Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ
  1. Accueil
  2. Activités royales

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ

03 ⵢⵓⵍⵢⵓⵣ 2015 Version Imprimable
ⴹⴹⴰⵕⵍⴱⵉⴹⴰ- - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⴹⴹⴰⵕⵍⴱⵉⴹⴰ ⵎⴰⵙⵙ ⵄⴱⴷⵍⵍⴰⵟⵉⴼ ⵊⵡⴰⵀⵔⵉ, ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ, ⵍⵍⵉ ⵢⵎⵍⴰⵏ ⵉ ⵡⴳⵍⵍⵉⴷ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⵅⴼ ⴰⵙⵓⵔⵙ ⴰⴷⴰⵎⵙⴰ ⴷ ⵓⴷⵔⵉⵎ ⴷ ⵓⵥⵕⴼⴰⵏ ⵏ ⵓⵙⴳⴳⵯⴰⵙ ⵏ 2014.

ⴰⵎⵎⴰⵙ ⵏ ⵉⵏⴰⵡ ⵏⵏⵙ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵏⵏⴰ ⵎⴰⵙⵙ ⵊⵡⴰⵀⵔⵉ ⵉⵙ ⵜⵙⵙⵓⴼⵖ ⵜⴷⴰⵎⵙⴰ ⵜⴰⵏⴰⵎⵓⵔⵜ ⴳ 2012 ⵢⴰⵜ ⵜⴰⵎⵔⵏⵉⵡⵜⵏ 2,4 ⵏ ⵜⵉⴳⵎⵉⴹⵉ. ⵉⵔⵏⵓ ⵉⵏⵏⴰ ⵎⴰⵙⵙ ⵊⵡⴰⵀⵔⵉ ⵉⵙ ⵉⴳⴰ 2014 ⵢⴰⵏ ⵓⵙⴳⴳⵯⴰⵙ ⵉⵛⵇⵇⴰⵏ ⴳ ⵎⴰⴷ ⵉⵥⵍⵉ ⵙ ⵜⵎⵔⵏⵉⵡⵜ ⴳ ⵢⴰⵏ ⵓⵎⵏⴰⴹ ⵏ ⵉⵥⵥⴰⵢⵏ ⵏ ⵜⴷⵎⵙⴰ ⵜⴰⴳⵔⴰⵖⵍⴰⵏⵜ ⴷ ⵜⵉⵎⵙⵓⵜⴰⵍ ⵏ ⵓⵏⵣⵡⵉ ⵅⵛⵏⵉⵏ .

ⵎⴰⵢⴰⴷ ⵉⴼⴽⴰ ⴰⵎⵎⴰⵙⵏ ⵏ ⵜⵡⵓⵔⵉⵡⵉⵏ ⵍⵍⵉ ⵉⵍⴽⵎⵏ 21.000 ⵖⵎⴽⵍⵍⵉ ⵉⵍⴽⵎ ⵓⵙⵖⵍ ⵏ ⵜⴰⵔⵡⵓⵔⵉ 9,9 ⵜⵉⴳⵎⵉⴹⵉ.

ⵖ ⵎⴰⴷ ⵉⵥⵍⵉⵏ ⵙ ⵉⵎⵏⴽⵏⵉⵜⵏ ⵉⴷⵎⵙⴰⵏⵏ ⵉⵅⴰⵜⴰⵔⵏ , ⵉⵙⴷⴷⵉⴷ ⵎⴰⵙⵙ ⵄⴱⴷⵍⵍⴰⵟⵉⴼ ⵊⵡⴰⵀⵔⵉ ⵎⴰⵙ ⵜⵓⴽⵉ ⵏ ⵜⵉⵕⵥⵉ ⵏ ⵜⵎⵙⴰⵙⵜⵍⵜ ⵙ 4,9 ⵏ ⵜⵉⴳⵎⵉⴹⵉ ⵏ ⵜⵢⴰⴼⵓⵜ ⵏ ⵓⴳⵯⵏⵙⵓ .

ⵎⴰⵢⴰⴷ ⵉⴼⴽⴰ ⴰⵣⵣⵓⴳⵣ ⵏ ⵉⵙⵙⴰⵔⵓⵜⵏ ⵏ ⴱⵕⵕⴰ ⴷ ⵉⵕⵟⵟⴰⵍⵏ ⴷ ⵉⴷⵔⵉⵎⵏ ⵏ ⴱⵕⵕⴰ.

ⵉⵙⴷⴷⵉⴷ ⵎⴰⵙⵙ ⵊⵡⴰⵀⵔⵉ ⵎⴰⵙ ⵢⵓⵎⵥ ⵍⵎⵖⵔⵉⴱ ⵉⴱⵖⵓⵔⵏ ⵖⵉⵍⴰⴷ ⴳ ⵜⵎⵏⵜⵉⵍⵉⵏ ⵖⵓⴷⴰⵏⵉⵏ ⵙⵍⴰⵡⴰⵏ ⴰⴽⴽⵯ ⴰⵙⵙⵉⴷⵔ ⵏ ⵡⴰⵜⵉⴳ ⵏ ⵉⵢⴰⴼⵓⵜⵏ ⵏ ⵜⵥⴹⴰⵕⵜ.ⵉⵔⵏⵓ ⵉⵏⵏⴰ ⵎⴰⵙ ⵢⵉⵡⵙ ⵎⴰⵢⴰⴷ ⵅⴼ ⴰⴷ ⵜⵉⵍⵉ ⴷⴰⵔ ⵍⵎⵖⵔⵉⴱ ⵢⴰⵜ ⵜⵡⵍⴰⴼⵜ ⵉⵖⵓⴷⴰⵏ ⴳ ⵉⴳⵔ ⵏ ⵜⴳⴷⵓⵜ ⴷ ⵜⴰⵏⴰⴳⵔⵉⵜ.

Dernière modification : 03 ⵢⵓⵍⵢⵓⵣ 2015
Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B5%A1%E2%B4%B0%E2%B5%8D%E2%B5%89-%E2%B5%8F-%E2%B5%8D%E2%B4%B1%E2%B4%B0%E2%B5%8F%E2%B4%BD-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1#comment-0