Published on MAPNews (https://www.mapnews.ma/am)

Accueil > ⵜⴰⴽⵓⵙⵜ ⵏ ⵓⴷⴰⴱⵓ 2014-2015 : ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵟⴰⵏⵊⴰ ⵜⴰⵎⵏⵢⵓⴳⴰⵔⵜ ⴳⵔ ⵜⵔⴰⴱⴱⵓⵜ ⵏ ⵡⴰⵎⵓⵏ ⵏ ⵍⴼⴰⵜⵃ ⵕⵉⵢⵢⴰⴹⵉ ⴷ ⵓⵍⴰⵎⴱⵉⴽ ⵅⵔⵉⴱⴳⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⴽⵓⵙⵜ ⵏ ⵓⴷⴰⴱⵓ 2014-2015 : ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵟⴰⵏⵊⴰ ⵜⴰⵎⵏⵢⵓⴳⴰⵔⵜ ⴳⵔ ⵜⵔⴰⴱⴱⵓⵜ ⵏ ⵡⴰⵎⵓⵏ ⵏ ⵍⴼⴰⵜⵃ ⵕⵉⵢⵢⴰⴹⵉ ⴷ ⵓⵍⴰⵎⴱⵉⴽ ⵅⵔⵉⴱⴳⴰ

19 ⵏⵓⵡⴰⵏⴱⵉⵔ 2015 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵕⴰⵙ, ⵜⴰⵎⵏⵢⵓⴳⴰⵔⵜ ⵏ ⵜⴰⴽⵓⵙⵜ ⵏ ⵓⴷⴰⴱⵓ ⵏ ⵜⵛⴰⵎⴰ ⵓⴹⴰⵕ ⵏ 2014-2015, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵓⴱⴰⵔⴰⵣ ⴰⵅⴰⵜⴰⵔ ⵏ ⵟⴰⵏⵊⴰ, ⵉⵙⵎⴰⵏ ⴳⵔ ⵜⵔⴰⴱⴱⵓⵜ ⵏ ⵡⴰⵎⵓⵏ ⵏ ⵍⴼⴰⵜⵃ ⵕⵉⵢⵢⴰⴹⵉ ⴷ ⵓⵍⴰⵎⴱⵉⴽ ⵅⵔⵉⴱⴳⴰ, ⵍⵍⵉ ⵉⴼⵓⴽⴰⵏ ⵙ ⵜⵎⵔⵏⵉⵡⵜ ⵏ ⵜⵔⴰⴱⴱⵓⵜ ⵏ ⵅⵔⵉⴱⴳⴰ.
ⴳ ⵓⵣⵎⵣⵣⵓ ⴳ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⴱⴰⵔⴰⵣ ⴰⵎⵇⵕⴰⵏ ⵏ ⵟⴰⵏⵊⴰ, ⵉⵣⵣⵓⵍ ⴷ ⵎⴰⵙⵙ ⵍⵃⵙⵙⵏ ⵙⴽⵓⵔⵉ ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⵓⵏⵏⵓⵏⵜ , ⴷ ⵍⵊⵉⵏⵉⵕⴰⵍ ⴷⵓⴽⵓⵕⴹⴰⵕⵎⵉ ⵃⵓⵙⵏⵉ ⴱⵏ ⵙⵍⵉⵎⴰⵏ ⴰⵏⵙⵙⵉⵅⴼ ⵏ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵓⵍⴰⵎⴱⵉⵢⴰⴷ ⴰⵎⵖⵔⴰⴱⵉⵢ. ⴷ ⵉⵣⵣⵓⵍ ⵙⵓⵍ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵎⴰⵙⵙ ⵍⵢⴰⵄⵇⵓⴱⵉ, ⵡⴰⵍⵉ ⵏ ⵜⵙⴳⴰ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ, ⴷ ⵓⵏⴱⴱⴰⴹ ⵏ ⵜⵙⴳⴰ ⵏ ⵟⴰⵏⵊⴰ, ⴷ ⴰⵙⵢⴰ ⴱⵓⵣⴽⵔⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ, ⴷ ⵍⴽⵓⵍⵓⵏⵉⵍ ⵎⴰⵊⵓⵕ ⴰⵏⴰⵔⴰ ⴰⵎⴰⵔⵉ ⵏ ⵍⵃⴰⵎⵢⴰ ⵍⵄⵙⴽⴰⵔⵉⵢⴰ ⵟⴰⵏⵊⴰ ⵍⵄⵔⴰⵢⵛ, ⴷ ⵄⴱⴷ ⵍⵃⵎⵉⴷ ⴰⴱⵔⵛⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⵟⴰⵏⵊⴰ ⴰⵚⵉⵍⴰ, ⴷ ⵍⴱⴰⵛⵉⵔ ⵍⵄⴱⴷⵍⴰⵡⵉ ⴰⵏⵙⵙⵉⵅⴼ ⵏ ⵜⴳⵔⴰⵡⵜ ⵜⴰⴷⵖⵔⴰⵏⵜ ⵏ ⵟⴰⵏⵊⴰ, ⴷ ⴼⴰⵡⵣⵉ ⵍⵇⵊⴰⵄ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵢⵜ ⵏ ⵜⵛⴰⵎⴰ ⵓⴹⴰⵕ, ⴷ ⵓⵏⵎⵀⴰⵍ ⵏ ⵓⴱⴰⵔⴰⵣ ⴰⵎⵇⵕⴰⵏ ⵏ ⵟⴰⵏⵊⴰ. ⴷⴼⴼⵉⵔ ⵏ ⵓⵣⵣⵓⵍ ⵏ ⵓⵛⵏⵢⴰⵍ ⵙ ⵉⵣⵍⵉ ⴰⵏⴰⵎⵓⵔ ⵉⴼⵜⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵓⵏⵙⴰ ⵏ ⵓⴱⴰⵔⴰⵣ ⵉⵣⵣⵓⵍ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵢⵜ ⵏ ⵜⵛⴰⵎⴰ ⵓⴹⴰⵕ ⴷ ⵓⴳⴰⵍⵓⴼ ⵏ ⵜⵏⴱⴹⴰⵢⵜ ⵙ ⵜⵏⴰⵔⴰ ⵏ ⵓⵏⴱⴹⴰⵢ ⴰⵎⴰⴹⵍⴰⵏ ⴱⵓⵛⵄⵉⴱ ⵍⵃⵔⵛ ⴷ ⵉⵎⵙⵡⵓⴷⴷⵓⵜⵏ ⴷ ⵉⵎⵓⵔⴰⵔⵏ ⵏ ⵙⵏⴰⵜ ⵜⵔⵓⴱⴱⴰ. ⴷⴼⴼⵉⵔ ⴳ ⵜⵜⵓⵢⴰⵙⵉ ⵜⵡⵍⴰⴼⵜ ⵏ ⵓⴽⵜⵜⴰⵢ ⵉ ⵙⵏⴰⵜ ⵜⵔⵓⴱⴱⴰ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵍⴱⴷⵓ ⴰⵎⴰⴷⵓⴷ ⵏ ⵜⴰⵎⵏⵢⵓⴳⴰⵔⵜ.
Dernière modification : 19 ⵏⵓⵡⴰⵏⴱⵉⵔ 2015
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%8F-%E2%B5%93%E2%B4%B7%E2%B4%B0%E2%B4%B1%E2%B5%93-2014-2015-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B3#comment-0