Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵜⵔ ⵜⴰⵏⴱⴰⴹⵜ ⴰⴷ ⵜⵜⵓⵙⴽⵔ ⴰⵖⴰⵡⴰⵙ ⵏ ⵜⵡⵓⵔⵉ ⴰⴼⴰ ⴷ ⵉⵍⵉⵏ ⵉⵎⴰⵙⵏ ⵏ ⵓⵥⵕⴼ ⵉⵙⵏⵜⵉⵜⵏ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷ ⵜⵏⴰⴼⵓⵜⵉⵏ ⵜⵉⵙⵍⴰⵏⵉⵏ ⴳ ⵜⴳⵔⴰⵡⵜⵉⵏ ⵍⵍⵉ ⵉⵜⵏⴳⴰⵔⴰⴼⵏ ⵙ ⵓⵅⵚⵚⴰ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵜⵔ ⵜⴰⵏⴱⴰⴹⵜ ⴰⴷ ⵜⵜⵓⵙⴽⵔ ⴰⵖⴰⵡⴰⵙ ⵏ ⵜⵡⵓⵔⵉ ⴰⴼⴰ ⴷ ⵉⵍⵉⵏ ⵉⵎⴰⵙⵏ ⵏ ⵓⵥⵕⴼ ⵉⵙⵏⵜⵉⵜⵏ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷ ⵜⵏⴰⴼⵓⵜⵉⵏ ⵜⵉⵙⵍⴰⵏⵉⵏ ⴳ ⵜⴳⵔⴰⵡⵜⵉⵏ ⵍⵍⵉ ⵉⵜⵏⴳⴰⵔⴰⴼⵏ ⵙ ⵓⵅⵚⵚⴰ

30 ⵢⵓⵍⵢⵓⵣ 2015 Version Imprimable
ⵕⵕⴱⴰⴹ - ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⴷ ⵜⵜⵓⵙⵔⵙ ⵢⴰⵜ ⵜⵙⵟⵔⴰⵜⵉⵊⵉⵢⵜ, ⴰⴼⴰ ⴷ ⵉⵍⵉⵏ ⵛⴰⵢⴳⴰⵏ ⵏ ⵉⵎⴰⵙⵏ ⵏ ⵓⵥⵕⴼ ⵉⵙⵏⵜⵉⵜⵙⵏ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⵍⵓⵎⴰⵏ ⴳ ⵢⵉⴳⵔ ⵏ ⵓⵙⴳⵎⵉ ⴷ ⵜⴷⵓⵙⵉ ⴷ ⵡⴰⵎⴰⵏ ⴷ ⵓⵙⵉⴷ ⴷ ⵉⴱⵔⴷⴰⵏ ⵏ ⵉⴼⴰⵔⴰⵏ ⴷ ⵜⵓⴳⵜ ⵏ ⵜⵖⴰⵡⵙⵉⵡⵉⵏ, ⴳ ⵜⴳⵔⴰⵡⵜⵉⵏ ⵍⵍⵉ ⵉⵜⵏⴳⴰⵔⴰⴼⵏ ⵉⵜⵢⴰⵡⵅⵚⴰⵏ ⴳ ⴽⵓ ⴰⴽⴽⵯ ⵜⴰⵎⵏⴰⴹⵜ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ, ⴰⵙⵙ ⵏ ⵓⴽⵡⴰⵙ ⵙ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 16 ⴳ ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴷⴰⴱⵓ, ⴰⴼⴰ ⴷ ⵜⵉⵍⵉ ⵜⵏⴼⵔⵓⵜ ⵏ ⵓⵙⵎⵓⵔⵙ ⵏ ⵜⵙⴰⵡⵔⵜⵉⵏ ⵜⵉⵏⴰⵎⵓⵏⵉⵏ, ⴰⵔ ⵏⵙⵓⵜⵓⵔ ⵉ ⵜⵏⴱⴰⴹⵜ ⴰⴷ ⵜⵙⵔⵙ ⴰⵖⴰⵡⴰⵙ ⵏ ⵜⵡⵓⵔⵉ ⵉⴽⵛⵎⵏ ⴳ ⵜⵎⴷⵔⴰⵡⵜ ⴳⵔ ⵎⵏⵏⴰⵡ ⵏ ⵉⴳⵔⴰⵏ ⵉⵎⴰⵡⵙⴰⵙⵏ, ⴷ ⵜⵎⵔⵙⵍⵜⵉⵏ, ⵎⴰⵔ ⴰⴷ ⵉⵍⵉⵏ ⵉⵎⴰⵙⵏ ⵏ ⵓⵥⵕⴼ ⴷ ⴰⵜⵉⵍⵉ ⵜⵖⴰⵡⵙⵜ ⵏ ⵓⵙⴽⵔ ⵏⵏⵙⵏ.

