ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵥⵕⵓ ⴰⵎⵣⵡⴰⵔⵓ ⴰⴼⴰ ⴷ ⵉⵜⵜⵓⵙⴽⵔ ⵡⴰⵢⵢⴰⵡ ⴰⵏⵎⵏⴰⴹ ⵏ ⵓⵏⴰⵎⵎⴰⵙ ⴰⵏⴰⵎⵓⵔ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵉⵎⵖⴹⵕⵏ ⵉⴳⴰⵏ ⵢⴰⵜ ⵜⵎⴰⵜⴰⵔⵜ ⵉⵖⵓⴷⴰⵏ ⵉⵎⵄⴹⵕⵏ

29 ⵢⵓⵏⵢⵓ 2015 Version Imprimable

ⴹⴹⴰⵕⵍⴱⵉⴹⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⴹⴹⴰⵕⵍⴱⵉⴹⴰ, ⴰⵙⵔⵙ ⵏ ⵓⵥⵕⵓ ⴰⵎⵣⵡⴰⵔⵓ ⴰⴼⴰ ⴷ ⵉⵜⵜⵓⵙⴽⵔ ⵡⴰⵢⵢⴰⵡ ⴰⵏⵎⵏⴰⴹ ⵏ ⵓⵏⴰⵎⵎⴰⵙ ⴰⵏⴰⵎⵓⵔ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵉⵎⵖⴹⵕⵏ ⵉⴳⴰⵏ ⵢⴰⵜ ⵜⵎⴰⵜⴰⵔⵜ ⵉⵖⵓⴷⴰⵏ ⵉⵎⵄⴹⵕⵏ.

ⵜⵙⴽⵔ ⴰⵙⵏⵜⵉ ⴰⴷ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ, ⵙ ⵓⵏⵀⵍⵍⴰ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴼⴰ ⴷ ⵢⴰⵡⵡⵙ ⵎⵉⴷⵏ ⵉⵎⵄⴹⵕⵏ ⵍⵓⵎⴰⵏ ⴰⴽⴽⵯ ⴰⵔⵓ. ⵉⵜⵜⵓⵙⴽⵔ ⵓⵢⵢⴰⵡ ⴰⵏⵎⵏⴰⴹ ⴰⴷ ⵙ ⵢⴰⵏ ⵡⴰⵜⵉⴳ ⵉⵍⴽⵎⵏ 20 ⵏⵉⴷ ⵎⵍⵢⵓⵏ ⵏ ⴷⴷⵔⵀⵎ, ⵍⵍⵉ ⵔⴰⴷ ⵉⵜⵜⵓⵚⴽⴰ ⵉⴹⴼⴰⵕⵏ ⵉ ⵍⴼⵉⴷⴰ ⵎⵔⵙ ⵚⵚⵍⵟⴰⵏ, ⴳ ⵜⵙⴳⴰ ⵏ ⴹⴹⴰⵕⵍⴱⵉⴹⴰ ⵜⴰⵅⴰⵜⴰⵔⵜ ⴳ ⵉⵍⵍⴰ ⵢⴰⵏ ⵓⵙⴰⵢⵙ ⵏ ⵓⵎⵙⵏⵊⵊⵉ ⴰⵏⴰⵎⵓⵏ ⵏ ⵜⴳⵎⵉ ⵏ ⵎⵉⴷⵏ ⵉⵎⵄⴹⵕⵏ. ⵔⴰⴷ ⵢⴰⵡⴰⵙ ⵓⵏⴰⵎⵎⴰⵙ ⴰⵎⴰⵢⵏⵓ, ⵉⴷⵖ ⵉⴳⴰ ⵢⴰⵏ ⵓⵏⵙⴰ ⵏ ⵓⵎⵙⵏⵊⵊⵉ ⴰⵙⴳⵎⵉ ⴰⵏⴰⵎⵓⵏ ⴷ ⵓⵣⵣⵓⵍⴰⵏ ⵉⵖⵓⴷⴰⵏ, ⴷ ⵔⴰⴷ ⵉⵙⴱⵓⵖⵍⵓ ⵜⵉⵢⴰⴼⵓⵜⵉⵏ ⴷ ⵜⵎⵓⵣⴰⵢⵉⵏ ⴰⴼⴰ ⴷ ⵉⵏⴼⵔⵓ ⴰⴽⵛⵛⵓⵎ ⴰⵏⴰⵎⵓ ⵙⴳⵎⵉ ⴷ ⵓⵣⵣⵓⵍⴰⵏ ⴳ ⵓⵙⴰⵜⵉ ⵏ ⵢⴰⵏ ⵜⵎⴷⵔⴰⵡⵜ ⴳⵔ ⵎⵏⵏⴰⵡ ⵏ ⵎⵉⴷⵏ. ⴷ ⵔⴰⴷ ⵉⵥⴹⴰⵕ ⵓⵏⴰⵎⵎⴰⵙ ⴰⴷ ⴰⴷ ⵉⵎⴳⵍ ⵅⴼ ⵉⵎⵣⵣⴰⵏ ⵉⵍⵍⴰⵏ ⴳ ⵓⵙⵓⵔⵙ ⴰⵎⵄⴹⵕ, ⴷ ⵜⴰⵎⵓⵏⵜ ⵏ ⵜⴰⵔⵡⴰ ⵏⵏⵙⵏ ⴷ ⵓⵙⴱⵓⵖⵍⵓ ⵏ ⵓⵎⵓⵙⵙⵓ ⵏ ⵜⵓⵏⵏⵓⵏⵜ ⵏ ⵉⵎⵖⴹⵕⵏ. ⴷ ⵔⴰⴷ ⵉⵜⵜⵓⵙⴽⵔ ⵓⵙⵏⵜⵉ ⴰⴷ ⴳ ⵢⴰⵏ ⵓⵙⴰⴳⵯⵎ ⵏ 6300 ⵏⵉⴷ ⵍⵎⵜⵔ ⴰⵎⴽⴽⵓⵥ, ⵉⴳⵊⴷⵉ ⴰⵎⵙⵏⵊⵊⵉ ⴰⵏⴰⵎⵓⵏ, ⴷ ⵉⴳⵊⴷⵉ ⴰⵏⴰⵎⵓ-ⵙⴳⵎⵉ, ⴷ ⵉⴳⵊⴷⵉ ⵏ ⵜⵓⵏⵏⵓⵏⵜ, ⴷ ⵉⴳⵊⴷⵉ ⵏ ⵓⵙⵎⵓⵜⴳ ⴰⵣⵣⵓⵍⴰⵏ, ⴷ ⵉⴳⵊⴷⵉ ⵏ ⵡⵓⵜⵛⵉ, ⴷ ⵉⴳⵊⴷⵉ ⵏ ⵜⵎⵙⵙⴰⴳⵓⵔⵜ.

Dernière modification : 29 ⵢⵓⵏⵢⵓ 2015

Source URL: https://www.mapnews.ma/am/activites-royales/%E2%B5%89%E2%B5%99%E2%B5%94%E2%B5%99-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%A5%E2%B5%95%E2%B5%93-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B4%B0%E2%B4%BC%E2%B4%B0-%E2%B4%B7-%E2%B5%89%E2%B5%9C%E2%B5%9C%E2%B5%93%E2%B5%99%E2%B4%BD%E2%B5%94-%E2%B5%A1%E2%B4%B0%E2%B5%A2%E2%B5%A2%E2%B4%B0%E2%B5%A1-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B5%8F-%E2%B5%93%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94#comment-0