ⵟⴰⵏⵊⴰ- ⴰⵙⵉⴷⴼ ⴰⵣⵣⵓⵍⴰⵏ ⴰⵏⴰⵎⵓⵏ ⵏ ⵉⵄⵔⵔⵉⵎⵏ ⵙ ⵢⴰⵏ ⵓⵙⵎⵓⵜⵜⴳ ⴳ ⵓⵙⵏⵜⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴳ ⵜⵓⴷⴷⵓⵔⵜ ⵏ ⵎⵖⵓⵖⴰ

10 ⵢⵓⵍⵢⵓⵣ 2015 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵓⴷⴷⵓⵔⵜ ⵏ ⵎⵖⵓⵖⴰ ⴳ ⵟⴰⵏⵊⴰ, ⵢⴰⵏ ⵓⵏⴰⵎⵎⴰⵙ ⵏ ⵓⵙⵎⵓⵜⵜⴳ ⴷ ⵓⴽⵛⵛⵓⵎ ⵏ ⵉⵄⵔⵔⵉⵎⵏ, ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⵙ ⵢⴰⵏ ⵓⵙⵙⴰⵔⵓ ⵏ 6,8 ⵏⵉⴷ ⵎⵍⵢⵓⵏ ⵏ ⴷⴷⵔⵀⵎ.

ⵔⴰⴷ ⵉⵕⵥⵎ ⵓⵙⵏⵜⵉ ⴰⴷ ⵢⴰⵜ ⵜⴰⵏⵏⴰⵢⵜ ⴷ ⵓⵏⵀⵍⵍⴰ ⴰⴳⵍⴷⴰⵏ ⵢⴰⵜⵜⵓⵢⵏ ⵉ ⵢⵄⵔⵔⵉⵎⵏ, ⵍⵓⵎⴰⵏ ⵡⵉⵏⵏⴰ ⵉⵥⵍⴹⵏ, ⴰⴼⴰ ⴷ ⴷⴰⵔⵙⵏ ⵢⴰⵏ ⵉⵎⴰⵍ ⵉⴼⵓⵍⴽⵉⵏ, ⵙ ⵉⵙⵎⵓⵜⵜⴳⵏ ⵎⴰⵔ ⴰⴷ ⵍⴽⵎⵏ ⵉⵣⵎⵣ ⵏ ⵜⵡⵓⵔⵉ.

ⴰⵡⵜⵜⴰⵙ ⵏ ⵡⴰⵎⵎⴰⵙ ⴰⴷ, ⵍⵍⵉ ⵎⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏⵏⵙ ⴳ 02 ⵖⵓⵛⵜ 2013, ⵎⴰⵔ ⴰⴷ ⵉⵙⵖⵓⴷⵓ ⵎⵏⵏⴰⵡ ⵏ ⵜⵡⵓⵔⵉⵡⵉⵏ ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⴳ ⵓⵙⵡⵉⵔ ⵏ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵟⴰⵡⵉⵏ, ⵍⵍⵉ ⵉⵙⵙⵏ ⴰⵙⴽⵔ ⵏ ⵛⴰⵢⴳⴰⵏ ⵏ ⵉⵙⵏⵜⵉⵜⵏ ⵉⴳⴰⵏ ⴰⵎⵔⴰⵔⴰ ⵏ ⵉⵎⵣⴷⴰⵖ ⵎⵉ ⴰⵙⵓⵔⵙⵏ ⵏⵏⵙ ⵉⵥⵍⴹ.

ⴰⵙⵏⵜⵉ ⴰⴷ ⵎⴷⵔⴰⵡⵏ ⴳⵉⵙ ⵉⵙⵎⴷⵢⴰⵜⵏ ⵏ ⵡⴰⵎⵓⵏ ⵓⵖⵔⵉⵎ, ⴷ ⵓⵜⵓⵢ ⵏ ⵉⵄⵔⵔⵉⵎⵏ ⵏ ⵜⵓⴷⴷⵓⵔⵜ ⵏ ⵎⵖⵓⵖⴰ ⴷ ⵜⵓⴷⴷⵓⵔⵜⵉⵏ ⴰⵙ ⵢⴰⵜⵜⵓⵢⵏ, ⴷ ⵓⵙⵡⵓⴷⴷⵓ ⴷ ⵓⴽⵛⵛⵎ ⵏⵏⵙ ⵎⵏⵏⴰⵡ ⵏ ⵉⵎⴰⵙⵏ ⵉⵏⴰⵎⵓⵏ ⴷ ⵉⵣⵣⵓⵍⴰⵏ.

Dernière modification : 10 ⵢⵓⵍⵢⵓⵣ 2015

Source URL: https://www.mapnews.ma/am/activites-royales/%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B4%B0%E2%B5%99%E2%B5%89%E2%B4%B7%E2%B4%BC-%E2%B4%B0%E2%B5%A3%E2%B5%A3%E2%B5%93%E2%B5%8D%E2%B4%B0%E2%B5%8F-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B5%8F-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F-%E2%B5%99-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%B4%B3-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3#comment-0