ⵜⵉⵎⴰⵔⴰ..ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵕⵥⵥⵓⵎ ⵏ ⵓⵎⵣⵉⵣⵣⵍ ⴰⵎⵙⵏⵉⵊⵊⵉ ⵏ ⵓⵙⵙⴰⵢ ⵏ ⵓⴼⵔⴰⴳ ⵏ ⵜⵎⴰⴹⵓⵏⵉⵏ ⵉⵅⵛⵏ, ⵔⴰⴷ ⴳⵉⵙ ⵙⵙⴱⵖⵔⵏ ⵉⵎⵣⴷⴰⵖ ⵉⵣⵍⴹⵏ ⴳ ⵜⵎⵏⴰⴹⵉⵏ ⵏ ⵜⴳⵍⴷⵉⵜ

25 ⵢⵓⵏⵢⵓ 2015 Version Imprimable

ⵜⵉⵎⴰⵔⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⵉⵎⴰⵔⴰ, ⴰⵕⵥⵥⵓⵎ ⵏ ⵓⵎⵣⵉⵣⵣⵍ ⴰⵎⵙⵏⵉⵊⵊⵉ ⵏ ⵓⵙⵙⴰⵢ ⵏ ⵓⴼⵔⴰⴳ ⵏ ⵜⵎⴰⴹⵓⵏⵉⵏ ⵉⵅⵛⵏ, ⵔⴰⴷ ⴳⵉⵙ ⵙⵙⴱⵖⵔⵏ ⵉⵎⵣⴷⴰⵖ ⵉⵣⵍⴹⵏ ⴳ ⵜⵎⵏⴰⴹⵉⵏ ⴰⴷ, ⴷ ⴽⵓ ⴰⴽⴽⵯ ⵜⵉⵎⴷⵉⵏⵉⵏ ⵣⵓⵏⴷ ⵙⵍⴰ ⴷ ⴼⴰⵙ ⴷ ⵍⵃⴰⵡⵣ ⴷ ⵡⵊⴷⴰ.

ⴰⵎⵣⵉⵣⵣⵍ ⴰⵎⵙⵏⵉⵊⵊⵉ ⵜⵙⴽⵔⵜ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ, ⵙ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴼⴰ ⴷ ⵢⴰⵡⵙ ⵉⵎⵣⴷⴰⵖ ⵉⵣⵍⴹⵏ ⴰⴼⴰ ⴷ ⴷⴰⵔⵙⵏ ⴰⵣⵔⴼ ⴰⴷ ⵍⴽⵎⵏ ⵜⵉⵏⴰⴼⵓⵜⵉⵏ ⵏ ⵜⴷⵓⵙⵉ, ⵍⵍⵉ ⵉⴳⴰ ⴰⵎⵢⴰⵡⴰⵙ ⴰⴷⵙⵍⴰⵏ ⵉⵡⵙⵖⵓⴷⵓ ⵏ ⵜⵏⴰⵎⵓⵔⵜ ⴷ ⵜⴳⵎⵉ ⵜⴰⵏⴼⴳⴰⵏⵜ.

ⵜⵓⵛⴽⴰⴷ ⵜⵙⵏⵜⴰⵢⵜ ⴰⴷ ⵍⵍⵉ ⵜⵓⵡⵙ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴷ ⵜⵏⴱⴰⴹⵜ ⵜⴰⴷⵖⵕⴰⵏⵜ ⴷ ⵜⵏⴰⴼⵓⵜⵉⵏ ⵏ ⵓⵔⴰⵢ ⵓⵖⵔⵉⵎ, ⴷ 16 ⵏ ⵜⵎⵙⵎⵓⵏⵜ ⵏ ⵓⵎⵙⵏⵉⵊⵊⵉ, ⴷ ⵜⵓⴳⴳⵯⴰⵣ ⵍⵍⵉ ⵜⵙⴽⴰⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙ ⵙⵎⵎⵉⵙ ⵏ ⵜⵡⵉⵣⵉ, ⴰⴼⴰ ⴷ ⵜⴰⵡⵙ ⵎⵉⴷⵏ ⵉⵣⵍⴹⵏ.

ⴹⴼⵉⵕ ⵏ ⵜⵉⵎⴰⵔⴰ ⵔⴰⴷ ⵉⴼⵜⵓ ⵓⵎⵣⵉⵣⵣⵍ ⴰⵎⵙⵏⵉⵊⵊⵉ ⵙ ⵜⵎⴷⵉⵏⵜ ⵏ ⵙⵍⴰ ⴷ ