ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵉ ⵜⵙⵎⵉⵏⵉ ⵏ ⵉⵏⵎⵖⵓⵔⵏ ⵉⵅⴰⵜⴰⵔⵏ ⵜⵉⵙⵙ 4 ⵏ ⵓⵎⴰⴹⴰⵍ ⴰⵄⵕⴰⴱ -ⴰⵎⵔⵉⴽⴰ ⵍⴰⵜⵉⵏⵢⵢⴰ

11 ⵏⵓⵡⴰⵏⴱⵉⵔ 2015 Version Imprimable

ⵕⵕⵉⵢⵢⴰⴹ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵔⴰⵙ ⵢⴰⵏ ⵉⵏⴰⵡ ⵉ ⵜⵙⵎⵉⵏⵉ ⵉⵏⵎⵖⵓⵔⵏ ⵉⵅⴰⵜⴰⵔⵏ ⵜⵉⵙⵙ 4 ⵏ ⵓⵎⴰⴹⴰⵍ ⴰⵄⵕⴰⴱ -ⴰⵎⵔⵉⴽⴰ ⵍⴰⵜⵉⵏⵢⵢⴰ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵜⴰⵎⴰⵥⵓⵏⵜ ⵏ ⵙⵙⴰⵄⵓⴷⵉⵢⵢⴰ ⵕⵕⵉⵢⵢⴰⴹ.

ⵉⵏⴰⵡ ⴰⴷ ⵉⵖⵔⴰⵜ ⵎⴰⵙⵙ ⵄⴱⴷⵍⵉⵍⴰⵀ ⴱⵏⴽⵉⵔⴰⵏ ⴰⵏⵙⵙⵉⵅⴼ ⵏ ⵜⵏⴱⴰⴹⵜ. ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡⴰ ⴰⴷ ⴰⵏⴰⵔⵓⵣ ⵏⵏⵙ ⴰⴼⴰⴷ ⴰⴷ ⵜⴰⵡⵙ « ⵜⵙⴳⵓⵔⵉ ⵏ ⵕⵕⵉⵢⵢⴰⴹ » ⵍⵍⵉ ⵔⴰⴷ ⵉⵣⵔⵉ ⴳ ⵜⵙⵎⵉⵏⵉ ⵉⵏⵎⵖⵓⵔⵏ ⵉⵅⴰⵜⴰⵔⵏ ⵜⵉⵙⵙ 4 ⵏ ⵓⵎⴰⴹⴰⵍ ⴰⵄⵕⴰⴱ -ⴰⵎⵔⵉⴽⴰ ⵍⴰⵜⵉⵏⵢⵢⴰ ⴳ ⵓⵙⴷⵓⵙ ⵏ ⵉⵙⵡⴰⵍⴰⵜⵏ ⵖⵓⴷⴰⵏⵉⵏ ⵏ ⵜⵎⴷⵔⴰⵡⵜ ⴳⵔ ⵜⵎⵉⵣⴰⵔ ⵏ ⵜⴰⵔⴱⴱⵓⵜⵉⵏ ⵙⵏⴰⵜ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⴷ ⵉⵇⵇⴰⵏ ⴰⴷ ⴰⵜⵜⴰⵡⴼⴽⴰ ⵢⴰⵏ ⵓⵏⴼⴰ ⴰⵅⴰⵜⴰⵔ ⵉ ⵜⵏⴽⵔⴰ ⵙ ⵜⴳⵎⵉ ⵜⴰⵏⴼⴳⴰⵏⵜ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵓⵣⵣⵓⴳⵣ ⵏ ⵉⵙⵏⵜⵉⵏ ⵉⵏⴰⵎⵓⵏⵏ ⵍⵍⵉ ⵔⴰⴷ ⵉⵙⵙⴼⵓⵍⴽⵉ ⵜⵓⴷⵔⵜ ⵏ ⵉⴼⴳⴰⵏⵏ.

ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⴼⵓⵍⴽⵉ ⴱⴰⵀⵔⴰ ⴰⵙⴷⵓⵙ ⵏ ⵓⵎⵢⴰⵡⴰⵙ -ⵉⴼⴼⵓⵙ-ⵉⴼⴼⵓⵙ ⵏ ⵜⴱⴷⴰⴷⵜ ⴷ ⵓⵏⴹⴰⵡ ⵏ ⵜⵉⵏⵥⵕⵉⵏ ⵍⵍⵉ ⵍⵍⴰⵏⵉ ⴷⴰⵔ ⵜⵎⵉⵣⴰⵔ ⵏ ⵜⵔⴰⴱⴱⵓⵜⵉⵏ ⵙⵏⴰⵜ ⴳ ⵉⴳⵔ ⵏ ⵜⴳⵎⵉ ⴷ ⵜⵏⴼⵔⵓⵜ .

ⵉⵙⵏⵉⵎⵎⵔ ⴱⴰⵀⵔⴰ ⴱⴰⴱ ⵏ ⵡⴰⴷⴷⵓⵔ ⴰⵍⴰ ⴰⴷⴷⴰⴷⵏ ⵏ ⵉⵡⴰⵏⴽ ⵏ ⴰⵎⵔⵉⴽⴰ ⵏ ⵉⴼⴼⵓⵙ ⵍⵍⵉ ⵉⵏⵏⴰⵍⵏ ⵜⵉⵎⵙⴰⵔⵉⵏ ⵏ ⵡⴰⵄⵕⴰⴱⵏ ⵙⵍⴰⵡⴰⵏ ⴰⴽⴽⵯ ⵜⵉⵏ ⴼⴰⵍⴰⵙⵟⵉⵏ .

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵅⴼ ⵓⵣⵔⴰⴽ ⵏ ⵜⵎⵓⵏⵜ ⵏ ⵡⴰⴽⴰⵍ ⵏ ⵜⵎⵓⵔⵉⵏ ⴷ ⵜⵏⴽⵔⴰ ⵙ ⵉⵜⵉⴳⵏ ⵉⵏⴳ*ⴼⴳⴰⵏⵏ ⴷ ⵓⵍⴷⵓⴷⵉ .

Dernière modification : 11 ⵏⵓⵡⴰⵏⴱⵉⵔ 2015

Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%9C%E2%B5%99%E2%B5%8E%E2%B5%89%E2%B5%8F%E2%B5%89-%E2%B5%8F-%E2%B5%89%E2%B5%8F%E2%B5%8E%E2%B5%96%E2%B5%93%E2%B5%94%E2%B5%8F-%E2%B5%89%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%8F-%E2%B5%9C%E2%B5%89%E2%B5%99%E2%B5%99-4-%E2%B5%8F-%E2%B5%93%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B4%B0%E2%B5%84%E2%B5%95%E2%B4%B0%E2%B4%B1-%E2%B4%B0%E2%B5%8E%E2%B5%94%E2%B5%89%E2%B4%BD%E2%B4%B0#comment-0