ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵟⴰⵏⵊⴰ ⵢⴰⵜ ⵜⵖⵉⵎⵉⵜ ⵏ ⵜⵡⵓⵔⵉ ⵉⵥⵍⵉⵏ ⵙ ⵉⴳⵔ ⵏ ⵜⵥⴹⴰⵕⵜ (ⴰⵙⴱⵔⵙⵉⵔⴰ ⴰⴳⵍⴷⴰⵏ)

13 ⴽⵟⵓⴱⵕ 2015 Version Imprimable

ⵟⴰⵏⵊⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵟⴰⵏⵊⴰ ⵢⴰⵜ ⵜⵖⵉⵎⵉⵜ ⵏ ⵜⵡⵓⵔⵉ ⵉⵥⵍⵉⵏ ⵙ ⵉⴳⵔ ⵏ ⵜⵥⴹⴰⵕⵜ ⵙⵍⴰⵡⴰⵏ ⴰⴽⴽ ⴰⵖⴰⵡⴰⵙ ⵏ ⵜⵥⴹⴰⵕⵜ ⵉⵜⵜⵓⵙⵎⴰⵢⵏⵓⵏ ⵎⴰⵢⴰⴷ ⴰⴷ ⵉⵏⵏⴰ ⵓⵙⴱⵔⵙⵉⵔⴰ ⴰⴳⵍⴷⴰⵏ ⴳ ⵢⴰⵏ ⵓⵙⵉⵡⴹ.

ⵙ ⵓⵣⵎⵣⵣⵓ ⴰⴷ ⵉⵏⴹ ⴱⴰⴱ ⵏ ⵡⴰⴷⴷⵓⵔ ⵉ ⵉⵎⴷⵔⴰⵡⵏ ⴳ ⵜⵉⵖⵉⵎⵉⵜ ⴰⴷ ⴰⴼⴰⴷ ⴰⴷ ⴰⴼⵏ ⵢⴰⵜ ⵜⴰⵏⵏⴰⵢⵜ ⵙⵍⴽⵎⵏⵜ ⵉ ⴱⴰⴱ ⵏ ⵡⴰⴷⴷⵓⵔ ⴳ ⵢⴰⵏ ⵓⵣⵎⵣ ⵏ ⵡⴰⵢⵢⵓⵔ ⴳ ⵎⴰⴷ ⵉⵥⵍⵉⵏ ⵙ ⵜⵙⵜⵔⵙⵜⵉⵊⵉⵜ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵙⴰⵙⴰ ⴳⵔ ⵉⵎⵙⴽⴰⵔⵏ .

ⵉⴷⵔⴰ ⴳ ⵜⵖⵉⵎⵉⵜ ⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴱⴷⵍⵉⵍⴰⵀ ⴱⵏⴽⵉⵔⴰⵏ ⴷ ⵉⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⵣⵓⵍⵅⴰ ⵏⴰⵚⵕⵉ ⴷ ⴼⵓⵡⴰⴷ ⵄⴰⵍⵉ ⵍⵀⵉⵎⵎⴰ ⴷ ⵢⴰⵙⵉⵔ ⵥⵏⴰⴳⵉ ⴷ ⵎⵏⵏⴰⵡ ⵏ ⵉⵎⴰⵡⵙⴰⵙⵏ ⴳ ⵉⴳⴰ ⵎⵓⵃⵎⵎⴷ ⴱⴰⵓⵙⵄⵉⴷ ⴷ ⵄⴱⴷⵍⵇⴰⴷⵔ ⵄⵎⴰⵔⴰ . ⵉⵣⵔⵉ ⵓⵏⵎⵓⵇⴰⵔ ⴰⴷ ⵓⵍⴰ ⵙⵜⵉⵍⵉⵜ ⵏ ⵓⵏⵎⵀⴰⵍ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵡⴰⵎⴰⵏ ⴷ ⵜⵉⴼⴰⵡⵜ ⵄⴰⵍⵉ ⴼⴰⵙⵉ ⴼⵉⵀⵔⵉ ⴷ ⵜⵏⵎⵀⴰⵍⵜ ⵏ ⵓⵙⵉⵔⴰ ⴰⵏⵎⵓⵔ ⵏ ⵍⵀⵉⴷⵔⵓⴽⴰⵔⴱⵓⵔⴰⵜ ⴰⵎⵉⵏⴰ ⴱⵏⵅⴹⵕⴰ ⴷ ⵓⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⵥⴹⴰⵕⵜ ⵏ ⵜⴰⴼⵓⴽⵜ ⵎⵚⵟⴰⴼⴰ ⴱⴰⴽⵓⵔⵉ.

Dernière modification : 13 ⴽⵟⵓⴱⵕ 2015

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3-%E2%B5%9C%E2%B4%B3%E2%B4%B0%E2%B4%B7%E2%B5%89%E2%B5%94%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%A2%E2%B4%B0%E2%B5%9C-%E2%B5%9C%E2%B5%96%E2%B5%89%E2%B5%8E%E2%B5%89%E2%B5%9C-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%89%E2%B4%B3%E2%B5%94-%E2%B5%8F#comment-0