ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵔⵣⴰⴼ ⵉⵎⵙⴱⵖⵔⵏ ⵏ ⵜⵔⴽⵉⴼⵜ ⵜⴰⵎⵙⵏⵉⵊⵊⵉⵜ ⵜⴰⴱⴷⴰⴷⵜ ⴳ ⵎⴷⵢⵓⵏⴰ ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ

15 ⵢⵓⵍⵢⵓⵣ 2015 Version Imprimable

ⵙⵉⴷⵉ ⵃⵊⵊⴰⵊ ⵡⴰⴷ ⵃⵚⵚⴰⵕ (ⵜⴰⵙⴳⴰ ⵏ ⵎⴷⵢⵓⵏⴰ) - ⴰⵙⵙ ⵏ ⵓⴽⵕⴰⵙ, ⴳ ⵜⴳⵔⴰⵡⵜ ⵜⴰⴼⴰⵔⴰⵏⵜ ⵏ ⵙⵉⴷⵉ ⵃⵊⵊⴰⵊ ⵡⴰⴷ ⵃⵚⵚⴰⵕ ⵍⵍⵉ ⵉⴹⴼⵕⵏ ⵉ ⵜⵙⴳⴰ ⵏ ⵎⴷⵢⵓⵏⴰ ⴳ ⴹⴹⴰⵕⵍⴱⵉⴹⴰ ⵜⴰⵅⴰⵜⴰⵔⵜ, ⴰⵔⵣⴰⴼ ⵉ ⵜⵔⴽⵉⴼⵜ ⵜⴰⵎⵙⵏⵉⵊⵊⵉⵜ ⵜⴰⴱⴷⴰⴷⵜ ⵉⵎⴳⵍⵏ ⵅⴼ ⵓⴼⵔⴰⴳ ⵏ ⵜⵎⴰⴹⵓⵏⵜ ⵉⵅⵛⵏ ⵎⴰⵢⴰⴷ ⵉⵜⵜⵓⵙⴽⵔⵏ ⵉ ⵎⴷⵏ ⵉⵥⵍⴹⵏ.

ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵜⵡⵉⵣⵉ ⴷ ⵜⵏⵉⵍⴰ ⵍⵍⵉ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵓⵙⵖⵓⴷⵓ ⵏ ⵜⵢⴰⴼⵓⵜⵉⵏ ⵜⵉⵎⵙⵏⵉⵊⵊⵉⵢⵏ ⵍⵍⵉ ⵉⵜⵓⴼⴽⴰⵏ ⵉⵏⴰⵎⵓⵔⵏ ⵍⵓⵎⴰⵏ ⵡⵉⵏⵏⴰ ⴳ ⵜⵍⵍⴰ ⵜⵎⴰⴹⵓⵏⵜ ⵉⵅⵛⵏ, ⴷ ⵎⴰⵢⴰⴷ ⵉⵜⵜⵓⵙⴽⵔ ⵉ ⵎⵉⴷⵏ ⵎⵉ ⴰⵙⵓⵔⵙ ⵏⵏⵙⵏ ⵉⵀⵔⵛ. ⵜⵥⴹⴰⵕ ⵜⵉⵔⴽⴼⵜ ⵍⵍⵉ ⵉⵍⴽⵎⵏ ⴰⵙⴷⴷⵉ ⵏⵏⵙ ⵡⵉⵙⵙ ⵙⴹⵉⵚ ⵍⵍⵉ ⵜⵙⵏⵎⴰⵍⴰ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵜⴰⵏⴱⴷⴰⴷⵜ, ⵣⴳ ⵎⴰⵙⵜ ⵉⵕⵥⵥⵎ ⴱⴰⴱ ⵏ ⵡⴰⴷⴷⵓⵔ ⴳ 25 ⵢⵓⵏⵢⵓ ⵉⵥⵔⵉⵏ, ⴳ ⵜⵜⵓⵙⴽⵔ ⵓⴳⴳⵯⴰⵔ ⵏ 18 ⵏⵉⴷ ⵢⵉⴼⴹ ⴷ 500 ⴰⵎⵛⵉⵡⴰⵕ ⴰⵎⵙⵏⵉⵊⵊⵉ ⵉ ⵎⵉⴷⵏ ⵏ ⵜⵎⴰⵔⴰ ⴷ ⵙⵍⴰ ⴷ ⵍⵃⴰⵡⵣ ⴷ ⴼⴰⵙ ⴷ ⵡⴰⵊⴷⴰ. ⵜⴽⵛⵎ ⵜⵙⵏⵜⴰⵢⵜ ⴰⴷ ⵍⵍⵉ ⵉⵜⵜⵓⵙⵏⵎⴰⵍⴰⵏ ⵙ ⵜⵡⵉⵣⵉ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴷ ⵜⵏⴱⴹⴰⵢⵜ ⵜⴰⴷⵖⵔⴰⵏⵜ, ⴷ ⵜⵏⴰⴼⵓⵜⵉⵏ ⵏ ⵓⴼⵔⴰⴳ ⴰⵖⵔⵉⵎ, ⴷ ⵛⴰⵢⴳⴰⵏ ⵏ ⵜⵎⵙⵎⵓⵏⵉⵏ ⵜⵎⵙⵏⵉⵊⵊⵉⵢⵉⵏ, ⴷ ⵜⵓⴳⴳⵯⴰⵣ ⵍⵍⵉ ⵜⵙⴽⴰⵔ ⵜⵎⵔⵙⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵜⴰⵏⴱⴷⴰⴷⵜ, ⵎⴰⵔ ⴰⴷ ⵜⴰⵡⵙ ⵎⵉⴷⵏ ⵉⵥⵍⴹⵏ. ⴹⴼⴼⵉⵔ ⵏ ⵜⵖⵔⵎⵜ ⵏ ⵜⵎⴰⵔⴰ ⴷ ⵙⵍⴰ ⴷ ⵍⵃⴰⵡⵣ ⴷ ⴼⴰⵙ ⴷ ⵡⴰⵊⴷⴰ, ⵢⵓⵛⴽⴰⴷ ⵓⵙⵙⵓⵜⵍ ⵉ ⵜⵙⴳⴰ ⵏ ⵉⵎⵣⴷⴰⵖ ⵏ ⵎⴷⵢⵓⵏⴰ ⴰⴼⴰ ⴷ ⵙⴱⵖⵔⵏ ⴳ ⵜⵏⴰⴼⵓⵜ ⴰⴷ ⴳ ⵍⵍⴰⵏ ⵎⵏⵏⴰⵡ ⵏ ⵜⵡⵓⵔⵉⵡⵏ ⵜⵎⵙⵏⵉⵊⵊⵉⵢⵉⵏ.

Dernière modification : 15 ⵢⵓⵍⵢⵓⵣ 2015

Source URL: https://www.mapnews.ma/am/activites-royales/%E2%B5%89%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B5%89%E2%B5%8E%E2%B5%99%E2%B4%B1%E2%B5%96%E2%B5%94%E2%B5%8F-%E2%B5%8F-%E2%B5%9C%E2%B5%94%E2%B4%BD%E2%B5%89%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%99%E2%B5%8F%E2%B5%89%E2%B5%8A%E2%B5%8A%E2%B5%89%E2%B5%9C-%E2%B5%9C%E2%B4%B0%E2%B4%B1%E2%B4%B7%E2%B4%B0%E2%B4%B7%E2%B5%9C-%E2%B4%B3-%E2%B5%8E%E2%B4%B7%E2%B5%A2%E2%B5%93%E2%B5%8F%E2%B4%B0-%E2%B5%8D%E2%B5%8D%E2%B5%89#comment-0