ⴰⵍⵎⵓⵃⵎⵎⴰⴷⵢⴰ.. ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⵙⵏⵜⵉ ⵏ ⵜⵡⵉⵣⵉ ⴰⵏⴰⵎⵎⴰⵙ ⴰⵎⵙⵏⵊⵊⵉⵢ ⵏ ⵜⵎⴰⴹⵓⵏⵉⵏ ⵉⵀⵔⵛⵏ

07 ⵢⵓⵍⵢⵓⵣ 2015 Version Imprimable

ⴰⵍⵎⵓⵃⵎⵎⴰⴷⵢⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵜⵓⴷⴷⵓⵔⵜ ⵏ ⵍⵄⴰⵍⵢⴰ ⴳ ⵍⵎⵓⵃⵎⵎⴰⴷⵢⴰ, ⴰⵙⵓⵔⵙ ⵏ ⵓⵥⵕⵓ ⴰⴷ ⵉⵜⵜⵓⵙⴽⵔ ⵡⴰⵎⵎⴰⵙ ⴰⵎⵙⵏⵊⵊⵉ ⵏ ⵜⵎⴰⴹⵓⵏⵉⵏ ⵉⵅⵛⵏ, ⵉⴳⴰ ⵢⴰⵏ ⵓⵙⵏⵜⵉ ⵏ ⵜⵡⵉⵣⵉ ⵍⵍⵉ ⵔⴰⴷ ⵉⵙⵖⵓⴷⵓ ⵜⴰⴷⵓⵙⵉ ⵏ ⵓⴼⴳⴰⵏ ⴳ ⵜⵖⵕⵎⵜ ⴰⴷ.

