ⵉⵥⵥⵓⵍ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⵏⴰⵚⵕ ⴳ ⵜⵎⴷⵉⵏⵜ ⵏ ⵟⴰⵏⵊⴰ

09 ⴽⵟⵓⴱⵕ 2015 Version Imprimable

ⵟⴰⵏⵊⴰ - ⵉⵥⵥⵓⵍ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⵏⴰⵚⵕ ⴳ ⵜⵎⴷⵉⵏⵜ ⵏ ⵟⴰⵏⵊⴰ.

ⴷ ⵉⵙⴰⵡⵍ ⵍⵉⵎⴰⵎ ⴳ ⵜⵉⵏⴰⵡⵜ ⵏⵏⵙ ⵏ ⵡⴰⵙⵙ ⵏ ⵓⵙⵉⵎⵡⴰⵙ, ⵅⴼ ⵜⵉⵖⴰⵔⵉⵡⵉⵏ ⵏ ⵍⵉⵙⵍⴰⵎ ⴳⴰⵏⵜ ⴰⵙⴰⴳⵎ ⵏ ⵛⴰⵢⴳⴰⵏ ⵏ ⵜⵖⴰⵡⵙⵉⵡⵉⵏ ⵉⴼⵓⵍⴽⵉⵏ, ⵣⵓⵏⴷ ⴰⴼⵔⵉⵙ ⵏ ⵚⵉⴷⵇ. ⴷ ⵉⴼⵔⴰ ⵍⵉⵎⴰⵎ ⴳ ⵜⵉⵏⴰⵡⵜ ⵏⵏⵙ ⵎⴰⵙ ⴷ ⵚⵉⴷⵇ ⴰⵎⵢⴰⴼⵓ ⴳ ⵉⴼⵔⵉⵙⵏ ⵉⵖⵓⴷⴰⵏ ⵍⵍⵉ ⵉⵅⵚⵚⴰ ⴰⴷ ⵢⵉⵍⵉ ⴳ ⵓⴼⴳⴰⵏ. ⵉⵖⵔⴰ ⵍⵉⵎⴰⵎ ⵓⵍⴰ ⴳ ⵜⵉⵏⴰⵡⵜ ⵏⵏⵙ ⴰⴷ ⴰⵎⵥⵏ ⵉⵎⵓⵙⵍⵎⵏ ⴰⴱⵔⵉⴷ ⵏ ⵓⵙⵓⴼⵓ ⴳ ⵎⴰⴷ ⵉⵥⵍⵉⵏ ⵙ ⵉⵡⴰⵍⵉⵡⵏ ⵓⵍⴰ ⵉⵎⵊⵕⵉⵜⵏ ⵏⵏⵙⵏ. ⵉⵙⴷⴷⵉⵙ ⵍⵉⵎⴰⵎ ⵙ ⵓⵣⵎⵣⵣⵓ ⴰⴷ ⵎⴰⵙ ⴰⵔ ⵉⵜⵜⴰⵡⵉ ⵓⴱⵔⵉⴷ ⵏ ⵓⵙⵓⴼⵓ ⵙ ⵓⵙⵓⵖⵏ ⵏ ⵓⴼⴳⴰⵏ ⴷ ⵓⵎⵓⵔⵙ ⵏ ⵡⴰⵎⵓⵏ ⴰⴽⴽⵯ. ⵖ ⵜⴳⴰⵔⴰ, ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ. ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 09 ⴽⵟⵓⴱⵕ 2015

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8F%E2%B4%B0%E2%B5%9A%E2%B5%95-%E2%B4%B3-%E2%B5%9C%E2%B5%8E%E2%B4%B7%E2%B5%89%E2%B5%8F%E2%B5%9C-%E2%B5%8F-%E2%B5%9F%E2%B4%B0%E2%B5%8F%E2%B5%8A%E2%B4%B0#comment-0