Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰ ⵉⵏⴰⵡ ⵉ ⵢⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰ ⵉⵏⴰⵡ ⵉ ⵢⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ

01 ⴽⵟⵓⴱⵕ 2015 Version Imprimable
ⵏⵢⵓⵢⵓⵔⴽ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵢⴰⵏ ⵉⵏⴰⵡ ⵉ ⵜⵙⵙⵓⵜⵍⵜ ⵜⵉⵙⵙ 70 ⵏ ⵓⵙⵙⵇⵇⵉⵎⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ .
ⵜⵉⵏⴰⵡⵜ ⴰⴷ ⵉⵖⵔⴰⵜ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⵎⴰⵙ ⵉⵍⵍⴰ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⴷⵔ ⵜⵙⵓⵜⵍⵜ ⴰⴷ ⵙⵍⴰⵡⴰⵏ ⴰⴽⴽⵯ ⵔⴰⴷ ⵜⵙⵏ ⵉⵙⵙⵉⵖⵣⵉⵏ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷⴼⴼⵉⵔ ⵏ 2015. ⵉⵔⵏⵓ ⵉⵏⵏⴰ ⵎⴰⵙ ⵔⴰⴷ ⵜⵙⵙⴼⵓⴳⵍⵓ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⵍⵍⵉ ⵉⴱⴷⴰⵏ ⴳ ⵍⵎⵖⵔⵉⴱ ⴰⵙⴽⵜⴰⵢ ⵡⵉⵙⵙ 10 .ⵜⴰⵙⵏⵜⴰⵢⵓⵜ ⴰⴷ ⵜⵉⵡⵙ ⴳ ⵓⵙⴱⴷ ⵏ ⵓⵥⵍⴰⴹ ⴷ ⵉⵎⵣⴰⵔⴰⵢⵏ ⴳⵔ ⵜⵉⵙⴳⵡⵉⵏ. ⵉⵙⴷⴷⵉⴷ ⵓⵍⴰ ⵎⴰⵙ ⵉⵥⴹⴰⵕ ⵍⵎⵖⵔⵉⴱ ⴰⴷ ⵉⵍⴽⵎ ⵙⴳ 2013 ⴰⵡⵜⵜⴰⵙ ⴰⵎⵣⵡⴰⵔⵓ ⵏ ⵜⵉⵏⵉⴼⴹⵜ ⵏ ⵜⴳⵎⵉ. ⴳ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵉⵏⵓⵔⵣ ⴰⴷ ⵙⴳⵓⵜⵉ ⵜⵎⵔⵙⵍⵜ ⵏ ⵜⵎⵜⵜⴰ ⵉⵎⵓⵏ ⵜⵓⴳⴳⵯⴰⵣ ⵏⵏⵙ ⴰⴼⴰ ⴷ ⴰⴼⵉⵏ ⴰⴼⵙⴰⵢ ⵏ ⵓⵎⵣⴰⵔⴰⵢ ⵙ ⵢⴰⵜ ⵜⵎⴰⵎⴽⵜ ⵏ ⵙⵙⵍⴰⵎⵜ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵎⴰⵙ ⴷ ⵜⵎⵔⵙⵍⵜ ⵏ ⵜⵎⵜⵜⴰ ⵉⵎⵓⵏ, ⴷⴰ ⵜⵙⴼⵓⴳⵍⴰ ⴰⴽⵜⴰⵢ ⵏⵏⵙ ⵡⵉⵙⵙ 70, ⵜⵍⴽⵎ ⵉⵎⵏⵣⴰⵢⵏ ⵉⵖⵓⴷⴰⵏ ⴷ ⵜⴰⵎⵙⵜⴳⴳⴰⵔⵜ, ⵉⵎⵏⵣⴰⵢⵏ ⴰⴷ ⵉⵅⵚⵚⴰ ⴰⴷ ⵉⵍⵉⵏ ⴳ ⵛⴰⵢⴳⴰⵏ ⵏ ⵜⵎⵉⵣⴰⵔ, ⴰⴼⴰ ⴷ ⴰⴼⵉⵏ ⴰⴼⵙⴰⵢ ⵉⵎⵣⴰⵔⴰⵢⵏ ⵉⵙⴳⴰⵡⴰⴱ. ⴷ ⵉⴼⵔⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⵎⴰⵢⵥⵍⵉⵏ ⵙ ⵜⴰⵎⵣⵣⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵖⴷ ⴰⵙⵏⴼⵍⵓⵍ ⵏ ⵓⵏⵣⵡⵉ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵏⵖⴷ ⴰⵙⴱⵉⴷ ⵏ ⵓⴱⵔⵙⵉⵡⴷ, ⵍⵎⵖⵔⵉⴱ ⵉⴼⴽⴰ ⵜⵉⵎⵔⴰⵔⴰⵜⵉⵏ ⵜⵉⵏⴰⵎⵓⵔⵉⵏ ⵔⴰⴷ ⵜⴰⵡⵙ ⵜⵓⴳⴳⵯⴰⵣ ⵜⵉⵎⴰⴹⵍⴰⵏⵉⵏ ⴰⴼⴰ ⴷ ⵉⵙⵉⵍⵉ ⵜⴰⵏⵥⵕⵜⵉⵏ ⵜⵉⵖⵣⵓⵔⴰⵏⵉⵏ ⵓⵔ ⵊⵊⵉⵏ ⵉⴽⴽⵉⵏ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴰⵏⵙⴰ ⵏⵏⵙ ⴰⵊⵖⵔⴰⴼⵉⵢ ⴷ ⵉⵙⵜⴰⵢⵏ ⵏⵏⵙ ⵉⵙⵜⵔⴰⵜⵉⵊⵉⵢⵏ, ⵎⴰⵢⴰⴷ ⴰⵙⵜ ⵢⵓⵊⴰⵏ ⴰⴷ ⵜⴽⵛⵎ ⴳ ⵎⵏⵏⴰⵡ ⵜⵎⵓⴽⵔⵉⵙⵉⵏ ⴷ ⵉⵙⴳⵓⵎⵏ ⵉⵎⴰⴹⵍⴰⵏ.
Dernière modification : 01 ⴽⵟⵓⴱⵕ 2015
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%A2%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F#comment-0