ⴹⴹⴰⵕⵍⴱⵉⴹⴰ..ⵉⵕⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⴰⵎⵎⴰⵙ ⵏ ⵓⵙⵎⵎⵓⵜⴳ ⴷ ⵓⵙⵎⵓⵙⵙⵓ ⵏ ⴷⵔⵔⵣ ⴰⵎⵙⵎⵓⵏ, ⵍⵍⵉ ⵉⴳⴰⵏ ⵉⵎⵉⵙ ⵏ ⵜⵏⴰⴼⵓⵜ ⵜⴰⵣⵣⵓⵍⴰⵏⵜ ⵏ ⵜⵡⵓⵔⵉ ⵜⴰⵎⵙⵎⵓⵏⵜ

29 ⵢⵓⵏⵢⵓ 2015 Version Imprimable

ⴹⴹⴰⵕⵍⴱⵉⴹⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⴹⴹⴰⵕⵍⴱⵉⴹⴰ, ⴰⵕⵥⵥⵓⵎ ⵏ ⵓⵏⴰⵎⵎⴰⵙ ⵏ ⵓⵙⵎⵎⵓⵜⴳ ⴷ ⵓⵙⵎⵓⵙⵙⵓ ⵏ ⴷⵔⵔⵣ ⴰⵎⵙⵎⵓⵏ ⴰⴼⴰ ⴷ ⵉⵙⵖⵓⴷⵓ ⵜⴰⵡⵓⵔⵉ ⵜⴰⵎⵙⵎⵓⵏⵜ ⴷ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴷ ⵓⵙⵙⴱⵖⵔ ⵏ ⵜⵙⵏⵜⴰⵢⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⵡⵉⵣⵉ.

ⴷ ⵔⴰⴷ ⵉⵜⵜⵓⵙⴽⵔ ⵓⵏⴰⵎⵎⴰⵙ ⴰⴷ ⴳ ⵜⵓⴷⴷⵓⵔⵜ ⵏ ⵍⵄⵓⵏⵇ ⵉⴷⴼⴰⵕⵏ ⵉ ⵜⵙⴳⴰ ⵏ ⴹⴹⴰⵕⵍⴱⵉⴹⴰ ⴰⵏⴼⴰ ⵙ ⵢⴰⵏ ⵡⴰⵜⵉⴳ ⵉⵍⴽⵎⵏ 10 ⵏⵉⴷ ⵎⵍⵢⵓⵏ ⵏ ⴷⴷⵔⵀⵎ, ⵙ ⵜⵡⵉⵣⵉ ⵏ ⵉⵎⴷⵔⴰⵡⵏ ⵉⴳⴷⵓⴷⴰⵏ ⴷ ⵓⵙⵍⵉⴳⵏ, ⴰⴼⴰ ⴷ ⵢⴰⵡⵙ ⵓⵜⵓⵢ ⴷ ⵓⵙⵎⵓⵙⵙⵓ ⵏ ⵓⴷⵔⵔⵣ ⴰⵎⵙⵎⵓⵏ ⴰⴷⵖⵕⴰⵏ, ⵍⵓⵎⴰⵏ ⵙ ⵓⵙⵙⵓⵜⴳ ⴷ ⵓⵙⴷⵓⵙ ⵏ ⵜⵥⵥⵉⴹⵕⴰ ⵏ ⵎⵏⵏⴰⵡ ⵏ ⵜⵉⵕⵡⵉ ⵏ ⵜⵎⵙⵎⵓⵏⵉⵏ ⵜⵉⴷⵖⵕⴰⵏⵉⵏ. ⴷ ⵉⵍⴽⵎ ⵓⴳⵓⴷⵎ ⵏ ⵓⵏⴰⵎⵎⴰⵙ ⴰⴷ 2097 ⵎⵜⵔ ⴰⵎⴽⴽⵓⵥ ⴳ ⵓⴳⵊⴷⵉ ⵏ ⵜⵎⵙⵎⵓⵏⵉⵏ, ⴳ ⵍⵍⴰⵏⵜ ⵜⵙⴰⵡⵔⵜⵉⵏ ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⵜⵉⵏⴼⴳⴰⵏⵉⵏ, ⴷ ⵓⵙⵡⵓⴷⴷⵓ ⵏ ⵜⵎⵙⵎⵓⵏⵉⵏ ⴷ ⵓⵙⵡⵓⴷⴷⵓ ⵏ ⵉⵏⴰⵎⵎⴰⵙⵏ ⵉⵏⴰⵎⵓⵏⵏ, ⴷ ⵓⵙⵡⵓⴷⴷⵓ ⵏ ⵉⵙⵏⵜⵉⵜⵏ. ⴷ ⵢⴰⵏ ⵉⴳⵊⴷⵉ ⵏ ⵜⵎⵢⴰⵡⵙⵜⵉⵏ ⴳ ⵍⵍⴰⵏⵜ ⵜⵙⴰⵡⵔⵜⵉⵏ ⵏ ⵜⵎⵙⵙⵏⵜⵉⵜⵉⵏ ⴷ ⵓⵎⵢⴰⵡⴰⴹ ⵏ ⵜⵎⵙⵎⵓⵏⵉⵏ, ⴷ « ⵜⵡⵓⵔⵉⵡⵉⵏ ⵜⵉⵣⴳⵣⴰⵡⵉⵏ », ⴳ ⵜⵙⴳⴰ ⵢⴰⴹⵏⵉⵏ ⴰⵏⴰⵎⵎⴰⵙ ⴰⵏⵜⴰⵎ ⵏ ⵓⵎⵢⴰⵡⴰⴹ ⴷ ⵉⵙⵢⴰⵙⵏ ⵏ ⵜⵙⵏⵎⴰⵍⴰⵢⵜⵉⵏ ⴷ ⵓⵜⵓⵢ ⴰⴱⵉⴷⴰⵖⵓⵊⵉ ⴷ ⵜⵉⵏⴰⵡⵜⵉⵏ.

Dernière modification : 29 ⵢⵓⵏⵢⵓ 2015

Source URL: https://www.mapnews.ma/am/activites-royales/%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0%E2%B5%89%E2%B5%95%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%8E%E2%B5%8E%E2%B5%93%E2%B5%9C%E2%B4%B3-%E2%B4%B7-%E2%B5%93%E2%B5%99%E2%B5%8E%E2%B5%93%E2%B5%99%E2%B5%99%E2%B5%93-%E2%B5%8F-%E2%B4%B7%E2%B5%94%E2%B5%94%E2%B5%A3-%E2%B4%B0%E2%B5%8E%E2%B5%99%E2%B5%8E%E2%B5%93%E2%B5%8F-%E2%B5%8D%E2%B5%8D%E2%B5%89#comment-0