Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵉ ⵜⵎⵜⵜⵉⴳ ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 62 ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵉ ⵜⵎⵜⵜⵉⴳ ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 62 ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ

20 ⵖⵓⵛⵜ 2015 Version Imprimable
ⵜⵉⵟⵡⴰⵏ - ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 62 ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵢⵉⴹ ⵏ ⵡⴰⵙⵙ ⵏ ⵓⴽⵡⴰⵙ ⵢⴰⵏ ⵉⵏⴰⵡ ⵉ ⵜⵎⵜⵜⵉ .

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⵎⴰⵙ ⴷ ⵉⵇⵇⴰⵏ ⴰⴷ ⴰⵎⵣⵏ ⵉⴼⴳⴰⵏⵏ ⵉⴱⵖⵓⵔⵏ ⴳ ⵉⵙⵜⴰⵢⵏ ⵉⴷⵖⵔⴰⵏⵏ ⴷ ⵡⵉⵏ ⵜⵙⴳⵉⵡⵉⵏ. ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⴷ ⵉⵇⵇⴰ ⴰⴷ ⵙⴽⵔⵏ ⵉⵎⵓⵍⵍⵉⵜⵏ ⴷ ⴰⵎⵓⵏ ⵓⵖⵔⵉⵎ ⵜⵉⵡⵓⵔⵉⵡⵉⵏ ⵜⵉⵅⴰⵜⴰⵔⵉⵏ ⴰⴼⴰⴷ ⴰⴷ ⴷⵔⵓⵏ ⵉⴼⴳⴰⵏⵏ ⴳ ⵉⵙⴰⵢⵏ ⵉⴷⵖⵔⴰⵏⵏ ⴷ ⵡⵉⵏ ⵜⵙⴳⵉⵡⵉⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵜⴳⴰ ⵜⴷⵔⴰⵡⵜ ⴳ ⵉⵙⵜⴰⵢⵏ ⴰⴷ ⵍⵡⴰⵊⴱ ⴷ ⴰⵣⵔⴼ ⵏ ⵉⴼⴳⴰⵏⵏ.

ⴳ ⵜⵙⴳⴰ ⵢⴰⴹⵏ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵉⵎⵓⵔⵙ ⵍⵎⵖⵔⵉⴱ ⴳ ⵉⴹⴰⴼ ⵏ ⵉⵡⵜⵜⵓⵜⵏ ⵏⵏⵙ ⴳ ⵙⵉⵏ ⵉⵙⴳⴳⴰⵙⵏ ⵍⵍⵉ ⵣⵔⵉⵏⵉⵏ ⴷ ⵜⵓⵙⴽⴰ ⵏ ⵜⵏⴼⵔⵓⵜ .

ⵉⵇⵇⴰⵏ ⴷ ⴰⴷ ⵢⴰⵡⵙ ⵓⴼⴳⴰⵏ ⴳ ⵉⴳⵔ ⵏ ⵓⵙⴷⵓⵙ ⵏ ⵜⵏⴼⵔⵓⵜ ⵏ ⵜⵎⵓⵔⵜ ⵏⵏⵙ ⵉⵙⴷⴷⵉⴷ ⵓⵍⴰ ⵎⴰⵙ ⵔⴰⴷ ⵉⵣⴰⵢⴷ ⵍⵍⵖⵔⵉⴱ ⴳ ⵜⵓⴳⴳⴰⵙ ⵍⵍⵉ ⵉⵙⴽⴰⵔ ⴳ ⵉⴳⵔ ⵏ ⵜⵏⴼⵔⵓⵜ ⴷ ⵓⵙⴱⴷⴷⵉ ⵏ ⵓⴱⵔⵙⵉⵡⴷ ⵙⵍⴰⵡⴰⵏ ⴰⴽⴽ ⵍⵍⵉⵖ ⵙⵙⵏⵜ ⵜⵎⵉⵣⴰⵔ ⵏ ⵜⵙⴳⴰ ⵏ ⵍⵎⵖⵔⵉⴱ ⴰⵎⵇⵔⴰⵏ ⴷ ⵓⵎⴰⴷⴰⵍ ⴰⵄⵕⴰⴱ ⵜⵉⵎⵓⴽⵔⵉⵙⵉⵏ ⵏ ⵓⴱⵔⵙⵉⵡⴷ.

ⵙ ⵓⵣⵎⵣⵣⵓ ⴰⴷ ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⴰⵟⵟⴰⵙ ⵜⵉⵢⴰⴼⵓⵜⵉⵏ ⵏ ⵜⵏⴼⵔⵓⵜ ⵅⴼ ⵜⵡⵓⵔⵉⵡⵉⵏ ⵍⵍⵉ ⵙⴽⴰⵔⵏⵜ ⴰⴼⴰⴷ ⴰⴷ ⵙⴱⴷⴷⵏⵜ ⵜⵉⵎⵀⵍⵉⵏ ⵏ ⵓⵙⴱⵔⵡⵉⴷ ⵍⵍⵉ ⵉⵔⴰⵏ ⴰⴷ ⵙⵎⵓⵙⵙⵓⵏⵜ ⴰⵔⴳⴳⵉⴳ ⵍⵍⵉ ⵉⵍⵍⴰⵏ ⴳ ⵜⵎⵓⵔⵜ ⵏⵏⵖ ⵍⵎⵖⵔⵉⴱ.
.
ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⴳ ⵜⴳⵉⵔⴰ ⵏ ⵉⵏⴰⵡ ⵏⵏⵙ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 20 ⵖⵓⵛⵜ 2015
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B5%89%E2%B4%B3-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-62-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%8D%E2%B4%B0-%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7#comment-0