ⴰⵙⵏⵜⵉ ⴰⴷ ⵍⵍⵉ ⵔⴰⴷ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⵙ ⵢⴰⵏ ⵓⵙⵙⴰⵔⵓ ⵎⵉ ⵉⵍⴽⵎ ⵡⴰⵜⵉⴳ ⵏⵏⵙ 5 ⵏⵉⴷ ⵎⵍⵢⵓⵏ ⵏ ⴷⴷⵔⵀⵎ, ⵙ ⵜⴰⵔⴰⵜ ⵉⵏ ⵜⵉⴳⵍⴷⴰⵏⵉⵏ ⴰⴼⴰ ⴷ ⵉⵙⵖⵓⴷⵓ ⵉⴳⵔ ⵏ ⵜⴷⵓⵙⵉ ⵙ ⵢⵉⵜⵙⵏⵜ ⵜⵢⴰⴼⵓⵜⵉⵏ ⵏ ⵜⴷⵓⵙⵉ ⵉⵙⵎⴰⵏ ⵢⴰⵜ ⵜⵖⴰⵔⴰ ⵉⵛⵡⴰⵏ ⵍⵍⵉⴳ ⵉⵍⵍⴰ ⵡⴰⵙⵙⴰⵔ ⵉⵏⴰⵎⵓⵔⵏ ⵍⵓⵎⴰⵏ ⵡⵉⵏⵏⴰ ⵎⵉ ⵀⵔⵛ ⵓⵙⵓⵔⵙ ⵏⵏⵙ. ⴷ ⵉⴽⵛⵎ ⵓⵙⵏⵜⵉ ⴰⴷ ⵖ ⵜⵓⴳⴳⵯⴰⵣ ⵍⵍⵉ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴼⴰ ⴷ ⵉⵙⵡⵓⴷⵓ ⵎⵉⴷⵏ ⵉⵥⵍⴹⵏ ⵎⴰⵔ ⴰⴷ ⵍⴽⵎⵏ ⵜⵉⵢⴰⴼⵓⵜⵉⵏ ⵏ ⵓⵎⵙⵏⵊⵊⵉ. ⴰⵏⴰⵎⵎⴰⵙ ⴰⴷ ⵔⴰⴷ ⵉⴳ ⵢⴰⵏ ⵓⵏⵙⴰ ⵏ ⵓⵙⵏⵓⴱⴳ ⴷ ⵓⵎⴳⵍ ⵏ ⵓⵊⵊⵉⵢ, ⴷ ⵓⵙⵓⵜⴳ ⵏ ⵜⴰⵔⵡⴰ ⵏ ⵜⵎⵏⴰⴹⵜ ⴰⴷ ⵎⵉ ⵖⵓⵔ ⵜⴰⵎⴰⴹⵓⵏⵜ ⵉⵀⵔⵛⵏ. ⴷ ⵔⴰⴷ ⵉⵜⵜⵓⵙⴽⵔ ⵓⵏⴰⵎⵎⴰⵙ ⴰⴷ ⴳ ⵢⴰⵏ ⵓⴳⵓⴷⵎ ⵏ 1400 ⵏⵉⴷ ⵍⵎⵜⵔ ⴰⵎⴽⴽⵓⵥ, ⵔⴰⴷ ⴳⵉⵙ ⵢⵉⵍⵉ ⵓⵙⴰⵔⵎ ⵏ ⵓⵙⴼⵙⵉ, ⴷ ⵜⴷⴰⵍⴰ ⵏ ⵓⵙⴳⵏⴰⴼ, ⴷ ⵜⴷⴰⵍⴰ ⵏ ⵓⵣⵔⵓⵢ, ⴷ ⴰⵎⵙⵏⵊⵊⵉⵢ ⵏ ⵢⵓⵍ, ⴷ ⵡⵉⵏ ⵡⴰⵍⵍⵏ, ⴷ ⵜⴳⵣⵍⵉⵏ, ⴷ ⵜⴷⴰⵍⴰ ⵏ ⵓⵣⵔⵓⵢ ⵏ ⵜⵖⵍⴰⵖⴰⵍⵜ, ⴷ ⵜⵙⴰⵡⵔⵜ ⵏ ⵡⵓⵜⵛⵉ, ⴷ ⵜⴷⴰⵍⴰⵜⵉⵏ ⵏ ⵓⵙⵓⵜⴳ ⴰⵏⴰⵎⵓⵏ, ⴷ ⵢⴰⵏ ⵓⵙⵉⵔⴰ ⵉⵥⵍⵉⵏ ⵙ ⵓⵏⴳⵔⴰⵡ ⵏ ⵡⵓⵜⵛⵉ, ⴷ ⵜⵙⴰⵙⴼⵔⵜ, ⴷ ⵜⵙⴷⵍⵉⵙⵜ, ⴷ ⵓⵙⵉⵔⴰ ⵏ ⵜⵎⵙⵎⵓⵏⵉⵏ. ⴷ ⵔⴰⴷ ⵉⵜⵜⵓⵙⴽⵔ ⵓⵏⴰⵎⵎⴰⵙ ⴰⴷ ⵏ ⵓⵙⵡⵓⴷⴷⵓ ⴷ ⵓⵎⵙⵏⵊⵊⵉⵢ ⵏ ⵜⵎⴰⴹⵓⵏⵜ ⵉⵀⵔⵛⵏ ⴳ ⵢⴰⵏ ⵓⵣⵎⵣ ⵏ 12 ⵏ ⵡⴰⵢⵢⵓⵔ, ⵙ ⵜⵎⴷⵔⴰⵡⵜ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵎⵙⵎⵓⵏⵜ ⵏ ⵓⵎⵙⵏⵊⵊⵉⵢ ⵉⵥⵍⵉⵏ.

Dernière modification : 07 ⵢⵓⵍⵢⵓⵣ 2015

Source URL: https://www.mapnews.ma/am/activites-royales/%E2%B4%B0%E2%B5%8D%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7%E2%B5%A2%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B5%A1%E2%B5%89%E2%B5%A3%E2%B5%89-%E2%B4%B0%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8E%E2%B5%99%E2%B5%8F%E2%B5%8A%E2%B5%8A%E2%B5%89%E2%B5%A2-%E2%B5%8F-%E2%B5%9C%E2%B5%8E%E2%B4%B0%E2%B4%B9%E2%B5%93%E2%B5%8F%E2%B5%89%E2%B5%8F-%E2%B5%89%E2%B5%80%E2%B5%94%E2%B5%9B%E2%B5%8F#comment-0