Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⵟⴰⵏⵊⴰ ⵜⴰⴼⵓⴳⵍⴰ ⵏ ⵜⵓⴽⴽⵉ ⵏ ⵉⴷⵉⴱⵍⵓⵎⵏ ⵉⵡⵉⵏⵏⴰ ⴷ ⵉⴼⴰⵖⵏ ⴳ ⵓⵙⵙⵎⵎⵓⵜⴳ ⴰⵣⵓⵍⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⵟⴰⵏⵊⴰ ⵜⴰⴼⵓⴳⵍⴰ ⵏ ⵜⵓⴽⴽⵉ ⵏ ⵉⴷⵉⴱⵍⵓⵎⵏ ⵉⵡⵉⵏⵏⴰ ⴷ ⵉⴼⴰⵖⵏ ⴳ ⵓⵙⵙⵎⵎⵓⵜⴳ ⴰⵣⵓⵍⴰⵏ

08 ⴽⵟⵓⴱⵕ 2015 Version Imprimable
ⵟⴰⵏⵊⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵏ ⵎⴰⵕⵛⴰⵏ ⴳ ⵟⴰⵏⵊⴰ, ⵜⴰⴼⵓⴳⵍⴰ ⵏ ⵜⵓⴽⴽⵉ ⵏ ⵉⴷⵉⴱⵍⵓⵎⵏ ⵉⵡⵉⵏⵏⴰ ⴷ ⵉⴼⴰⵖⵏ ⴳ ⵓⵙⵙⵎⵎⵓⵜⴳ ⴰⵣⵓⵍⴰⵏ.
ⵙ ⵓⵣⵎⵣⵣⵓ ⴰⴷ, ⵉⴼⴽⴰ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵏ ⵓⵙⵎⵎⵓⵜⴳ ⴰⵣⵓⵍⴰⵏ ⴷ ⵓⵙⴷⵓⵢ ⵏ ⵜⵡⵓⵔⵉ ⵎⴰⵙⵙ ⵍⵄⵔⴱⵉ ⴱⵏ ⵛⵛⵉⵅ, ⴰⵡⴰⵍ ⵏⵏⵙ ⴷⴰⵜ ⴱⴰⴱ ⵏ ⵡⴰⴷⴷⵓⵔ, ⴳ ⵉⵙⵎⵏⵉⴷ ⵜⵉⵡⵓⵔⵉⵡⵉⵏ ⵉⵙⴽⵔ ⵓⵙⵉⵔⴰ ⴳ ⵉⵙⴳⴳⵯⴰⵙⵏ ⴰⴷ 2013-2015, ⴷ ⵓⵖⴰⵡⴰⵙ ⵏ ⵓⵙⴱⵓⵖⵍⵓ ⵉ ⵢⵙⴳⴳⵯⴰⵙⵏ ⵏ 2020. ⴰⵡⵜⵜⴰⵙ ⵏ ⵓⵖⴰⵡⴰⵙ ⵉⴳⴰ ⴰⵎⵔⴰⵔⴰ ⵉ ⵡⴰⵙⵙⴰⵔ ⵏ ⵉⵎⵙⴽⵔⵏ ⵉⴷⵎⵙⴰⵏ ⴷ ⵉⵎⴷⵔⴰⵡⵏ ⵉⵏⴰⵎⵓⵏ, ⴳ ⵓⵙⴽⵔ ⵏ 120 ⵏ ⵜⵎⵔⵙⵍⵜ ⵏ ⵓⵙⵎⵎⵓⵜⴳ (ⵎⴰⵢⵍⴽⵎⵏ 24 ⵏ ⵜⵎⵔⵙⵍⵜ ⵉ ⵓⵙⴳⴳⵯⴰⵙ), ⴷ ⵓⵙⴱⵉⴷ ⵏ ⵓⵣⵔⵉ ⵏ ⵜⵉⵏⵎⴰⵍ, ⴷ ⴰⵡⵡⵙ ⵏ ⵜⵎⵙⵙⵏⵜⵉⵜⵉⵏ ⵜⵉⵎⵥⴰⵏⵉⵏ ⴷ ⵜⵏⴰⵎⵎⴰⵙⵉⵏ. ⵜⵙⵙⵏ ⵜⴼⵓⴳⵍⴰ ⴰⴷ ⴰⵙⴼⵙⵔ ⵏ ⵢⴰⵏ ⵍⴼⵉⵍⵎ ⵏ ⵜⵎⵔⵙⵍⵜ ⴳ ⵉⵎⵎⴰⵍ ⵜⵓⴳⴳⵯⴰⵣ ⵍⵍⵉ ⵉⵙⴽⵔ ⵓⵙⵉⵔⴰ ⵏ ⵓⵙⵎⵎⵓⵜⴳ ⴰⵣⵓⵍⴰⵏ, ⴷ ⵓⵙⴷⵓⵢ ⵏ ⵜⵡⵓⵔⵉ ⵎⴰⵔ ⴰⴷ ⵢⵉⵍⵉ ⵓⵣⵣⴳⵉⵔ ⵏ ⵜⵙⵜⵔⴰⵜⵉⵊⵉⵢⵜ ⵏ ⵜⴳⵎⵉ ⵣⵓⵏⴷ ⵜⴰⵢⵍⴰⵍⵉⵏ ⴷ ⵜⵉⵀⵉⵔⵔⵉⵜⵉⵏ ⴷ ⵜⵡⵉⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⴷ ⵜⴼⵍⵍⴰⵃⵜ ⴷ ⵛⴰⵢⴳⴰⵏ ⵏ ⵉⴳⵔⴰⵏ ⵢⴰⴹⵏⵉⵏ. ⴷⴼⴼⵉⵔ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴷⵜ ⵉⵃⴼⴹ ⵕⴱⴱⵉ, ⵉⵙⵍⴽⵉⵏ ⵉ 12 ⵏ ⵡⵉⵏⵏⴰ ⴷ ⵉⴼⴰⵖⵏ ⵙ ⵜⵏⵇⵉⴹⵉⵏ ⵉⵖⵓⴷⴰⵏ ⴳ ⵓⵙⵎⵎⵓⵜⴳ ⴰⵣⵓⵍⴰⵏ ⴳ ⵓⵙⵡⵉⵔ ⴰⵏⴰⵎⵓⵔ, ⴷ ⵙⵎⵎⵓⵙ ⵢⴰⴹⵏⵉⵏ ⵡⵉⵏⵏⴰ ⵉⵙⴽⵔⵏ ⴰⵙⵏⵜⵉ ⵉⵖⵓⴷⴰⵏ, ⴷ ⵙⵉⵏ ⵢⴰⴹⵏⵉⵏ ⵏ ⵓⵎⵣⵉⵣⵡⵔ ⴰⵎⴰⴹⵍⴰⵏ ⵏ ⵜⵏⵎⴰⵍⴰⵢⵜ ⴳ ⵜⵎⵙⵙⴰⵔⵜ ⵏ ⵙⵉⵙⴽⵓ, ⵍⵍⵉ ⵉⵙⵙⵏ ⵜⴰⵎⴷⵔⴰⵡⵜ ⵏ 280 ⵏ ⵓⵎⵣⵉⵣⵡⵔ ⴰⵎⵓⵏ ⴳ ⵜⵎⵏⴰⴹⵜ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵜⵓⵔⴽⵢⴰ, ⴷ ⴽⵕⴰⴹ ⵢⴰⴹⵏⵉⵏ ⵓⵡⵉⵏⴷ ⵓⵍⴰⵎⴱⵉⵢⴰⴷ ⵏ ⵜⵏⵎⴰⵍⴰⵢⵜ ⵏ ⵓⵙⴳⴳⵯⴰⵙ ⵏ 2015 ⴳ ⵍⴱⵕⴰⵣⵉⵍ, ⴷ ⴽⵕⴰⴹ ⵢⴰⴹⵏⵉⵏ ⴳ ⵓⵎⵣⵉⵣⵡⵔ ⴰⵏⴰⵎⵓⵔ, ⴷ ⴽⵕⴰⴹ ⵉⴱⵕⵕⴰⵏⵉⵢⵏ, ⴷ ⵙⵉⵏ ⵡⵉⵏⵏⴰⴷ ⵉⴼⴰⵖⵏ ⴳ ⵜⵎⵔⵙⵍⵜⵉⵏ ⵏ ⵓⵙⵎⵎⵓⵜⴳ ⴰⵣⵓⵍⴰⵏ ⵏ ⵉⵏⴰⵎⵎⴰⵙⵏ ⵏ ⵓⵖⵣⵓ. ⴷ ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵟ ⴷ ⵉⵎⵛⴰⵡⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⵙⵎⴷⵢⴰⵜⵏ ⵏ ⵉⴽⴰⴱⴰⵕⵏ ⵉⴷⵉⴱⵍⵓⵎⴰⵙⵉⵢⵏ ⴳ ⵕⵕⴱⴰⴹ ⴷ ⵉⵙⵎⴷⵢⴰⵜⵏ ⵏ ⵜⵎⵔⵙⵍⵜⵉⵏ ⵜⵉⴳⴷⵓⴷⴰⵏⵉⵏ ⵉⵎⴷⵔⴰⵡⵏ ⴳ ⵓⵙⵉⵔⴰ ⵏ ⵓⵙⵎⵎⵓⵜⴳ ⴰⵣⵓⵍⴰⵏ ⴷ ⵜⴼⵉⴷⵉⵔⴰⵍⵉⵢⵜ ⵜⴰⵣⵓⵍⴰⵏⵜ ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵢⴰⴹⵏⵉⵏ.
Dernière modification : 08 ⴽⵟⵓⴱⵕ 2015
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%93%E2%B4%BD%E2%B4%BD%E2%B5%89-%E2%B5%8F-%E2%B5%89%E2%B4%B7%E2%B5%89%E2%B4%B1%E2%B5%8D%E2%B5%93%E2%B5%8E%E2%B5%8F-%E2%B5%89%E2%B5%A1%E2%B5%89%E2%B5%8F%E2%B5%8F%E2%B4%B0-%E2%B4%B7-%E2%B5%89%E2%B4%BC%E2%B4%B0%E2%B5%96%E2%B5%8F-%E2%B4%B3-%E2%B5%93%E2%B5%99%E2%B5%99%E2%B5%8E%E2%B5%8E%E2%B5%93%E2%B5%9C%E2%B4%B3#comment-0