ⵜⵏⴼⵔⵓⵜ ⴳ ⵜⵏⵉⵍⵍⴰ ⵏ ⵍⵇⴱⵍⵜ ⵜⴰⵏⵏⴰⵎⵙⵜ ⴷ ⴳ ⵓⵎⴰⴹⴰⵍ. ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵙ ⵓⵣⵎⵣⵣⵓ ⴰⴷ, ⵎⴰⵙ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷⴰ ⵜⵙⵏⴰⵍ ⴰⵔ ⵜⵙⵔⵇⴰⴱ ⵉⴼⴽ ⵏ ⵉⵣⵔⴼⴰⵏ ⵉ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⴱⵓ ⵡⴰⵎⵓⵔ, ⵙⵍⴰⵡⵏ ⴰⴽⴽⵯ, ⴰⵣⵔⴼ ⵏ ⵜⵓⵙⴽⵔⴰ ⵏ ⵓⵡⴰⵏⴽ ⴰⵙⵉⵎⴰⵏ ⴳ ⵡⴰⴽⴰⵍ ⵏⵏⵙ ⴷⴰ ⵉⵙⴷⵔⴼⵉ, ⵏⵉⴳ ⵜⴳⴰ ⵍⵇⵓⴷⵙ ⵏ ⵍⵇⴱⵍⵜ ⵜⴰⵎⴰⵥⵓⵏⵜ ⵏⵏⵙ, ⵏⵉⴳ ⵜⴷⵓⵔⵏ ⴳ ⵓⵡⵏⴰⴽ ⵏ ⵉⵙⵕⴰⵉⵍ ⴳ ⵜⵏⴼⵔⵓⵜ ⴷ ⵙⵙⵍⴰⵎⵜ. ⵉⵣⴰⵢⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ, ⵎⴰⵙ ⴰⵙⴼⵓⴳⵍⵓ ⵏ ⵡⴰⵙⵙ ⵏ ⵜⴱⴷⴰⴷⵜ ⴷ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⵏ ⵓⵙⴳⴳⵯⴰⵙ ⴰⴷ, ⵉⵥⵍⵉ ⵙ ⵜⵏⴰⴱⴱⴰⵢⵜ ⵏ ⵜⴰⵣⵣⵉⴳⵣⵜ ⴳ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⵎⵇⵇⴰⵔ ⵜⵣⵔⵉ ⵡⵓⴳⴳⵯⴰⵔ ⵏ 24 ⵏ ⵓⵙⴳⴳⵯⴰⵙ ⵅⴼ ⵓⴱⴷⴰ ⵏ ⵉⵎⵛⵉⵡⵉⵔⵏ ⴳⵔ ⵉⴼⴰⵍⵉⵙⵟⵉⵏⵉⵢⵏ ⴷ ⵉⵙⵕⴰⵉⵍⵉⵢⵏ. ⴳ ⵓⵎⵏⴰⴹ ⴰⴷ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵜⵉⵡⵉⵣⵉ ⵏ ⵓⴳⴷⵓⴷ ⴰⵎⵖⵔⴰⴱⵉⵢ ⵉ ⴼⴰⵍⵉⵙⵟⵉⵏ, ⵉⵙⵙⵓⵜⵔ ⵉ ⵡⵎⴰⵏ ⴰⵎⴰⴹⵍⴰⵏ ⴰⴼⴰⴷ ⴰⴷ ⵉⴱⴷ ⴰⵏⵎⴳⴰⵍ ⵏ ⵓⵙⵓⴳⵉ ⴷⴰ ⵜⴳⴳⵯⴰ ⵉⵙⵕⴰⵉⵍ ⵅⴼ ⵓⴳⴷⵓⴷ ⴷ ⵡⴰⴽⴰⵍ ⵏ ⴼⵉⵍⵉⵙⵟⵉⵏ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ, ⵎⴰⵙ ⵍⵎⵖⵔⵉⴱ ⴷⴰ ⵉⵜⵜⴰⵡⵙ ⵉ ⵜⵓⴳⴳⵯⴰⵣ ⴰⴼⴰⴷ ⴰⴷ ⵢⵉⵍⵉ ⵓⵎⵙⴰⵙⴰ ⵉⵏⴳⵔ ⵉⴼⴰⵍⵉⵙⵟⵉⵏⵉⵢⵏ ⴷ ⵉⵙⵕⴰⵍⵉⵢⵏ.
Dernière modification : 29 ⵏⵓⵡⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%9C-%E2%B5%8F-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%9C%E2%B5%89%E2%B5%99%E2%B5%8F%E2%B5%99%E2%B5%89-%E2%B5%8F#comment-0