ⴷ ⵉⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⴰⵙⵖⵓⴷⵓ ⵏ ⵜⵙⵏⵜⴰⵢⵉⵏ ⵍⵍⵉ ⵉⵣⵡⴰⵔ ⵏⵏⵓⵕⵥⵎⵏ, ⵔⴰⴷ ⵉⵎⴳⵍ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴰⵏⵖⵍⴰⴼ ⵏ ⵜⴳⵔⴰⵡⵜⵉⵏ ⵏ ⵡⴰⴽⴰⵍ, ⵎⴰⵔ ⴰⴷ ⵜⵜⵓⵙⴽⵔ ⵢⴰⵜ ⵜⵖⵓⵔⵉ ⵜⴰⴷⵖⵕⴰⵏⵜ ⴰⴼⴰ ⴷ ⵜⵥⵕ ⴰⵙⵙⴰⵔ ⵏ ⴽⵓ ⴰⴽⴽⵯ ⴰⴷⵡⴰⵕ ⴷ ⴽⵓ ⵜⵎⵏⴰⴹⵜ, ⴳ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ, ⴷ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ, ⵏ ⴽⵓ ⴰⴽⴽⵯ ⵜⴰⵙⴳⴰ ⴳ ⵜⴳⵍⴷⵉⵜ, ⵙⵍⵡⴰⵏ ⴰⴽⴽⵯ ⵓⴳⴳⵯⴰⵔ ⵏ 29 ⵏ ⵢⵉⴼⴹ ⵏ ⵓⴷⵡⴰⵕ, ⴳ 1272 ⵏ ⵜⴳⵔⴰⵡⵜ, ⴷⴰ ⵜⵏⴳⴰⵔⴰⴼ ⵜⵜⵓⵅⵚⵚⴰ.

ⴷ ⵉⵙⴰⵡⵍ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵎⴰⵙ ⴷ ⵜⵉⵡⵓⵔⵉⵡⵏ ⵉⵙⴰⵡⵀⵎⴰⵏ ⵉⵜⵜⵓⵙⴽⵔⵏ ⵎⴰⵢⴰⴷ ⵓⵔ ⵢⵉⵡⴷⵉ ⵉ ⵜⵎⴰⵣⵉⵔⵜ ⵏⵏⴰⵖ, ⵎⴰⵃⴷ ⵜⵙⵓⵍⵏ ⴽⵔⴰⵏ ⵎⵉⴷⵏ ⴷⴰ ⵜⵏⴳⵉⵔⵉⴼⵏ ⵙ ⵜⵎⵙⵓⵜⴰⵍ ⵏ ⵜⵓⴷⵔⵜ ⵉⵅⵛⵏ, ⵡⴰⵅⵅⴰ ⵜⵓⴳⴳⵯⴰⵣ ⵉⵜⵜⵓⵙⴽⴰⵔⵏ, ⴷ ⵉⵙⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴷ ⵙⴱⵖⵔⵏ ⴽⵓ ⴰⴽⴽⵯ ⵉⵏⴰⵎⵓⵔⵏ ⵉ ⵎⵖⵔⴰⴱⵉⵢⵏ ⵙ ⵍⵅⵉⵔ ⵏ ⵜⵎⴰⵣⵉⵔⵜ.

 

Dernière modification : 30 ⵢⵓⵍⵢⵓⵣ 2015
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%9C%E2%B5%94-%E2%B5%9C%E2%B4%B0%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B4%B7-%E2%B5%9C%E2%B5%9C%E2%B5%93%E2%B5%99%E2%B4%BD%E2%B5%94-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B4%B0%E2%B4%BC%E2%B4%B0-%E2%B4%B7-%E2%B5%89%E2%B5%8D%E2%B5%89%E2%B5%8F-%E2%B5%89%E2%B5%8E%E2%B4%B0%E2%B5%99%E2%B5%8F-%E2%B5%8F-%E2%B5%93%E2%B5%A5%E2%B5%95%E2%B4%BC-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F#comment-0