ⵟⴰⵏⵊⴰ/ ⵜⴰⵏⴽⵔⴰ ⵙ ⵜⵎⵙⵓⵜⴰⵍ ⵜⵉⵏⴰⵎⵓⵏⵉⵏ ⵜⵉⴷⵎⴷⵙⴰⵏⵉⵏ ⵏ ⵜⵎⵖⴰⵔⵉⵏ ⴰⴷ ⵉⴳⴰⵏ ⴰⵡⵜⴰⵙ ⴰⵅⴰⵜⴰⵔ ⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴳ ⵜⴰⴷⴷⵓⵔⵜ ⵏ ⵎⵙⵏⴰⵏⴰ

11 ⵢⵓⵍⵢⵓⵣ 2015 Version Imprimable

ⵟⴰⵏⵊⴰ - /ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴰⴷⴷⵓⵔⵜ ⵏ ⵎⵙⵏⴰⵏⴰ ⵢⴰⵏ ⵡⴰⵎⵎⴰⵙ ⵏ ⵓⵙⴷⵓⵙ ⵏ ⵜⵙⵓⴳⵔⵉⵏ ⵏ ⵜⵎⵖⴰⵔⵉⵏ .

ⴰⵙⵏⵜⵉ ⴰⴷ ⵔⴰⴷ ⵢⴰⵡⵙ ⴳ ⵜⴰⵏⴽⵔⴰ ⵙ ⵜⵎⵙⵓⵜⴰⵍ ⵜⵉⵏⴰⵎⵓⵏⵉⵏ ⵜⵉⴷⵎⴷⵙⴰⵏⵉⵏ ⵏ ⵜⵎⵖⴰⵔⵉⵏ. ⴰⵎⵎⴰⵙ ⴰⴷ ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ ⵢⴰⵏ ⵓⵙⵙⴰⵔⵓ ⵉⵍⴽⵎⵏ 6 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ. ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵕⵥⵥⵓⵎ ⵏ ⵜⵡⵓⵔⵉ ⵏ ⵓⵏⴰⵎⵎⴰⵙ ⴰⴷ ⴳ 2 ⵖⵓⵛⵜ 2013, ⴰⴼⴰ ⴷ ⵉⵙⵖⵓⴷⵓ ⵜⵙⵓⴳⵔⵜ ⵏ ⵜⵎⵖⴰⵔⵉⵏ ⵜⵉⴼⴰⵔⴰⵏⵉⵏ ⵉⵥⵍⴹⵏ, ⵎⴰⵔ ⵎⵉⴷⵏ ⴰⴷ ⵍⵎⵎⴷⵏ ⵛⴰⵢⴳⴰⵏ ⵏ ⵉⵙⴽⴽⵉⵏ ⵉⴼⵓⵍⴽⵉⵏ ⵣⵓⵏⴷ ⴰⵏⵡⴰⵍ, ⴷ ⵍⴼⵚⴰⵍⴰ, ⴷ ⵜⴳⵏⵉ, ⴷ ⴰⵃⴼⴼⴰⴼ, ⴷ ⴹⵕⵣ, ⴷ ⵜⵉⵥⵉⵍⵜ, ⴰⴼⴰ ⴷ ⵍⴽⵎⵏⵜ ⵉⵣⵎⵣ ⵏ ⵜⵡⵓⵔⵉ ⴷ ⵙⵖⵓⴷⵓⵏⵜ ⵏ ⵓⵙⵓⵔⵙ ⵏⵏⵙⵏⵜ ⴰⴷⵎⵙⴰⵏ. ⴰⵏⴰⵎⵎⴰⵙ ⴰⴷ ⴷⴰⵔⵙ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⴳ ⵢⵉⴳⵔ ⵏ ⵓⵙⴳⵎⵉ ⵉ ⵜⵎⵖⴰⵔⵉⵏ ⴰⴷ ⴰⴼⴰ ⴷ ⵉⴼⵓⵍⴽⵉ ⵓⵙⵔⵙ ⵏⵏⵙⵏⵜ ⴰⵏⴰⵎⵓ ⴷⵎⵙⴰⵏ, ⴷ ⴰⴼⴰ ⴷ ⵣⴹⴰⵕⵏ ⴰⴷ ⵙⵍⵎⴷⵏⵜ ⵜⴰⵔⵔⵡⴰ ⵏⵏⵙⵏⵜ ⵉⵎⵥⵥⵉⵏ ⵉⵣⴷⴰⵔ ⵏ ⵙⵎⵎⵓⵙ ⵏ ⵓⵙⴳⴳⵯⴰⵙ. ⵢⵓⵛⴽⴰⴷ ⵓⵙⴽⵔ ⵏ ⵓⵏⴰⵎⵎⴰⵙ ⴰⴷ ⴳ ⵓⵙⵖⵓⴷⵓ ⵏ ⵎⵏⵏⴰⵡ ⵏ ⵉⵖⴰⵡⴰⵙⵏ ⵍⵍⵉ ⵜⵙⴽⴰⵔ ⵜⵎⵔⵙⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⵉ ⵜⵄⵔⵔⵉⵎⵜ ⴷ ⵜⵎⵖⴰⵔⵜ ⵜⵉⴼⴰⵔⴰⵏⵉⵏ, ⵎⴰⵔ ⵎⵉⴷⵏ ⴰⴷ ⵣⴹⴰⵕⵏ ⴰⴷ ⵍⴽⵎⵏ ⵉⵎⴰⵙⵏ ⵏ ⵜⴳⵎⵉ ⵜⴰⵏⴰⵎⵓⵏⵜ.

Dernière modification : 11 ⵢⵓⵍⵢⵓⵣ 2015

Source URL: https://www.mapnews.ma/am/activites-royales/%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B4%B0%E2%B5%8F%E2%B4%BD%E2%B5%94%E2%B4%B0-%E2%B5%99-%E2%B5%9C%E2%B5%8E%E2%B5%99%E2%B5%93%E2%B5%9C%E2%B4%B0%E2%B5%8D-%E2%B5%9C%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%89%E2%B5%8F-%E2%B5%9C%E2%B5%89%E2%B4%B7%E2%B5%8E%E2%B4%B7%E2%B5%99%E2%B4%B0%E2%B5%8F%E2%B5%89%E2%B5%8F-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%89%E2%B5%8F-%E2%B4%B0%E2%B4%B7-%E2%B5%89%E2%B4%B3%E2%B4%B0%E2%B5%8F-%E2%B4%B0%E2%B5%A1%E2%B5%9C%E2%B4%B0%E2%B5%99-%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94-%E2%B5%8F#comment-0