ⴱⴰⴱ ⵏ ⵡⴰⴷⴷⵓⵔ.. ⵍⵎⵖⵔⵉⴱ ⵉⴼⴽⴰ ⵜⵉⵎⵔⴰⵔⴰⵜⵉⵏ ⵜⵉⵏⴰⵎⵓⵔⵉⵏ ⵔⴰⴷ ⵜⴰⵡⵙ ⵜⵓⴳⴳⵯⴰⵣ ⵜⵉⵎⴰⴹⵍⴰⵏⵉⵏ ⴰⴼⴰ ⴷ ⵉⵙⵉⵍⵉ ⵜⴰⵏⵥⵕⵜⵉⵏ ⵜⵉⵖⵣⵓⵔⴰⵏⵉⵏ ⵓⵔ ⵊⵊⵉⵏ ⵉⴽⴽⵉⵏ

01 ⴽⵟⵓⴱⵕ 2015 Version Imprimable

ⵏⵢⵓⵢⵓⵔⴽ - ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ, ⵎⴰⵙ ⴷ ⵍⵎⵖⵔⵉⴱ ⵉⴼⴽⴰ ⵜⵉⵎⵔⴰⵔⴰⵜⵉⵏ ⵜⵉⵏⴰⵎⵓⵔⵉⵏ ⵔⴰⴷ ⵜⴰⵡⵙ ⵜⵓⴳⴳⵯⴰⵣ ⵜⵉⵎⴰⴹⵍⴰⵏⵉⵏ ⴰⴼⴰ ⴷ ⵉⵙⵉⵍⵉ ⵜⴰⵏⵥⵕⵜⵉⵏ ⵜⵉⵖⵣⵓⵔⴰⵏⵉⵏ ⵓⵔ ⵊⵊⵉⵏ ⵉⴽⴽⵉⵏ.

ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵍⵍⵉ ⵢⵓⵣⵏ, ⴰⵙⵙ ⵏ ⵓⴽⵕⴰⵙ, ⵉ ⵜⵙⵓⵜⵍⵜ ⵜⵉⵙⵙ 70 ⵏ ⵜⵎⵙⵎⵓⵏⵜ ⵏ ⵜⵎⵜⵜⴰ ⵉⵎⵓⵏ ⴳ ⵏⵢⵓⵢⵓⵔⴽ, ⴷ ⵉⵖⵕⴰⵜ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵖ ⵎⴰⵢⵥⵍⵉⵏ ⵙ ⵜⴰⵎⵣⵣⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵖⴷ ⴰⵙⵏⴼⵍⵓⵍ ⵏ ⵓⵏⵣⵡⵉ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵏⵖⴷ ⴰⵙⴱⵉⴷ ⵏ ⵓⴱⵔⵙⵉⵡⴷ, ⵍⵎⵖⵔⵉⴱ ⵉⴼⴽⴰ ⵜⵉⵎⵔⴰⵔⴰⵜⵉⵏ ⵜⵉⵏⴰⵎⵓⵔⵉⵏ ⵔⴰⴷ ⵜⴰⵡⵙ ⵜⵓⴳⴳⵯⴰⵣ ⵜⵉⵎⴰⴹⵍⴰⵏⵉⵏ ⴰⴼⴰ ⴷ ⵉⵙⵉⵍⵉ ⵜⴰⵏⵥⵕⵜⵉⵏ ⵜⵉⵖⵣⵓⵔⴰⵏⵉⵏ ⵓⵔ ⵊⵊⵉⵏ ⵉⴽⴽⵉⵏ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴰⵏⵙⴰ ⵏⵏⵙ ⴰⵊⵖⵔⴰⴼⵉⵢ ⴷ ⵉⵙⵜⴰⵢⵏ ⵏⵏⵙ ⵉⵙⵜⵔⴰⵜⵉⵊⵉⵢⵏ, ⵎⴰⵢⴰⴷ ⴰⵙⵜ ⵢⵓⵊⴰⵏ ⴰⴷ ⵜⴽⵛⵎ ⴳ ⵎⵏⵏⴰⵡ ⵜⵎⵓⴽⵔⵉⵙⵉⵏ ⴷ ⵉⵙⴳⵓⵎⵏ ⵉⵎⴰⴹⵍⴰⵏ. ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⴷ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⵜⵙⴼⵓⴳⵍⴰ ⴰⵙⴳⴳⵯⴰⵙ ⴰⴷ ⴰⴽⵜⴰⵢ ⵏⵏⵙ ⵡⵉⵙⵙ 10, ⴳ ⵜⵓⵡⵙ ⵛⴰⵢⴳⴰⵏ ⴳ ⵓⵙⴱⵉⴷ ⵏ ⵥⵍⴹ.

Dernière modification : 01 ⴽⵟⵓⴱⵕ 2015

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B4%BC%E2%B4%BD%E2%B4%B0-%E2%B5%9C%E2%B5%89%E2%B5%8E%E2%B5%94%E2%B4%B0%E2%B5%94%E2%B4%B0%E2%B5%9C%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%89%E2%B5%8F-%E2%B5%94%E2%B4%B0%E2%B4%B7-%E2%B5%9C%E2%B4%B0%E2%B5%A1%E2%B5%99-%E2%B5%9C%E2%B5%93%E2%B4%B3%E2%B4%B3%E2%B5%AF%E2%B4%B0%E2%B5%A3-%E2%B5%9C%E2%B5%89%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F%E2%B5%89%E2%B5%8F-%E2%B4%B0%E2%B4%BC%E2%B4%B0-%E2%B4%B7#comment-0