ⵜⴰⴼⵓⴳⵍⴰ ⵏ ⵜⵉⵄⵄⵓⵔⵎⴰ… ⴰⵙⴼⵓⴳⵍ ⵙ ⵜⵉⵍⴰⵍⵜ ⵏ ⵉⵄⵔⵔⵉⵎⵏ ⵖ ⵜⵓⵚⴽⴰ ⵏ ⵉⵎⴰⵍ ⵏ ⵜⴳⴰⵍⴷⵉⵜ.

19 ⵖⵓⵛⵜ 2015 Version Imprimable

ⵕⵕⴱⴰⴹ - ⵉⴳⴰ ⵓⵙⴼⵓⴳⵍ ⵏ ⵍⵎⵖⵔⵉⴱ, ⴰⵙⵙ ⵏ ⴰⵙⵉⵎⵡⴰⵙ ⴷ ⵢⵓⵛⴽⴰⵏ, ⵙ ⵜⴼⵓⴳⵍⴰ ⵏ ⵜⵉⵄⵄⵓⵔⵎⴰ ⴷ ⵓⵙⴽⵜⵉ ⵡⵉⵙⵙ ⵙⵉⵏ ⵡⴰⴳⵏⴰⵔⵏ ⴷ ⵙⵉⵏ ⴷ ⵎⵔⴰⵡ (52) ⵏ ⵜⵍⴰⵍⵉⵜ ⵏ ⴱⴰⴱ ⵏⵡⴰⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵢⴰⵏ ⵓⵣⵎⵣⵣⵓ ⴰⴼ ⴰⴷ ⵉⴽⵜⵉ ⵓⵎⴰⴷⴰⵏ ⴰⵎⵖⵔⵉⴱⵉ ⵜⵉⵍⴰⵍⵜ ⵏ ⵉⵄⵔⵔⵉⵎⵏ ⴳ ⵎⴰⵢⵣⵍⵉⵏ ⵙ ⵜⵓⵚⴽⴰ ⵏ ⵉⵎⴰⵍ ⵏ ⵍⵎⵖⵔⵉⴱ.

ⴷ ⵓⵙⴽⵜⵉ ⴰⴷ ⵉⴳⴳⴰ ⵢⴰⵏ ⵓⵣⵎⵣⵣⵓ ⵍⵍⵉ ⵔⴰⴷ ⵉⴽⵜⵉ ⵓⵎⴰⴷⴰⵏ ⴰⵎⵖⵔⵉⴱⵉ ⵜⵓⴳⴳⴰⵣ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⵖ ⵉⴳⵔ ⵏ ⵜⴰⵣⵣⵉⴳⵣⵜ ⴷ ⵜⵎⵔⵏⵉⵡⵜ ⵏ ⵜⵓⴷⴰⵔⵜ ⵏ ⵉⵄⵔⵔⵉⵎⵏ ⵉⵎⵖⵔⴰⴱⵉⵏ ⴰⴼ ⴰⴷ ⴰⴷⵔⵓⵏ ⵖ ⵜⵡⴰⴷⴰ ⵏ ⵜⵓⵚⴽⴰ ⴷ ⵜⵉⴳⵎⵉ ⵏ ⵜⵎⴰⵣⵉⵔⵜ ⵏⵏⵙⵏ.

ⴰⴼ ⴰⴷ ⵉⵜⵢⵡⴰⵙⴽⴰⵔ ⵓⵡⵜⵜⴰⵙ ⵍⵍⵉ ⵉⵜⵖⴰⵡⴰⵍ ⵓⴳⵍⵍⵉⴷ ⵎⵃⵎⵎⴷ ⵡⵉⵙⵙ ⵚⴹⵉⵚ ⵖ ⵜⵓⴳⵜ ⵏ ⵜⴳⵓⵔⵉⵡⵉⵏ ⵏⵏⵙⵏ ⵍⵍⵉ ⵣⵔⵉⵏⵉⵏ, ⴰⵔ ⵉⵙⵙⵓⵜⵓⵔ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵣⵕⴰⵕⵏ ⴰⴽⴽⵯ ⵉⵄⵔⵔⵉⵎⵏ ⵏ ⵜⴰⵎⵓⵔⵜ ⵏⵏⵅ ⴰⴷ ⵙⵙⴱⵖⵔⵏ ⵖ ⵓⵣⵔⴼ ⵏ ⵓⴽⵛⵓⵎ ⴰⵙⵓⵎⵓ ⵙ ⵜⵉⵏⵎⴰⵍ ⴷ ⵜⵙⴷⴰⵡⵉⵜ.

ⵉⵏⵏⴰ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵎⵏⵏⴰⵡ ⵉⵏⴰⵡⵏ ⵎⴰⵙⴷ ⵉⵇⵇⴰⵏ ⴷ ⴰⴽⴽⵯ ⵉⵎⵓⵍⵍⵉⵏ ⴰⴷ ⵕⵥⴰⵎⵏ ⵜⴰⴳⴳⵓⵔⵜ ⵏⵏⵙⵏ ⴳ ⵓⵎⵏⵉⴷ ⵏ ⵉⵄⵔⵔⵉⵎⵏ ⴷ ⵜⵉⵎⵖⴰⵔⵉⵏ ⴰⴼ ⴰⴷ ⴰⴷⴰⵡⵙⵏ ⵖ ⵓⵙⵎⴰⵢⵏⵓ ⵏ ⵜⵎⵔⵙⵍⵜⵉⵏ ⵜⵉⵙⵔⵜⴰⵏⵉⵏ ⵃⵎⴰ ⴰⴷ ⵙⴱⵓⵖⵍⵓⵏ ⴷ ⴰⴷ ⵙⴳⵎⵉⵏ ⴷ ⴰⴷ ⵙⴷⵉⵎⵓⵇⵔⴰⵜⵉⵏ ⵜⵉⵎⵔⵙⵍⵜⵉⵏ ⵏ ⵓⵡⵏⴰⴽ.

ⴰⴼ ⴰⴷ ⵜⵢⵡⴰⵙⴽⴰⵔ ⵢⴰⵜ ⵜⵓⴷⴰⵔⵜ ⵉⴼⵓⵍⴽⵉⵏ ⴰⴽⴽⵯ ⵉⵏⴰⵎⵓⵔⵏ ⵉⵎⵖⵔⴰⴱⵉⵏ.

Dernière modification : 19 ⵖⵓⵛⵜ 2015

Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%89%E2%B5%84%E2%B5%84%E2%B5%93%E2%B5%94%E2%B5%8E%E2%B4%B0%E2%80%A6-%E2%B4%B0%E2%B5%99%E2%B4%BC%E2%B5%93%E2%B4%B3%E2%B5%8D-%E2%B5%99-%E2%B5%9C%E2%B5%89%E2%B5%8D%E2%B4%B0%E2%B5%8D%E2%B5%9C-%E2%B5%8F-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F-%E2%B5%96-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%89%E2%B5%8E%E2%B4%B0%E2%B5%8D-%E2%B5%8F-%E2%B5%9C%E2%B4%B3%E2%B4%B0%E2%B5%8D%E2%B4%B7%E2%B5%89%E2%B5%9C#comment-0