ⴹⴹⴰⵕⵍⴱⵉⴹⴰ.. ⴰⵏⵓⵕⵥⵎ ⵏ ⵉⵄⵔⵔⵉⵎⵏ ⴳ ⵡⴰⵎⵎⴰⵙ ⵏ ⵉⵙⵏⵜⵉⵜⵏ ⵍⵍⵉ ⵜⵙⴽⵔ ⵜⵎⵔⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ

01 ⵢⵓⵍⵢⵓⵣ 2015 Version Imprimable

ⴹⴹⴰⵕⵍⴱⵉⴹⴰ - ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⴹⴹⴰⵕⵍⴱⵉⴹⴰ, ⴰⵥⵕⵓ ⴰⴷⵙⵍⴰⵏ ⴰⴼⴰ ⴷ ⵉⵜⵜⵓⵙⴽⵔ ⵢⴰⵏ ⵓⵏⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴳ ⵍⵍⴰⵏ ⵎⵏⵏⴰⵡ ⵏ ⵜⵥⵍⴰⵢⵜⵉⵏ, ⴷ ⵓⵕⵥⵥⵓⵎ ⵏ ⵓⵏⴰⵎⵎⴰⵙ ⵏ ⵓⵙⵎⵓⵜⵜⴳ ⴳ ⵜⵡⵓⵔⵉⵡⵉⵏ ⵏ ⵜⵏⴰⴼⵓⵜⵉⵏ.

ⵉⵍⴽⵎ ⵡⴰⵜⵉⴳ ⵏ ⵉⵙⵏⵜⵉⵜⵏ ⴰⴷ ⵍⵍⵉ ⵔⴰⴷ ⵜⵙⴽⵔ ⵜⵎⵔⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ 22 ⵏⵉⴷ ⵎⵍⵢⵓⵏ ⵏ ⴷⴷⵔⵀⵎ, ⵙ ⵢⵉⵡⵉⵣ ⴰⴳⵍⴷⴰⵏ ⵢⴰⵜⵜⵓⵢⵏ ⵉⵢⵄⵔⵔⵉⵎⵏ, ⵣⵓⵏⴷ ⵡⵉⵍⵍⵉ ⵎⵉ ⵉⵀⵔⵛ ⵓⵙⵓⵔⵙ ⵏⵏⵙⵏ, ⴰⴼⴰ ⴷ ⵉⵙⴼⵓⵍⴽⵉ ⵜⵓⴷⵔⵜ ⵏⵏⵙⵏ ⴷ ⵜⵉⵏ ⵜⵡⴰⵊⴰ ⵏⵏⵙⵏ. ⵓⵛⴽⴰⵏⴷ ⵉⵏⴰⵎⵎⴰⵙⵏ ⴰⴷ ⴰⴼⴰ ⴷ ⵙⵖⵓⴷⵓⵏ ⵎⵏⵏⴰⵡ ⵏ ⵜⵡⵓⵔⵉⵡⵉⵏ ⵜⵙⴽⴰⵔ ⵜⵎⵔⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ ⵏ ⵉⵄⵔⵔⵉⵎⵏ ⴳ ⵓⵙⵡⵉⵔ ⵏ ⵜⵙⴳⴰ ⵏ ⴹⴹⴰⵕⵍⴱⵉⴹⴰ ⵜⴰⵅⴰⵜⴰⵔⵜ, ⵎⴰⵔ ⴰⴷ ⵜⵙⴽⵔ ⵓⵜⵓⵢ ⵉ ⵎⵉⴷⵏ ⴰⴷ, ⴰⴼⴰ ⴷ ⴽⵛⵛⵎⵏ ⴳ ⵎⵏⵏⴰⵡ ⵏ ⵉⵎⴰⵙⵏ ⵉⵏⴰⵎⵓⵏ ⴷ ⵉⵣⵣⵓⵍⴰⵏ. ⴷ ⵉⴽⴽⴰⵜⵏ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⴹⴹⴰⵕⵍⴱⵉⴹⴰ, ⴰⵕⵥⵥⵓⵎ ⵏ ⵓⵏⴰⵎⵎⴰⵙ ⵏ ⵓⵙⵎⵎⵓⵜⴳ ⴷ ⵓⵙⵎⵓⵙⵙⵓ ⵏ ⴷⵔⵔⵣ ⴰⵎⵙⵎⵓⵏ ⴰⴼⴰ ⴷ ⵉⵙⵖⵓⴷⵓ ⵜⴰⵡⵓⵔⵉ ⵜⴰⵎⵙⵎⵓⵏⵜ ⴷ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴷ ⵓⵙⵙⴱⵖⵔ ⵏ ⵜⵙⵏⵜⴰⵢⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⵡⵉⵣⵉ.

Dernière modification : 01 ⵢⵓⵍⵢⵓⵣ 2015

Source URL: https://www.mapnews.ma/am/activites-royales/%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B0%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%8F-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F-%E2%B4%B3-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%8D%E2%B5%8D%E2%B5%89-%E2%B5%9C%E2%B5%99%E2%B4%BD%E2%B5%94-%E2%B5%9C%E2%B5%8E%E2%B5%94%E2%B5%94%E2%B5%99%E2%B5%8D%E2%B5%9C-%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99#comment-0