ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏⵏⵉ ⴰⵙⵓⴳⵔ ⵏⵏⵙ ⵉ ⵡⴰⴷⴷⴰⴷ ⵉⴼⵓⵍⴽⵉⵏ ⵏ ⵍⵀⵉⵏⴷ ⴳ ⵜⵎⵓⴽⵔⵉⵙⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ

29 ⴽⵟⵓⴱⵕ 2015 Version Imprimable

ⵏⵢⵉⵓⴷⵉⵍⵀⵉ - ⵢⴰⵏⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵏⵢⵓⴷⵉⵍⵀⵉ, ⴰⵙⵓⴳⵔ ⵏⵏⵙ ⵉ ⵡⴰⴷⴷⴰⴷ ⵉⴼⵓⵍⴽⵉⵏ ⵏ ⵜⴳⴷⵓⴷⴰⵏⵜ ⵏ ⵍⵀⵉⵏⴷ ⴳ ⵜⵎⵓⴽⵔⵉⵙⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ, ⴷ ⵢⵉⵡⵡⵙ ⵏⵏⵙ ⵉ ⵓⵖⴰⵔⴰⵙ ⴰⵎⵜⵜⴰⵏ ⵏ ⵓⴼⵙⴰⵢ ⵜⵎⵓⴽⵔⵉⵙⵜ ⴰⴷ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵎⵏⵉⴷ ⵜⴰⵙⵓⵜⵍⵜ ⵜⵉⵙⵙ 3 ⵏ ⵓⵙⴳⵔⴰⵡ ⴰⵅⴰⵜⴰⵔ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽ ⴷ ⵜⵏⴱⴰⴹⵉⵏ ⵏ "ⵍⵀⵉⵏⴷ -ⵉⴼⵔⵉⵇⵢⴰ" 2015, ⵎⴰⵙⵙ ⵓⵔⵜ ⵉⵙⵙⵓⵙⵎ ⵎⴰⵛⴽⵓ ⵍⵍⴰⵏⵜ ⵜⵎⵉⵣⴰⵔ ⵓⵔ ⵥⴹⴰⵕⵏⵜ ⴰⴷ ⵜⵜⵓⵙⴱⵓⵖⵍⵓⵏⵜ, ⵙⵓⵍⵏⵜ ⴷⴰ ⵙⴰⵡⴰⵍⵏⵜ ⵅⴼ ⵜⵓⵔⴷⴰⵡⵉⵏ ⵉⵥⵔⵉⵏ, ⵅⴼ ⵜⴽⴽⵯⴰ ⵓⴳⴳⵯⴰⵔ ⵏ 40 ⵏ ⵓⵙⴳⴳⵯⴰⵙ. ⴳ ⵜⵙⴳⴰ ⵢⴰⴹⵏⵉⵏ ⵢⴰⵏⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵔⵉⵜ ⵏⵏⵙ ⵉ ⵜⵉⵔⵎⵉⵡⵉⵏ ⵏ ⵍⵀⵉⵏⴷ ⴳ ⵓⵙⴱⵓⵖⵍⵓ ⴰⵏⴳⵎⴰⵏ ⵉⵖⵓⴷⴰⵏ, ⵎⴰⵢⴰⴷ ⵢⵓⵊⵊⴰⵜ ⴰⴷ ⵜⵍⴽⵎ ⴰⵏⵙⴰ ⵉⴷⴷⵓⵙⵏ, ⴰⴼⴰ ⴷ ⵜⵥⴹⴰⵕ ⴰⴷ ⴷⴰⵔⵙ ⴰⴷⴷⵓⵔ ⴰⵅⴰⵜⴰⵔ ⵉⵎⴳⵍ ⵙ ⵃⵟⵟⵓ ⵏ ⵍⴰⵎⴰⵏ ⴷ ⵙⵍⴰⵎⵜ ⴳ ⵜⵎⵉⵣⴰⵔ. ⴷ ⵉⴼⵔⴰ ⵙⵓⵍ ⵎⴰⵙ ⴷ ⵜⵉⵥⵉⴹⵕⴰ ⴷ ⵢⵓⵊⵊⴰⵏ ⵍⵀⵉⵏⴷ ⴰⴷ ⵜⴰⵎⵥ ⴰⵏⵙⴰ ⴰⴷ, ⵉⴳⴰ ⵜⴰⵙⵔⵜⵉⵜ ⴷ ⵜⵎⵙⵜⴳⴳⵯⴰⵔⵜ ⵏⵏⵙ ⵏ ⴱⵕⵕⴰ ⵢⴰⴽⵙⵓⵍⵏ, ⴷ ⵓⵣⵔⴰⴽ ⵓⵍⴳⵉⵏ ⵏ ⵜⵎⵉⵣⴰⵔ, ⴷ ⵜⴰⵎⵓⵏⵏⵜ ⵏ ⵡⴰⴽⴰⵍ ⵏ ⵜⵎⵉⵣⴰⵔ, ⴷ ⵓⵎⵣⴰⵖ ⵅⴼ ⵜⵏⴰⴼⵓⵜ ⵏ ⵜⵎⵉⵣⴰⵔ ⵜⵉⵏⵎⵖⴰⵢⵉⵏ ⴷ ⵉⵙⴳⵓⵎⵏ ⵏ ⵜⵣⵔⴼⵜ.

Dernière modification : 29 ⴽⵟⵓⴱⵕ 2015

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F%E2%B5%8F%E2%B5%89-%E2%B4%B0%E2%B5%99%E2%B5%93%E2%B4%B3%E2%B5%94-%E2%B5%8F%E2%B5%8F%E2%B5%99-%E2%B5%89-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%89%E2%B4%BC%E2%B5%93%E2%B5%8D%E2%B4%BD%E2%B5%89%E2%B5%8F-%E2%B5%8F-%E2%B5%8D%E2%B5%80%E2%B5%89%E2%B5%8F%E2%B4%B7-%E2%B4%B3-%E2%B5%9C%E2%B5%8E%E2%B5%93%E2%B4%BD%E2%B5%94%E2%B5%89%E2%B5%99%E2%B5%9C-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C#comment-0