ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵜⵓⵙⴽⴰ ⵏ ⵡⴰⵎⵎⴰⵙ ⵡⵉⵙⵙ ⵙⵉⵏ ⵏ ⵜⵙⵏⵊⴰⵢⴰ ⵏ ⵉⵙⴷⵓⵀⴷⵓⵢⵏ

23 ⵛⵓⵜⴰⵏⴱⵉⵔ 2015 Version Imprimable

ⵟⴰⵏⵊⴰ - /ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⴳⵔⴰⵡⵜ ⵏ ⵙⵙⵡⴰⵏⵉ ⴳ ⵟⴰⵏⵊⴰ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵜⵓⵙⴽⴰ ⵏ ⵡⴰⵎⵎⴰⵙ ⵡⵉⵙⵙ ⵙⵉⵏ ⵏ ⵜⵙⵏⵊⴰⵢⴰ ⵏ ⵉⵙⴷⵓⵀⴷⵓⵢⵏ .

ⴰⵎⵎⴰⵙ ⴰⴷ ⵔⴰⴷ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴳ ⵜⵎⴷⵉⵏⵜ ⵏ ⵟⴰⵏⵊⴰ.

ⴰⵙⵏⵜⵉ ⴰⴷ ⵍ ⵍⵉ ⵎⵓ ⵉⵜⵜⵓⴼⴽⴰ 5 ⵏ ⵎⵍⵢⵓⵏ ⵏ ⴷⴷⵔⵀⵎ ⴰⵔ ⵉⵎⵎⴰⵍ ⴰⵏⴼⴰ ⵉⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⴳⵔ ⵏ ⵉⵄⵔⵔⵉⵎⵏ.

ⴰⵙⵏⵜⵉ ⴰⴷ ⵉⴽⵛⵎ ⴳ ⵉⴳⵔ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵜ ⵏ ⵜⵉⴽⴽⴰ ⵏ ⵉⵙⴷⵓⵀⴷⵓⵢⵏ .ⵉⵜⵜⵓⵙⴽⴰⵔ ⵡⴰⵎⵎⴰⵙ ⴰⴷ ⴰⵎⴰⵢⵏⵓ ⵙ ⵜⵎⴷⵔⴰⵡⵜ ⵏ ⵜⵎⴰⵡⴰⵙⵜ ⵏ ⵓⴳⵏⵙ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ.

ⵔⴰⴷ ⵉⵜⵜⵓⵙⴽⴰ ⵡⴰⵎⵎⴰⵙ ⴰⴷ ⵅⴼ ⵢⴰⵏ ⵡⴰⴽⴰⵍ ⵏ ⵡⴰⵏⴽ ⵏ 1000 ⵎ2 ⴳⵉⵙ 900 ⵎ2 ⵍⵍⵉ ⵉⴷⵍⵏ ⴳ ⵜⵓⴷⴷⵓⵔⵜ ⵜⴰⵎⴰⵢⵏⵓⵜ ⵏ ⵟⴰⵏⵊⴰ.

ⵉⴽⴽⴰⵜⵏ ⵉⵕⵣⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⵔⵡⵜ ⴳⵣⵏⴰⵢⴰ (ⵜⴰⵙⴳⴰ ⵏ ⵟⴰⵏⵊⴰ-ⴰⵚⵉⵍ) ⵏ ⵜⵓⵙⴽⴰ ⵏ ⵡⴰⵎⵎⴰⵙ ⴰⵙⴳⵏⴰⴼ ⴰⵙⴷⴰⵡⴰⵏ ⵜ ⵟⴰⵏⵊⴰ.

ⴰⵙⵏⵜⵉ ⴰⴷ ⴰⵔ ⵉⵎⵎⴰⵍ ⴰⵏⴼⴰ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉⵜⵏⴽⵔⴰ ⵙ ⵉⴳⵔ ⵏ ⵜⴰⴷⵓⵙⵉ ⴳⵔ ⵉⵙⵏⵜⵉⵜⵏ ⵉⵅⴰⵜⴰⵔⵏ ⴳ ⵜⴳⵍⴷⵉⵜ.

Dernière modification : 23 ⵛⵓⵜⴰⵏⴱⵉⵔ 2015

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B4%BD%E2%B4%B0-%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%89%E2%B5%8F-%E2%B5%8F-%E2%B5%9C%E2%B5%99%E2%B5%8F%E2%B5%8A%E2%B4%B0%E2%B5%A2%E2%B4%B0-%E2%B5%8F-%E2%B5%89%E2%B5%99%E2%B4%B7%E2%B5%93%E2%B5%80%E2%B4%B7%E2%B5%93%E2%B5%A2%E2%B5%8F#comment-0