ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ :ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵡⴰⵎⵎⴰⵙ ⵏ ⵓⵙⴳⵎⵉ ⴰⵎⵏⵣⵓⵢⴳ ⴱⴰⵏⵉ ⵎⴰⴽⴰⴷⴰ ⴳ ⵟⴰⵏⵊⴰ

23 ⵛⵓⵜⴰⵏⴱⵉⵔ 2015 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⴱⴰⵏⵉ ⵎⴰⴽⴰⴷⴰ ⴳ ⵟⴰⵏⵊⴰ ⵢⴰⵏ ⵡⴰⵎⵎⴰⵙ ⵏ ⵓⵙⴳⵎⵉ ⴰⵎⵏⵣⵓⵢ ⴳ ⵓⵙⵜⵉ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ.

ⵉⵜⵜⵓⴼⴽⴰ ⵉ ⵢⵓⵙⵏⵜⵉ ⴰⴷ 6,5 ⵏ ⵎⵍⵢⵓⵏ ⵏ ⴷⴷⵔⵀⵎ ⴰⵔ ⵉⵎⵎⴰⵍ ⵜⴰⵙⵔⵜⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⵏ ⵜⵏⴽⵔⴰ ⵙ ⵉⴼⴳⴰⵏⵏ ⵉⵎⵖⵔⵉⴱⵉⵢⵏ ⵉⵏⵏⴰⵖ ⵍⵍⴰⵏ.

ⴰⵎⵎⴰⵙ ⴰⴷ ⵍⵍⵉ ⵎⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⴳ 27 ⵎⴰⵔⵙ 2014 ⵉⴽⵛⵎ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵓⵙⴽⴰ ⵏ 23 ⵏ ⵡⴰⵎⵎⴰⵙ ⵙ 20,8 ⵎⵍⵢⵓⵏ ⵏ ⴷⴷⵔⵀ.

ⵉⴽⴽⴰⵜⵏ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⴳⵔⴰⵡⵜ ⵏ ⵙⵙⵡⴰⵏⵉ ⴳ ⵟⴰⵏⵊⴰ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵜⵓⵙⴽⴰ ⵏ ⵡⴰⵎⵎⴰⵙ ⵡⵉⵙⵙ ⵙⵉⵏ ⵏ ⵜⵙⵏⵊⴰⵢⴰ ⵏ ⵉⵙⴷⵓⵀⴷⵓⵢⵏ .

ⴰⵎⵎⴰⵙ ⴰⴷ ⵔⴰⴷ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴳ ⵜⵎⴷⵉⵏⵜ ⵏ ⵟⴰⵏⵊⴰ.
ⵉⴽⴽⴰⵜⵏ ⵉⵕⵣⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⵔⵡⵜ ⴳⵣⵏⴰⵢⴰ (ⵜⴰⵙⴳⴰ ⵏ ⵟⴰⵏⵊⴰ-ⴰⵚⵉⵍ) ⵏ ⵜⵓⵙⴽⴰ ⵏ ⵡⴰⵎⵎⴰⵙ ⴰⵙⴳⵏⴰⴼ ⴰⵙⴷⴰⵡⴰⵏ ⵜ ⵟⴰⵏⵊⴰ.

ⴰⵙⵏⵜⵉ ⴰⴷ ⴰⵔ ⵉⵎⵎⴰⵍ ⴰⵏⴼⴰ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉⵜⵏⴽⵔⴰ ⵙ ⵉⴳⵔ ⵏ ⵜⴰⴷⵓⵙⵉ ⴳⵔ ⵉⵙⵏⵜⵉⵜⵏ ⵉⵅⴰⵜⴰⵔⵏ ⴳ ⵜⴳⵍⴷⵉⵜ.

Dernière modification : 23 ⵛⵓⵜⴰⵏⴱⵉⵔ 2015

Source URL: https://www.mapnews.ma/am/activites-royales/%E2%B5%9C%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%8F-%E2%B5%9C%E2%B4%B3%E2%B5%8E%E2%B5%89-%E2%B5%9C%E2%B4%B0%E2%B5%8F%E2%B4%BC%E2%B4%B3%E2%B4%B0%E2%B5%8F%E2%B5%9C-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89-%E2%B4%B0%E2%B5%8E%E2%B5%8F%E2%B5%A3%E2%B5%93%E2%B5%A2%E2%B4%B3-%E2%B4%B1%E2%B4%B0%E2%B5%8F%E2%B5%89#comment-0