Published on MAPNews (https://www.mapnews.ma/am)

Accueil > ⵜⴰⵙⴳⴰ ⵏ ⵍⴼⴰⵃⵚ- ⴰⵏⵊⴰⵕⴰ..ⵜⵉⵡⵉⵣⵉ ⵏ ⵜⵙⵓⴳⵔⵜ ⵏ ⵜⵎⵖⴰⵔⵉⵏ ⵜⵉⴼⴰⵔⴰⵏⵉⵏ ⵙ ⵢⴰⵏ ⵓⵏⴰⵎⵎⴰⵙ ⵏ ⵓⵙⵎⵓⵜⵜⴳ ⵉⵕⵥⵎⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴳⴰⴷⵉⵔⵜ ⵏ ⵍⵎⴰⵊⴰⵣ
  1. Accueil
  2. Activités royales

ⵜⴰⵙⴳⴰ ⵏ ⵍⴼⴰⵃⵚ- ⴰⵏⵊⴰⵕⴰ..ⵜⵉⵡⵉⵣⵉ ⵏ ⵜⵙⵓⴳⵔⵜ ⵏ ⵜⵎⵖⴰⵔⵉⵏ ⵜⵉⴼⴰⵔⴰⵏⵉⵏ ⵙ ⵢⴰⵏ ⵓⵏⴰⵎⵎⴰⵙ ⵏ ⵓⵙⵎⵓⵜⵜⴳ ⵉⵕⵥⵎⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴳⴰⴷⵉⵔⵜ ⵏ ⵍⵎⴰⵊⴰⵣ

10 ⵢⵓⵍⵢⵓⵣ 2015 Version Imprimable
ⵜⴰⴳⴰⴷⵉⵔⵜ ⵏ ⵍⵎⴰⵊⴰⵣ(ⵜⴰⵙⴳⴰ ⵏ ⵍⴼⴰⵃⵚ-ⴰⵏⵊⴰⵕⴰ) - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴳⵔⴰⵡⵜ ⵜⴰⴼⴰⵔⴰⵏⵜ ⵏ ⵜⴳⴰⴷⵉⵔⵜ ⵍⵎⴰⵊⴰⵣ (ⵜⴰⵙⴳⴰ ⵏ ⵍⴼⴰⵃⵚ- ⴰⵏⵊⴰⵕⴰ), ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴷ ⵜⵡⵉⵣⵉ ⵏ ⵜⵙⵓⴳⵔⵜ ⵏ ⵜⵎⵖⴰⵔⵉⵏ ⵜⵉⴼⴰⵔⴰⵏⵉⵏ, ⵉⴳⴰ ⵜⵓⵚⴽⴰ ⵏ ⵎⵏⵏⴰⵡ ⵏ ⵜⵡⵓⵔⵉⵡⵉⵏ ⴰⴼⴰ ⴷ ⵉⵙⵖⵓⴷⵓ ⴰⵙⵓⵔⵙ ⵏⵏⵙⵏⵜ ⴰⵏⴰⵎⵓ- ⴷⵎⵙⴰⵏ.

ⴰⵡⵜⵜⴰⵙ ⵏ ⵓⵙⵏⵜⵉ ⴰⴷ ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⵎⵎⵓⵙ ⵏ ⵜⵡⵉⵣⵉ ⵙ ⵢⴰⵏ ⵡⴰⵜⵉⴳ ⵉⵍⴽⵎⵏ 4,5 ⵏⵉⴷ ⵎⵍⵢⵓⵏ ⵏⴷⴷⵔⵀⵎ, ⴰⴼⴰ ⴷ ⵉⵏⵀⵍⵍⴰ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⵓⵔⵙ ⴰⵏⴰⵎⵓⵏ ⴷ ⵓⴷⵎⵙⴰⵏ ⵏ ⵜⵎⵖⴰⵔⵉⵏ ⵍⵓⵎⴰⵏ ⵜⵉⵏⵏⴰ ⴷⵢⵓⵛⴽⴰⵏ ⴳ ⵓⵎⴰⴹⴰⵍ ⴰⴼⴰⵔⴰⵏ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵕⵥⵥⵓⵎ ⵏ ⵜⵡⵓⵔⵉ ⵏ ⵓⵏⴰⵎⵎⴰⵙ ⴰⴷ ⴳ 2 ⵖⵓⵛⵜ 2013, ⴰⴼⴰ ⴷ ⵉⵙⵖⵓⴷⵓ ⵜⵙⵓⴳⵔⵜ ⵏ ⵜⵎⵖⴰⵔⵉⵏ ⵜⵉⴼⴰⵔⴰⵏⵉⵏ ⴳ ⵜⴳⴰⴷⵉⵔⵜ ⵏ ⵍⵎⴰⵊⴰⵣ, ⵎⵉ ⵖⵓⵔ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ, ⵎⴰⵔ ⵎⵉⴷⵏ ⴰⴷ ⵍⵎⵎⴷⵏ ⵛⴰⵢⴳⴰⵏ ⵏ ⵉⵙⴽⴽⵉⵏ ⵉⴼⵓⵍⴽⵉⵏ ⵣⵓⵏⴷ ⴰⵏⵡⴰⵍ, ⴷ ⵍⴼⵚⴰⵍⴰ, ⴷ ⵜⴳⵏⵉ, ⴷ ⴰⵃⴼⴼⴰⴼ, ⴷ ⴹⵕⵣ, ⴷ ⵜⵉⵥⵉⵍⵜ, ⴰⴼⴰ ⴷ ⵍⴽⵎⵏⵜ ⵉⵣⵎⵣ ⵏ ⵜⵡⵓⵔⵉ ⴷ ⵙⵖⵓⴷⵓⵏⵜ ⵏ ⵓⵙⵓⵔⵙ ⵏⵏⵙⵏⵜ ⴰⴷⵎⵙⴰⵏ.

ⴰⵏⴰⵎⵎⴰⵙ ⴰⴷ ⴷⴰⵔⵙ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⴳ ⵢⵉⴳⵔ ⵏ ⵓⵙⴳⵎⵉ ⵉ ⵜⵎⵖⴰⵔⵉⵏ ⴰⴷ ⴰⴼⴰ ⴷ ⵉⴼⵓⵍⴽⵉ ⵓⵙⵔⵙ ⵏⵏⵙⵏⵜ ⴰⵏⴰⵎⵓ ⴷⵎⵙⴰⵏ, ⴷ ⴰⴼⴰ ⴷ ⵣⴹⴰⵕⵏ ⴰⴷ ⵙⵍⵎⴷⵏⵜ ⵜⴰⵔⵔⵡⴰ ⵏⵏⵙⵏⵜ ⵉⵎⵥⵥⵉⵏ ⵉⵣⴷⴰⵔ ⵏ ⵙⵎⵎⵓⵙ ⵏ ⵓⵙⴳⴳⵯⴰⵙ.

ⵢⵓⵛⴽⴰⴷ ⵓⵙⴽⵔ ⵏ ⵓⵏⴰⵎⵎⴰⵙ ⴰⴷ ⴳ ⵓⵙⵖⵓⴷⵓ ⵏ ⵎⵏⵏⴰⵡ ⵏ ⵉⵖⴰⵡⴰⵙⵏ ⵍⵍⵉ ⵜⵙⴽⴰⵔ ⵜⵎⵔⵙⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⵉ ⵜⵄⵔⵔⵉⵎⵜ ⴷ ⵜⵎⵖⴰⵔⵜ ⵜⵉⴼⴰⵔⴰⵏⵉⵏ, ⵎⴰⵔ ⵎⵉⴷⵏ ⴰⴷ ⵣⴹⴰⵕⵏ ⴰⴷ ⵍⴽⵎⵏ ⵉⵎⴰⵙⵏ ⵏ ⵜⴳⵎⵉ ⵜⴰⵏⴰⵎⵓⵏⵜ.

Dernière modification : 10 ⵢⵓⵍⵢⵓⵣ 2015
Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B5%8D%E2%B4%BC%E2%B4%B0%E2%B5%83%E2%B5%9A-%E2%B4%B0%E2%B5%8F%E2%B5%8A%E2%B4%B0%E2%B5%95%E2%B4%B0%E2%B5%9C%E2%B5%89%E2%B5%A1%E2%B5%89%E2%B5%A3%E2%B5%89-%E2%B5%8F-%E2%B5%9C%E2%B5%99%E2%B5%93%E2%B4%B3%E2%B5%94%E2%B5%9C-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%89%E2%B5%8F-%E2%B5%9C%E2%B5%89%E2%B4%BC%E2%B4%B0%E2%B5%94%E2%B4%B0%E2%B5%8F%E2%B5%89%E2%B5%8F-%E2%B5%99-%E2%B5%A2%E2%B4%B0%E2%B5%8F-%E2%B5%93%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3#comment-0