ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⴹⴰⴽⴰⵕ ⴳ ⵏⵢⵓⴷⵍⵀⵉ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵍⵀⵉⵏⴷ

29 ⴽⵟⵓⴱⵕ 2015 Version Imprimable

ⵏⵢⵓⴷⵍⵀⵉ - ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵏⵢⵓⴷⵍⵀⵉ, ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵍⵀⵉⵏⴷ, ⵎⴰⵙⵙ ⵏⴰⵔⵉⵏⴷⵔⴰⵔ, ⵙ ⵜⵙⴳⴰ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵓⵙⴳⵔⴰⵡ ⵏ ⵍⵀⵉⵏⴷ - ⵉⴼⵔⵉⵇⵢⴰ 2015.

ⴷ ⵉⵍⵍⴰ ⴳ ⵉⵎⴹⴰⴽⴰⵕⵏ ⴰⴷ ⵉⵎⵛⴰⵡⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ ⴷ ⵎⴰⵙⵙ ⵢⴰⵙⵉⵔ ⵣⵣⵏⴰⴽⵉ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙⵙ ⵚⴰⵍⴰⵃ ⴷⴷⵉⵏ ⵎⵣⵡⴰⵔ, ⴷ ⵓⵎⵙⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⴰⴱ ⴳ ⵍⵀⵉⵏⴷ ⵎⴰⵙⵙ ⵍⵄⵔⴱⵉ ⵔⴼⵓⵄ, ⴷ ⵓⵎⵙⵇⴰⴷ ⵏ ⵍⵀⵉⵏⴷ ⴳ ⵕⵕⴱⴰⴹ ⵎⴰⵙⵙ ⴷⵉⵏⵉⵛ ⴱⴰⵜⵏⵉⴽ. ⵉⵔⵏⵓ ⵉⵏⵏⴰ ⵓⵙⴱⵔⵙⵉⵔⴰ ⵎⴰⵙ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵍⵀⵉⵏⴷ ⴳ ⵓⵣⵎⵣⵣⵓ ⴰⴷ ⵎⴰⵙ ⴷⴰⵔⵙⵏ ⵜⵉⵔⴰⵜ ⵉⵛⵛⴰⵔⵏ ⴰⴼⴰⴷ ⴰⴷ ⴰⵍⵍⵏ ⴰⵙⵡⵉⵔ ⵏ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⴳⵔ ⵍⵎⵖⵔⵉⴱ ⴷ ⵍⵀⵉⵏⴷ . ⵙ ⵖⵎⴽⴰⴷ ⵉⵎⵙⴰⵙⴰ ⴱⴰⴱ ⵏ ⵡⴰⴷⴷⵓⵔ ⴷ ⵎⴰⵙⵙ ⵎⵓⴷⵉ ⵅⴼ ⵜⵓⴳⵉ ⵏ ⵢⴰⵜ ⵜⵙⵇⵇⵉⵎⵜ ⵏ ⵜⵡⵓⵔⵉ ⵍⵍⵉ ⵔⴰⴷ ⵉⴹⴼⵕⵏ ⵉⵎⴰⵡⵙⴰⵙⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵜⵎⵉⵣⴰⵔ ⵙⵏⴰⵜ ⴰⴼⴰⴷ ⴰⴷ ⴰⴼⵏ ⵉⵙⵏⵜⵉⵏ ⵉⵅⴰⵜⴰⵔⵏ ⴷ ⵜⵙⵏⵜⴰⵢⵉⵏ ⵖⵓⴷⴰⵏⵉⵏ. ⵙ ⵓⵣⵎⵣⵣⵓ ⴰⴷ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵖⵓⵔⵉ ⵉ ⵢⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵍⵀⵉⵏⴷ ⴰⴼⴰⴷ ⴰⴷ ⵉⵙⴽⵔ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵍⵎⵖⵔⵉⴱ

Dernière modification : 29 ⴽⵟⵓⴱⵕ 2015

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95-%E2%B4%B3-%E2%B5%8F%E2%B5%A2%E2%B5%93%E2%B4%B7%E2%B5%8D%E2%B5%80%E2%B5%89-%E2%B4%B7-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%8D%E2%B5%80%E2%B5%89%E2%B5%8F%E2%B4%B7#comment-0