Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴰⵡ ⵢⴰⵜⵜⵓⵢⵏ ⴰⵙⴽⴽⵯⴰ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵜⵡⴰⴷⴰ ⵜⵣⴳⵣⴰⵡⵜ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴰⵡ ⵢⴰⵜⵜⵓⵢⵏ ⴰⵙⴽⴽⵯⴰ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵜⵡⴰⴷⴰ ⵜⵣⴳⵣⴰⵡⵜ

06 ⵏⵓⵡⴰⵏⴱⵉⵔ 2015 Version Imprimable
ⵍⵄⵢⵓⵏ - / ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ, ⵉⵏⴰⵡ ⵢⴰⵜⵜⵓⵢⵏ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 40 ⵏ ⵜⵡⴰⴷⴰ ⵜⵣⴳⵣⴰⵡⵜ.
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵎⴰⵙ ⵔⴰⴷ ⵉⴱⴱⵉ ⵍⵎⵖⵔⵉⴱ ⴷ ⵜⵡⵓⵔⵉⵡⵉⵏ ⵜⵉⵇⴱⵓⵔⵉⵏ ⴳ ⵎⴰⴷ ⵉⵥⵍⵉⵏ ⵙ ⵚⵚⵃⵕⴰ. ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵔⴰⴷ ⴰⴼⵏ ⵜⴰⵔⵡⴰ ⵏ ⵜⵙⴳⵉⵡⵉⵏ ⵏ ⵚⵚⵃⵕⴰ ⴰⴽⴽ ⵉⵎⵉⵙⵏ ⵍⵍⵉⴷ ⵉⵇⵇⴰⵏ ⴰⴼⴰⴷ ⴰⴷ ⵜⵖⵓⴷⵓ ⵜⵓⴷⵔⵜ ⵏⵏⵙⵏ ⴷ ⵜⵏⴽⵔⴰ ⵙ ⵜⴳⵎⵉ ⴳ ⵜⵙⴳⴰ ⵢⴰⴷ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵔⴰⴷ ⵢⴰⴼ ⵍⵎⵖⵔⵉⴱ ⵉⵙⵙⵓⵔⴰ ⵍⵍⵉ ⴷ ⵉⵇⵇⴰⵏ ⴰⴼⴰⴷ ⵜⵜⵓⵙⴽⴰⵔⵏ ⵉⵙⵏⵜⵉⵜⵏ ⵉⵏⴰⵎⵓⵏ ⴷ ⵡⵉⵏ ⵜⴷⵓⵙⵉ ⴷ ⵓⵙⴳⵎⵉ ⴳ ⵜⵉⵙⴳⵉⵡⵉⵏ ⵏ ⵍⵄⵢⵓⵏ ⴷ ⵙⵙⴰⵇⵢⴰ ⵍⵃⵎⵕⴰ ⴷ ⴷⴷⴰⵅⵍⴰ ⴷ ⴳⵍⵎⵉⵎ ⵡⴰⴷ ⵏⵓⵏ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵎⴰⵙ ⵔⴰⴷ ⵉⵜⵜⵓⴼⴽⴰ ⵓⵏⴼⴰ ⵏ ⵉⵙⵏⵜⵉⵏ ⵏ ⵉⴱⵔⵉⴷⵏ ⵏ ⵓⵓⵙⵙⴰⵢ ⵏ ⵜⴰⵢⵍⴰⵍⵉⵏ ⴳ ⵜⵙⴳⴳⵉⵡⵉⵏ ⵏ ⵚⵚⵃⵕⴰ. ⴳ ⵜⵙⴳⴰ ⵢⴰⴹⵏ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵏⴱⴰⴹⵜ ⴰⴷ ⵜⵣⵓⴳⵣ ⴷⵖⵢⴰ ⵉⴹⵕⵉⵙⵏ ⵉⵙⴰⴷⴰⴼⵏ ⵉⵥⵍⵉⵏ ⵜⵡⴰⵙⵙⴰⵢ ⵏ ⵉⵙⵙⵓⴳⵔⴰ ⵏ ⵡⴰⵎⵎⴰⵙ ⵉ ⵜⵙⴳⵉⵡⵉⵏ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵎⴰⵙ ⵉⵔⴰ ⵍⵎⵖⵔⵉⴱ ⴰⴷ ⵉⵙⵔⵙ ⴰⵙⵏⵜⵉ ⵏ ⵜⵎⵙⴳⴰⵡⵜ ⵉⴷⴷⴰⵏ ⵍⵍⵉ ⵉⴳⴰⵏ ⵖⵉⵍⴰⴷ ⵜⵉⵍⴰⵡⵜ. ⵉⴽⴽⴰⵜⵏ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⵜⴰⵎⴷⵉⵏⵜ ⵏ ⵍⵄⵢⵓⵏ. ⴰⵔ ⵉⵎⵎⴰⵍ ⵓⵔⵣⴰⴼ ⴰⴷ ⴰⴳⵍⴷⴰⵏ ⴰⵎⵣⵔⴰⵢ ⵍⵍⵉ ⴷ ⵉⵎⵙⴰⵙⵏ ⴷ ⵓⵙⵙⴽⵜⵉ ⵡⵉⵙⵙ 40 ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⴰⵏⴼⴰ ⴰⵅⴰⵜⴰⵔ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⵎⵣⴷⴰⵖⵏ ⵏ ⵜⵙⴳⴰ ⵢⴰⴷ ⴷ ⵓⵙⴼⵓⵍⴽⵉ ⵏ ⵜⵓⴷⵔⵜ ⵏⵏⵙⵏ. ⵙⴽⵔⵏ ⵉⵎⵣⴷⴰⵖⵏ ⵏ ⵜⵙⴳⴰ ⵏ ⵍⵄⵢⵓⵏ-ⵙⵙⴰⵇⵢⴰ ⵍⵃⵎⵕⴰ ⵢⴰⵏ ⵓⵙⵏⵓⴱⴳ ⴰⵎⵇⵔⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴳ ⵓⴱⵔⵉⴷ ⵍⵍⵉⵖ ⵉⵣⵔⵉ ⴱⴰⴱ ⵏ ⵡⴰⴷⴷⵓⵔ ⴷ ⵓⴽⴰⴱⴰⵔ ⵍⵍⴷ ⴷⵉⵙ ⵉⵎⵓⵏⵏ.
Dernière modification : 06 ⵏⵓⵡⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%8F%E2%B4%B0%E2%B5%A1-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B4%B0%E2%B5%99%E2%B4%BD%E2%B4%BD%E2%B5%AF%E2%B4%B0-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B5%A1%E2%B4%B0%E2%B4%B7%E2%B4%B0-%E2%B5%9C%E2%B5%A3%E2%B4%B3%E2%B5%A3%E2%B4%B0%E2%B5%A1%E2%B5%9C#comment-0