Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴼⵓⴳⵍⴰ ⵏ ⵜⴳⴳⴰⵍⵍⵉⵜ ⵏ ⴹⴹⴱⴱⴰⵟ ⵍⵍⵉ ⴷ ⴼⴼⵓⵖⵏⵉⵏ ⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴼⵓⴳⵍⴰ ⵏ ⵜⴳⴳⴰⵍⵍⵉⵜ ⵏ ⴹⴹⴱⴱⴰⵟ ⵍⵍⵉ ⴷ ⴼⴼⵓⵖⵏⵉⵏ ⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ

31 ⵢⵓⵍⵢⵓⵣ 2015 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵏⴰⵔⴰ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏ, ⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⵎⵡⴰⵙ ⴳ ⵓⵙⴰⵢⵙ ⵏ ⵍⵎⵉⵛⵡⴰⵕ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵜⴳⴳⴰⵍⵍⵉⵜ ⵏ 1470 ⵏ ⴹⴹⴱⴱⴰⵟ ⵍⵍⵉ ⴷ ⴼⴼⵓⵖⵏⵉⵏ ⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ, ⵓⵍⴰ ⵙⵓⵍ ⴹⴹⵓⴱⴱⴰⵟ ⵍⵍⵉ ⵖⵍⵉⵏⵉⵏ ⴳ ⵜⵙⴽⴰⵍⵉⵏ ⵏⵏⵙⵏ ⵉⵍⵍⴰⵏ ⴳ ⵓⴷⵔⴰⵙ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴳⵉⵙⵏ 268 ⵏ ⵜⵎⵖⴰⵕⵜ ⴹⴰⴱⵉⵟⴰ.
ⵙ ⵓⵣⵎⵣⵣⵓ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵔⴰⴱⴱⵓⵜ ⴰⴷ ⵉⵙⵎ ⵏ « ⵎⵓⵍⴰⵢ ⵄⵍⵉ ⵛⵛⵔⵉⴼ». ⴷⴼⴼⵉⵔ ⵍⵍⵉⴳ ⵉⵣⵣⵓⵍ ⵏ ⵉⵥⵍⵉ ⵏ ⵓⵛⵏⵢⴰⵍ ⴰⵏⴰⵎⵓⵔ, ⵉⴼⴽⴰ ⵡⴳⵍⵍⵉⴷ ⵙ ⵓⵣⵎⵓⵣⵣⵓ ⵢⴰⴷ ⵢⴰⵏ ⵉⵏⴰⵡ ⵍⵍⵉⵖ ⵉⵏⵏⴰ ⵉ ⴹⴹⵓⴱⴱⴰⵟ ⴰⴷ, ⴰⴷ ⵉⵍⵉⵏ ⴳ ⵓⵙⵡⵉⵔ ⵏ ⵜⵎⴰⵜⴰⵔⵜ ⴰⴷ ⵜⴰⵎⵇⵕⴰⵏⵜ, ⵍⵍⵉ ⵢⵉⵎⵎⴰⵍⴰⵏ ⴰⵎⵢⴰⵎⴰⵥ ⵉⵍⵍⴰⵏ ⴳⵔ ⵓⴳⴷⵓⴷ ⴰⵎⵖⵔⴰⴱⵉⵢ ⴷ ⵜⴰⵡⵊⴰ ⵜⴰⵄⴰⵍⴰⵡⵉⵢⵜ ⵜⴰⵛⵔⵉⴼⵜ. ⴹⴹⴼⵉⵕ ⵏ ⵜⴼⵓⴳⵍⴰ ⵏ ⵜⴰⴳⴰⵍⵍⵉⵜ, ⵉⵙⵙⴰⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⴰⵔⴰ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏ, ⵉⵙⵙⵖⵍⵉ ⵎⵏⵏⴰⵡ ⵏ ⴹⴹⵓⴱⴰⵟ ⵉⵎⴰⵜⴰⵢⵏ ⵙ ⵓⵙⵎⵉⵍ ⵏ ⵍⵊⵉⵏⵉⵕⴰⵍ ⴷ ⴽⵓⵍⵓⵏⵉⵍ ⵎⴰⵊⵓⵕ. ⵜⴽⵛⵎ ⵜⵙⵏⵜⴰⵢⵜ ⴰⴷ ⵢⴰⵜⵜⵓⵢⵏ ⴳ ⵓⵙⴰⵜⵉ ⵏ ⵓⵙⵙⵖⵍⵉ ⵉ ⴹⴹⵓⴱⴰⵟ ⴷ ⴹⴹⵓⴱⴰⵟ ⵚⴰⴼ ⴷ ⵍⵊⵓⵏⵓⴷ ⵏ ⵎⵏⵏⴰⵡ ⵏ ⵉⴳⵣⵣⵓⵎⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵏ ⵓⵙⴳⴳⵯⴰⵙ ⵏ 2015, ⵖⵎⴽⵍⵉ ⵉⵜⵜⵓⵙⴽⴰⵔⵏ ⴽⵓ ⴰⵙⴳⴳⵯⴰⵙ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ. ⵜⵣⵔⵉ ⵜⴼⵓⴳⵍⴰ ⵏ ⵜⵏⴽⴷⴰ ⵏ ⵜⴳⴰⵍⵍⵉⵜ ⵙ ⵜⵉⵍⵉⵜ ⵏ ⵎⵏⵏⴰⵡ ⵏ ⵉⵏⵎⵖⵓⵔⵏ, ⵣⵓⵏⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴷ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⴹⵓⴱⴱⴰⵟ ⵉⵎⵇⵔⴰⵏ ⴷ ⵉⵄⵚⴽⵔⵉⵢⵏ ⵉⵍⵍⴰⵏ ⴳ ⵜⵎⵙⵇⴰⴷⵉⵏ ⵜⵉⴱⵕⵕⴰⵏⵉⵢⵉⵏ ⵉⵍⵍⴰⵏ ⴳ ⵕⵕⴱⴰⴹ ⴷ ⵎⵏⵏⴰⵡ ⵏ ⵉⵡⵔⵉⴽⵏ ⵢⴰⴹⵏⵉⵏ.
Dernière modification : 31 ⵢⵓⵍⵢⵓⵣ 2015
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B4%B3%E2%B4%B3%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B4%B9%E2%B4%B9%E2%B4%B1%E2%B4%B1%E2%B4%B0%E2%B5%9F-%E2%B5%8D%E2%B5%8D%E2%B5%89-%E2%B4%B7-%E2%B4%BC%E2%B4%BC%E2%B5%93%E2%B5%96%E2%B5%8F%E2%B5%89%E2%B5%8F-%E2%B4%B3-%E2%B5%9C%E2%B5%89%E2%B5%8F%E2%B5%8E%E2%B4%B0%E2%B5%8D-1#comment-0