Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵎⵏⵉⴷ ⵜⴰⵙⵓⵜⵍⵜ ⵜⵉⵙⵙ 3 ⵏ ⵓⵙⴳⵔⴰⵡ ⴰⵅⴰⵜⴰⵔ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽ ⴷ ⵜⵏⴱⴰⴹⵉⵏ ⵏ "ⵍⵀⵉⵏⴷ -ⵉⴼⵔⵉⵇⵢⴰ"
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵎⵏⵉⴷ ⵜⴰⵙⵓⵜⵍⵜ ⵜⵉⵙⵙ 3 ⵏ ⵓⵙⴳⵔⴰⵡ ⴰⵅⴰⵜⴰⵔ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽ ⴷ ⵜⵏⴱⴰⴹⵉⵏ ⵏ "ⵍⵀⵉⵏⴷ -ⵉⴼⵔⵉⵇⵢⴰ"

29 ⴽⵟⵓⴱⵕ 2015 Version Imprimable
ⵏⵢⵉⵓⴷⵉⵍⵀⵉ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵡⴰⵙ ⵢⴰⵏ ⵉⵏⴰⵡ ⵎⵏⵉⴷ ⵜⴰⵙⵓⵜⵍⵜ ⵜⵉⵙⵙ 3 ⵏ ⵓⵙⴳⵔⴰⵡ ⴰⵅⴰⵜⴰⵔ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽ ⴷ ⵜⵏⴱⴰⴹⵉⵏ ⵏ "ⵍⵀⵉⵏⴷ -ⵉⴼⵔⵉⵇⵢⴰ" ⵍⵍⵉ ⵉⵏⵏⵓⵕⵥⵎⵏ ⴳ ⵏⵢⵓⴷⵉⵍⵀⵉ.
ⵉⵙⵡⴰⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵙ ⵓⵣⵎⵣⵣⵓ ⵏ ⵜⴰⵙⵓⵜⵍⵜ ⵜⵉⵙⵙ 3 ⵏ ⵓⵙⴳⵔⴰⵡ ⴰⵅⴰⵜⴰⵔ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽ ⴷ ⵜⵏⴱⴰⴹⵉⵏ ⵏ "ⵍⵀⵉⵏⴷ -ⵉⴼⵔⵉⵇⵢⴰ" ⵎⴰⵙⵙ ⵉⵅⵚⵚⴰ ⴰⴷ ⴳⴰⵏⵜ ⵜⵎⵉⵣⴰⵔ ⵏ ⵉⴼⴼⵓⵙ ⵜⴰⵖⵍⵉⴼⵜ ⴳ ⵜⵎⵉⵣⴰⵔ ⵏ ⵉⴼⴼⵓⵙ, ⴷ ⵓⵙⵙⴰⵔⵓ ⵏ ⵜⵥⵉⴹⴰⵕ ⵏⵏⵙⵏⵜ ⴳ ⵜⵏⴰⴼⵓⵜ ⵜⴰⵎⴷⵔⴰⵡⵜ ⴳⵔ ⵜⵎⵉⵣⴰⵔ ⴰⴷ ⴰⴼⴰ ⴷ ⵍⴽⵎⵏⵜ ⵜⵉⵎⵉⵣⴰⵔ ⵉⵜⵜⵎⵖⴰⵢⵏ. ⴷ ⵉⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⴼⵔⵉⵇⵢⴰ ⵜⴽⵛⵎ ⴳ ⵎⵏⵏⴰⵡ ⵏ ⵉⵙⴳⵔⴰⵡⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵜⵎⴰⵥⵓⵏⵉⵏ, ⴷ ⵉⵙⴷⴷⵉⴷ ⵎⴰⵙ ⴷ ⵉⴼⵔⵉⵇⵢⴰ ⵖⴰⵙⵙⴰⴷ ⵜⵙⵜⴰⵀⵍ ⵜⴰⵎⴷⵔⴰⵡⵜ ⵏ ⵓⵎⵢⴰⵡⴰⵙ, ⵓⴳⴳⵯⴰⵔ ⵏ ⵉⵙⵙⴰⵔⵏ ⵏⵏⵙ ⵉ ⵜⵓⵇⵇⵏⴰ ⵓⵔ ⵢⴰⴽⵙⵓⵍⵏ. ⴷ ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⵉ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴰⴷ ⵜⵉⵍⵉ ⵢⴰⵜ ⵜⵏⵉⵍⴰ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⵎⵢⴰⵡⴰⵙ ⴰⵖⵍⵉⴼ ⴷ ⵍⵀⵉⵏⴷ. ⴷ ⵉⵔⵏⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵉⵏⴰⵡⵜ ⵏⵏⵙ ⵎⴰⵙ ⴷ ⵍⵎⵖⵔⵉⴱ ⵉⵡⵊⴰⴷ ⴰⴷ ⵜⵜⵓⵙⴽⵔ ⵜⴳⵔⴰⵡⵜ ⵏ ⵜⵡⵓⵔⵉ ⵜⴰⵎⴷⵔⴰⵡⵜ ⴳ ⵓⵙⵏⴼⵍ ⵏ ⵉⵏⵖⵎⵉⵙⵏ ⴳ ⵓⵙⴷⴰⵡ ⴰⴷ, ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵜⴰⵖⵍⵉⴼⵜ ⵏⵏⵙ ⵎⴰⵙ ⴷ ⵜⴰⵎⴷⵔⴰⵡⵜ ⵏ ⵉⴼⵔⵉⵇⵢⴰ ⴷ ⵍⵀⵉⵏⴷ ⵜⵥⴹⴰⵕ ⴰⴷ ⵜⵙⴱⵓⵖⵍⵓ, ⴷ ⵜⵍⴽⵎ ⴰⵡⵜⵜⴰⵙ ⵏⵏⵙ ⴷ ⵜⵏⴰⴼⵓⵜ ⵏ ⵓⴳⴷⵓⴷ ⵏⵏⵙ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵍⴰⵎⴰⵏ ⴷ ⵓⵔⴳⴳⵉⴳ ⴳⴰⵏ ⵉⴳⵊⴷⵉ ⵏ ⵜⴳⵎⵉ, ⴱⵍⴰ ⵏⵉⵜⵏⵉ ⵓⵔ ⵜⵥⴹⴰⵕ ⵜⵎⴰⵣⵉⵔⵜ ⵏⴰⵖ ⴰⴷ ⵜⵙⵉⵍⵉ ⴰⵙⵓⵔⵙ ⵏⵏⵙ ⴰⵏⴰⵎⵓⵏ ⴷ ⵜⵙⵏⵜⴰⵢⵜ ⵏⵏⵙ ⵜⴰⵏⴳⵎⴰⵏⵜ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵎⵏⵉⴷ ⵜⴰⵙⵓⵜⵍⵜ ⵜⵉⵙⵙ 3 ⵏ ⵓⵙⴳⵔⴰⵡ ⴰⵅⴰⵜⴰⵔ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽ ⴷ ⵜⵏⴱⴰⴹⵉⵏ ⵏ "ⵍⵀⵉⵏⴷ -ⵉⴼⵔⵉⵇⵢⴰ" 2015, ⵎⴰⵙⵙ ⵓⵔⵜ ⵉⵙⵙⵓⵙⵎ ⵎⴰⵛⴽⵓ ⵍⵍⴰⵏⵜ ⵜⵎⵉⵣⴰⵔ ⵓⵔ ⵥⴹⴰⵕⵏⵜ ⴰⴷ ⵜⵜⵓⵙⴱⵓⵖⵍⵓⵏⵜ, ⵙⵓⵍⵏⵜ ⴷⴰ ⵙⴰⵡⴰⵍⵏⵜ ⵅⴼ ⵜⵓⵔⴷⴰⵡⵉⵏ ⵉⵥⵔⵉⵏ, ⵅⴼ ⵜⴽⴽⵯⴰ ⵓⴳⴳⵯⴰⵔ ⵏ 40 ⵏ ⵓⵙⴳⴳⵯⴰⵙ. ⴳ ⵜⵙⴳⴰ ⵢⴰⴹⵏⵉⵏ ⵢⴰⵏⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵔⵉⵜ ⵏⵏⵙ ⵉ ⵜⵉⵔⵎⵉⵡⵉⵏ ⵏ ⵍⵀⵉⵏⴷ ⴳ ⵓⵙⴱⵓⵖⵍⵓ ⴰⵏⴳⵎⴰⵏ ⵉⵖⵓⴷⴰⵏ, ⵎⴰⵢⴰⴷ ⵢⵓⵊⵊⴰⵜ ⴰⴷ ⵜⵍⴽⵎ ⴰⵏⵙⴰ ⵉⴷⴷⵓⵙⵏ, ⴰⴼⴰ ⴷ ⵜⵥⴹⴰⵕ ⴰⴷ ⴷⴰⵔⵙ ⴰⴷⴷⵓⵔ ⴰⵅⴰⵜⴰⵔ ⵉⵎⴳⵍ ⵙ ⵃⵟⵟⵓ ⵏ ⵍⴰⵎⴰⵏ ⴷ ⵙⵍⴰⵎⵜ ⴳ ⵜⵎⵉⵣⴰⵔ. ⴷ ⵉⴼⵔⴰ ⵙⵓⵍ ⵎⴰⵙ ⴷ ⵜⵉⵥⵉⴹⵕⴰ ⴷ ⵢⵓⵊⵊⴰⵏ ⵍⵀⵉⵏⴷ ⴰⴷ ⵜⴰⵎⵥ ⴰⵏⵙⴰ ⴰⴷ, ⵉⴳⴰ ⵜⴰⵙⵔⵜⵉⵜ ⴷ ⵜⵎⵙⵜⴳⴳⵯⴰⵔⵜ ⵏⵏⵙ ⵏ ⴱⵕⵕⴰ ⵢⴰⴽⵙⵓⵍⵏ, ⴷ ⵓⵣⵔⴰⴽ ⵓⵍⴳⵉⵏ ⵏ ⵜⵎⵉⵣⴰⵔ, ⴷ ⵜⴰⵎⵓⵏⵏⵜ ⵏ ⵡⴰⴽⴰⵍ ⵏ ⵜⵎⵉⵣⴰⵔ, ⴷ ⵓⵎⵣⴰⵖ ⵅⴼ ⵜⵏⴰⴼⵓⵜ ⵏ ⵜⵎⵉⵣⴰⵔ ⵜⵉⵏⵎⵖⴰⵢⵉⵏ ⴷ ⵉⵙⴳⵓⵎⵏ ⵏ ⵜⵣⵔⴼⵜ.
Dernière modification : 29 ⴽⵟⵓⴱⵕ 2015
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%8E%E2%B5%8F%E2%B5%89%E2%B4%B7-%E2%B5%9C%E2%B4%B0%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-3-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94-%E2%B5%8F-%E2%B5%89%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%8F-%E2%B5%8F-%E2%B5%89%E2%B5%A1%E2%B4%B0%E2%B5%8F%E2%B4%BD#comment-0