Published on MAPNews (https://www.mapnews.ma/am)

Accueil > ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⵎⴰⴷⴰⵏ ⴰⵎⵖⵔⴰⴱⵉ ⵙⴼⴼⵓⴳⵍⴰⵏ ⴰⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⵎⴰⴷⴰⵏ ⴰⵎⵖⵔⴰⴱⵉ ⵙⴼⴼⵓⴳⵍⴰⵏ ⴰⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ

24 ⵖⵓⵛⵜ 2015 Version Imprimable
ⵕⵕⴱⴰⴹ - ⵙⴼⴼⵓⴳⵍⴰⵏ ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⵎⴰⴷⴰⵏ ⴰⵎⵖⵔⴰⴱⵉ, ⴰⵙⵙ ⵏ ⵓⴽⵕⴰⵙ, ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵍⵍⵉ ⵢⵜⵜⴰⵡⵙⴰⵏ ⵙ ⵓⵙⴰⵏⵜⵍ ⵏⵏⵙ ⵅⴼ ⵓⵙⵓⴼⵖⴼⵓⵙ ⵏ ⵜⵎⵖⴰⵔⵜ ⵜⴰⵎⵖⵔⴰⴱⵉⵜ ⴷ ⵓⵙⴷⵍ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ.
ⴳ 2010, ⵜⵓⵎⵥ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵉⵔⵣⴼ ⵏ ⵜⵎⵖⴰⵔⵉⵏ ⵜⴰⵃⵔⵔⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴰⵛⴽⵓ, ⵍⵍⵉⵖ ⵜⴳⴰ ⵜⴰⵏⵙⵙⵉⵅⴼⵜ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵜⵉⵎⵖⵔⴰⴱⵉⵏ, ⵜⵙⴽⵔ ⵎⵏⵏⴰⵡⵜ ⵏ ⵜⵖⴰⵡⵙⵉⵡⵉⵏ ⵜⵉⵅⴰⵜⴰⵔⵉⵏ ⵅⴼ ⵓⵣⴷⵓⵙ ⵏ ⵓⵙⴷⵖⵔ ⵏ ⵜⵎⵖⴰⵔⵉⵏ ⵜⵉⵎⵖⵔⴰⴱⵉⵏ ⴷ ⵜⵉⵄⵔⴰⴱⵉⵏ ⴷ ⵜⵉⴼⵔⵉⵇⵉⵏ. ⵜⵣⵡⴰⵔ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵎⵏⵏⴰⵡⵜ ⵏ ⵜⵎⴰⵔⵙⵍⵉⵏ ⵍⵍⵉⵖ ⵜⴳⴰ ⵜⴰⵏⵙⵙⵉⵅⴼⵜ ⵏ ⵜⵉⵡⵓⵔⵉⵡⵉⵏ ⵉⵏⴰⵎⵓⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵜⵉⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵉⵎⵖⵔⴰⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⵜⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵓⵙⴷⵓⵙ ⵏ « ⵍⵢⵓⵏⵉⵙⵉⴼ » ⴷ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵜⵉⵎⵖⵔⴰⴱⵉⵏ ⴷ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ ⴷ ⵓⴱⵕⵍⴰⵎⴰⵏ ⵏ ⵉⵄⵔⵔⵉⵎⵏ. ⴰⵎⵎⴰ ⵅⴼ ⵓⵙⵎⵓⵜⵜⴳ ⵏ ⵓⵏⵏⴰⵍ ⵏ ⵜⵎⵖⴰⵔⵜ, ⵜⵙⵙⵉⵅⴼ ⵍⴰⵍⵍⴰ ⵎⵔⵢⵎ, ⴳ ⵎⴰⵔⵙ 2013 ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵔⵥⵥⵓⵎ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵅⴼ « ⵜⴰⵎⵖⴰⵔⵜ ⵜⴰⴼⴰⵔⴰⵏⵜ, ⵜⴰⵎⴷⵔⴰⵡⵜ ⴳ ⵜⵉⵣⵉⴳⵣⵜ ⵏ ⵜⴳⵎⵉ », ⴳ ⵓⵙⴰⵜⵉ ⵏ ⵓⵙⴼⵓⴳⵍ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ. ⴳ 2011, ⵜⵉⵡⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵙⵎⵖⵓⵔⵜ ⵏ « ⵉⵍⵍ ⵓⵎⵍⵉⵍ ⵏ ⵜⵉⵄⵓⵔⵎⴰ » ⵅⴼ ⵜⵉⵡⵓⵔⵉⵡⵉⵏ ⵏⵏⵙ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ. ⵜⴹⴼⴰⵕ ⵜⵙⵎⵖⵓⵔⵜ ⴰⴷ ⵡⵉⵏ ⵏ « ⵏⵓⴱⵍ » ⴳ ⵜⵎⵙⴷⴷⵓⵔⵜ ⵏⵏⵙ. ⴳ 2011 ⴷⴰⵖ, ⵉⴼⴽⴰ ⵓⵏⵎⵀⴰⵍ ⴰⵎⴰⵜⴰⵢ ⵏ « ⵍⵢⵓⵏⵉⵙⴽⵓ », ⵎⴰⵙⵙ ⴽⵓⵢⵛⵉⵔⵓ ⵎⴰⵜⵙⵓⵔⴰ ⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵣⵡⵍ ⵏ ⵜⵎⵙⵇⴰⴷⵜ ⵏ ⵜⵉⵔⴰⵜ ⵉⴼⵓⵍⴽⵉⵏ ⵏ « ⵍⵢⵓⵏⵉⵙⴽⵓ ».
Dernière modification : 24 ⵖⵓⵛⵜ 2015
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B5%A1%E2%B5%8A%E2%B4%B0-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B7-%E2%B5%93%E2%B5%8E%E2%B4%B0%E2%B4%B7%E2%B4%B0%E2%B5%8F-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B5%99%E2%B4%BC%E2%B4%BC%E2%B5%93%E2%B4%B3%E2%B5%8D%E2%B4%B0%E2%B5%8F-%E2%B4%B0%E2%B5%99-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C#comment-0