ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵜⵙⵎⵓⵏⵉ ⵏ ⵉⵏⵎⵖⵓⵔⵏ ⵏ ⵅⴼ ⴰⵙⴱⴷⴷ ⵏ ⵜⵎⴰⴷⴷⴰⵙⵜ ⵏ "ⴷⴰⵄⵉⵛ" ⵓⴽⵏⵎⴰⴽⴰⵣ ⴳ ⵏⵢⵓⵢⵓⵔⴽ

30 ⵛⵓⵜⴰⵏⴱⵉⵔ 2015 Version Imprimable

ⵏⵢⵓⵢⵓⵔⴽ - /ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵙⵉⵏⴰⵙ ⵢⴰⵜ ⵜⴱⵔⴰⵜ ⵉ ⵜⵙⵎⵓⵏⵉ ⵏ ⵉⵏⵎⵖⵓⵔⵏ ⵏ ⵅⴼ ⴰⵙⴱⴷⴷ ⵏ ⵜⵎⴰⴷⴷⴰⵙⵜ ⵏ "ⴷⴰⵄⵉⵛ" ⵓⴽⵏⵎⴰⴽⴰⵣ ⴳ ⵏⵢⵓⵢⵓⵔⴽ .

ⵜⴰⴱⵔⴰⵜ ⴰⴷ ⵉⵖⵔⴰⵜ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵙ ⵓⵣⵎⵣⵣⵓ ⴰⴷ ⵎⴰⵙ ⵉⴱⴷⴰ ⵍⵎⵖⵔⵉⴱ ⵎⵏⵏⴰⵡ ⵉⵙⴳⴳⴰⵙⵏ ⴰⵢⴰⴷ ⴳ ⵓⴱⵔⵉⴷ ⵏ ⵓⵎⵏⵣⴰⵢ ⵏ ⵓⵏⵎⵓⵇⵇⴰⵔ ⵏ ⵡⴰⵛⵉⵏⵟⵓⵏ ⵖⵎⴽⵍⵍⵉ ⵔⴰⴷ ⵉⵣⴷⵉ ⴳ ⵡⴰⵏⵏⴰⵍ ⵏ ⵉⵡⵜⵜⴰⵙⵏ ⴷ ⵜⵓⴳⴳⴰⵙ ⵜⵉⴳⵔⴰⵖⵍⴰⵏ ⴷ ⵓⵔⴽⴰⴷ ⴳ ⵓⵎⴰⴹⴰⵍ ⴷ ⵉⵎⵏⵖⵉ ⵏ ⵛⵛⴰⵏ ⵉⵏⴼⴳⴰⵏ. ⵉⵔⵏⵓ ⵉⵏⵏⴰ ⵡⴰⵅⴰ ⵍⵍⴰⵏⵜ ⵜⵓⴳⵉ ⵏ ⵜⵙⵏⵜⴰⵢⵉⵏ ⵍⵍⵉ ⴼⴽⴰⵏⵜ ⵜⵎⵉⵣⴰⵔ ⵏ ⵓⵎⴰⴹⴰⵍ ⴳ ⴳⴰⵏⵜ ⵜⵎⵙⴽⴰⵔⵉⵏ ⵜⵉⵄⵙⴽⵔⵉⵢⵏ ⴷ ⵜⵏⴼⵔⵓⵜ ⵙⵓⵍ ⴰⵖ ⵓⴽⴰⵏ ⵜⵜⵓⵜⵏⵜ ⵜⵎⵉⵣⴰⵔ ⵙ ⵓⴱⵔⵙⵉⵡⴷ ⵍⵍⵉ ⴷⴰⵔ ⵓⵍⵍⵉ ⵓⵙⴳⴰⵏ ⵓⵍⴰ ⵜⵎⵓⵔⵜ. ⵉⴳⴰ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵓⵙⴱⴷⴷ ⵏ ⵓⴽⵏⵎⴰⴽⴰⵣ ⴷ ⵓⴱⵔⵙⵉⵡⴷ ⴰⵙⴰⵢⵔⴰⵔ ⵏ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵖⵓⴷⴰⵏⵉⵏ. ⵉⵙⴷⴷⵉⴷ ⵓⴳⵍⵍⵉⴷ ⵓⵍⴰ ⵎⴰⵙ ⵔⴰⴷ ⵉⴽⵎⵍ ⵍⵎⵖⵔⵉⴱ ⵍⵍⵉ ⵔⴰⴷ ⵉⵙⵙⵉⵅⴼ ⴰⵙⴳⴳⴰⵙ ⵏ 2016 ⵜⴰⵎⴷⵔⴰⵡⵜ ⵏⵏⵙ ⴳ ⵓⵙⴱⴷⴷ ⵏ ⵓⴱⵔⵙⵉⵡⴷ ⴰⴼⴰⴷ ⴰⴷ ⵢⵉⵍⵉ ⴳ ⵓⵎⴰⴹⴰⵍ ⵓⵔⴽⴰⴷ ⴷ ⵜⵏⴼⵔⵓⵜ ⴷ ⵜⴱⴷⴰⴷⵜ ⴷ ⵜⵏⴼⴳⴰⵏⵜ.

Dernière modification : 30 ⵛⵓⵜⴰⵏⴱⵉⵔ 2015

Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%9C%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%8F-%E2%B5%89%E2%B5%8F%E2%B5%8E%E2%B5%96%E2%B5%93%E2%B5%94%E2%B5%8F-%E2%B5%8F-%E2%B5%85%E2%B4%BC-%E2%B4%B0%E2%B5%99%E2%B4%B1%E2%B4%B7%E2%B4%B7-%E2%B5%8F-%E2%B5%9C%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B5%99%E2%B5%9C-%E2%B5%8F-%E2%B4%B7%E2%B4%B0%E2%B5%84%E2%B5%89%E2%B5%9B#comment-0