ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵖⵣⵏ ⵏⵏⵙ ⵅⴼ ⵜⴰⴼⵍⵡⵉⵜ ⵏ ⵓⵙⵉⵍⵉ ⵉⵎⵙⵖⴰⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ (ⴰⵙⵉⵡⴹ)

30 ⵢⵓⵍⵢⵓⵣ 2015 Version Imprimable

ⵕⵕⴱⴰⴹ - ⵢⵓⵛⴽⴰⴷ ⴳ ⵓⵙⵉⵡⴹ ⵏ ⵜⵏⴰⵔⴰ ⵜⴰⵎⴰⵜⵜⴰⵢⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵏⴰⵔⴰ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⴼⴽⴰ ⴰⵙⵖⵣⵏ ⵏⵏⵙ ⵅⴼ ⵜⴰⴼⵍⵡⵉⵜ ⵏ ⵓⵙⵉⵍⵉ ⵉⵎⵙⵖⴰⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴰⵔ ⴰⵙⵎⵉⵍ ⴰⵏⴰⴼⵍⵍⴰ ⴳ ⵓⵙⴳⴳⵯⴰⵙ ⵏ 2015.

ⴷ ⵢⵓⵛⴽⴰⴷ ⵙⵓⵍ ⴳ ⵓⵙⵉⵡⴹ ⴰⴷ ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⴰⵔⴰ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⵙⵏⵓⴱⴳ ⴰⵙⵙ ⵏ ⵓⴽⵕⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⴹ, ⵍⵊⵉⵏⵉⵕⴰⵍ ⴷⵓⴽⵓⵕⴹⴰⵕⵎⵉ ⴱⵓⵛⵄⵉⴱ ⵄⵕⵕⵓⴱ, ⴰⵎⴳⴳⵉⵡⵙ ⴰⵎⴰⵜⵜⴰⵢ ⵏ ⵜⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵏⴰⵔⴰ ⵏ ⵜⵎⵏⴰⴹⵜ ⵏ ⵉⴼⴼⵓⵙ, ⴷ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵉⵎⴳⵍⵏ ⵙ ⵓⵙⵉⵍⵉ ⵏ ⵉⵎⵙⵖⴰⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵉⴼⴽⴰ ⵜⴰⵔⴰⵜⵉⵏ ⵏⵏⵙ ⵢⴰⵜⵜⵓⵢⵏ ⴰⴷ ⵉⵙⵉⵡⴹ ⵜⴰⵀⴰⵏⵉ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵉⵎⵙⵖⴰⵏⵏ ⵍⵍⵉ ⵉⵜⵜⵓⵢⴰⵍⵉⵏ ⴳ ⵓⵙⵎⵉⵍ ⵏⵏⵙⵏ ⴷ ⴽⵓ ⴰⴽⴽⵯ ⵉⵎⵙⵖⴰⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ. ⴳ ⵓⵣⵎⵣⵣⵓ ⵏ ⵓⵙⵏⵓⴱⴳ ⴰⴷ ⵉⴼⴽⴰ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵉⵎⴳⵍⵏ ⵙ ⵓⵙⵉⵍⵉ ⴰⴼⵔⴰⴳ ⴰⴳⵍⴷⴰⵏ ⵢⴰⵜⵜⵓⵢⵏ ⵜⴰⴳⴹⵡⵉⵜⵉⵏ ⴷ ⵜⵢⴰⴼⵓⵜⵉⵏ ⵏ ⵜⵡⵓⵔⵉⵡⵉⵏ ⵉⵥⵍⵉⵏ ⵙ ⵓⵙⵉⵍⵉ ⵏ ⵉⵎⵙⵖⴰⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴰⴷⵉⵏ. ⴷ ⵉⵙⴽⵜⵉⵏ ⵓⵙⵉⵡⴹ ⴰⴷ ⵎⴰⵙ ⴷ ⵉⵙⵉⵍⵉⵜⵏ ⴷⴰ ⵜⵜⵓⵙⴽⴰⵔⵏ ⴽⵓ ⴰⵙⴳⴳⵯⴰⵙ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ, ⵎⴰⵢⴰⴷ ⵉⴽⵛⵎ ⴳ ⵓⵙⴰⵜⵉ ⵏ ⵓⵙⵉⵍⵉ ⵉ ⴽⵓ ⴰⴽⴽⵯ ⵉⵎⵙⴰⵖⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵏ (ⵡⴰⴽⴰⵍ ⴷ ⵓⴳⵏⵏⴰ ⴷ ⵉⵍⵍ ⴷ ⵊⵓⵏⴹⴰⵕⵎ ⴰⴳⵍⴷⴰⵏ).

Dernière modification : 30 ⵢⵓⵍⵢⵓⵣ 2015

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%99%E2%B5%96%E2%B5%A3%E2%B5%8F-%E2%B5%8F%E2%B5%8F%E2%B5%99-%E2%B5%85%E2%B4%BC-%E2%B5%9C%E2%B4%B0%E2%B4%BC%E2%B5%8D%E2%B5%A1%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8D%E2%B5%89-%E2%B5%89%E2%B5%8E%E2%B5%99%E2%B5%96%E2%B4%B0%E2%B5%8F%E2%B5%8F-%E2%B5%8F-%E2%B5%9C%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B4%BC%E2%B5%89%E2%B5%8F#comment-0