Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⵉⵟⵡⴰⵏ ⵍⴱⴷⵓ ⴰⵎⴰⴷⴷⵓⴷ ⵉ ⵢⵓⵕⵥⵥⵓⵎ ⴰⵏⵎⵍⴰⵏ 2015-2016 ⵖⵎⴽⵍⵍⵉ ⵉⵕⵣⵎ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ « ⵎⵍⵢⵓⵏ ⵏ ⵜⵛⵛⴽⴰⵔⵜ»
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⵉⵟⵡⴰⵏ ⵍⴱⴷⵓ ⴰⵎⴰⴷⴷⵓⴷ ⵉ ⵢⵓⵕⵥⵥⵓⵎ ⴰⵏⵎⵍⴰⵏ 2015-2016 ⵖⵎⴽⵍⵍⵉ ⵉⵕⵣⵎ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ « ⵎⵍⵢⵓⵏ ⵏ ⵜⵛⵛⴽⴰⵔⵜ»

17 ⵛⵓⵜⴰⵏⴱⵉⵔ 2015 Version Imprimable
ⵜⵉⵟⵡⴰⵏ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ ⵎⵃⵎⵎⴷ ⵡⵉⵙⵙ ⵚⴹⵉⵚ ⴰⵙⵙ ⵏ, ⵓⴽⵡⴰⵙ ⴳ ⵜⵏⵎⵍ ⵏ « ⵙⵉⴷⵉ ⵃⵎⴷ ⵍⴱⵇⵇⴰⵍⵉ » ⴳ ⵜⵉⵟⵡⴰⵏ ⵍⴱⴷⵓ ⴰⵎⴰⴷⴷⵓⴷ ⵉ ⵢⵓⵕⵥⵥⵓⵎ ⴰⵏⵎⵍⴰⵏ 2015-2016 ⵖⵎⴽⵍⵍⵉ ⵉⵕⵣⵎ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ « ⵎⵍⵢⵓⵏ ⵏ ⵜⵛⵛⴽⴰⵔⵜ» ⵍⵍⵉⵖ ⵔⴰⴷ ⵖⵉⵏ ⵉⴱⵖⵓⵔⵏ ⵄⵍⴰⵢⵏ 4 ⵏ ⵉⴷⵎⵍⵢⵓⵏ ⵏ ⵉⵏⵍⵎⴰⴷⵏ.

ⵜⴰⵡⵓⵔⵉ ⵢⴰⴷ ⴰⵔ ⵜⵎⵎⴰⵍ ⴰⵏⴼⴰ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⴳⵔ ⵏ ⵓⵙⵍⵎⴷ ⴷ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵍⵍⵉ ⵙⵍⴰⵏⵉⵏ ⵜⴰⵡⵓⵔⵉ ⵏⵏⵙ ⵙⵍⴰⵡⴰⵏ ⴰⴽⴽ ⵍⵍⵉⵖ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴳ ⵡⵢⵢⵓⵔ ⵏ ⵎⴰⵢⵢⵓ ⵉ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⵏ ⵓⵙⵡⵓⴷⴷⵓ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵜ (2015- 2030).

ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⴰⴷ ⵜⴳⴰ ⵢⴰⵜ ⵜⵖⴰⵡⵙⴰ ⵜⴰⵅⴰⵜⴰⵔⵜ ⵉⵜⵜⴰⵡⵙⵏ ⵅⴼ ⵓⵙⴱⴷ ⵏ ⵜⵎⵓⴽⵔⵉⵙⵉⵏ ⵍⵍⵉ ⵉⵍⵍⴰ ⵖ ⵉⴳⵔ ⵏ ⵓⵙⵍⵎⴷ ⴰⵛⴽⵓ ⴰⵔ ⵜⵜⴰⵡⵙ ⵉⵏⵍⵎⴰⴷⵏ ⴰⴼ ⴰⴷ ⴹⴼⴼⵓⵕⵏ ⵜⵉⵖⵕⵉ ⵏⵏⵙⵏ, ⵙⵍⴰⵡⴰⵏ ⴰⴽⴽⵯ ⵡⵉⵍⵍⵉ ⴷ ⵉⴷⴷⴰⵏ ⵙⴳ ⵜⴰⵡⵊⵡⵉⵏ ⵉⵥⵍⴹⵏ.

ⵉⴽⴽⴰⵜⵏ ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⵍⴱⴷⵓ ⵉ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ « ⵎⵍⵢⵓⵏ ⵏ ⵜⵛⵛⴽⴰⵔⵜ» 2008 ⵎⴰⵢⴰⴷ ⴰⵔ ⵉⵎⵎⴰⵍ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⵏ ⵜⵏⴽⵔⴰ ⴷ ⵓⵙⵍⵎⴷ. ⵙ ⵓⵣⵎⵣⵣⵓ ⴰⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ 25 ⵏ ⵓⵏⵙⵎⴰⴷⴷⵓ ⵉⵎⵥⵢⴰⵏⵏ ⵍ ⵉⵏⵍⵎⴰⴷⵏ ⵉ ⵎⵏⵏⴰⵡⵜ ⵜⴳⵔⴰⵡⵉⵏ ⵜⵉⴼⵔⴰⵏⵉⵏ .

ⵙ ⵓⵣⵎⵣⵣⵓ ⴰⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⵔⵣⴰⴼ ⵉ ⵜⵉⵏⵎⵍ ⵏ ⵙⵉⴷⵉ ⵃⵎⴰⴷ ⵍⵏⴽⴽⴰⵍ ⴷⴰⵜ ⴰⴷ ⵉⴼⴽ ⵜⴰⵛⴽⴰⵔⵉⵏ ⴷ ⵉⴷⵍⵉⵙⵏ ⵉⵎⵏⵏⴰⵡ ⵉⵍⵎⴰⴷⵏ ⵏ ⵜⵉⵏⵎⵍ ⴰⴷ ⴷ 10 ⵙⴳ ⴰⵙⵉⵏⴰⵏ ⵏ ⵓⵙⵎⵓⵜⵜⴳ ⵉⴱⵏ ⵍⵢⴰⵙⵎⵉⵏ ⴳ ⵜⴳⵔⴰⵡⵜ ⵜⴰⴼⵔⴰⵏⵜ ⵏ ⵙⵙⵉⵇ ⴰⵇⴷⵉⵎ (ⵜⴰⵙⴳⴰ ⵏ ⵜⵉⵟⵡⴰⵏ).
ⴷⴼⴼⵉⵔ ⵏ ⵎⴰⵢⴰⴷ ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵡⵍⴰⴼⵜ ⴷ ⵉⵙⵍⵎⴰⴷⵏ ⴷ ⵉⵏⵍⵎⴰⴷⵏ ⴷ ⵉⵙⵜⵉⵏ ⵏ ⵜⵉⵏⵎⵍ ⵏ ⵙⵉⴷⵉ ⵃⵎⴰⴷ ⵍⵏⴽⴽⴰⵍ.

Dernière modification : 17 ⵛⵓⵜⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3-%E2%B5%9C%E2%B5%89%E2%B5%9F%E2%B5%A1%E2%B4%B0%E2%B5%8F-%E2%B5%8D%E2%B4%B1%E2%B4%B7%E2%B5%93-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%89-%E2%B5%A2%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B4%B0%E2%B5%8F%E2%B5%8E%E2%B5%8D%E2%B4%B0%E2%B5%8F-2015-2016-%E2%B5%96%E2%B5%8E%E2%B4%BD%E2%B5%8D%E2%B5%8D%E2%B5%89-%E2%B5%89%E2%B5%95%E2%B5%A3%E2%B5%8E#comment-0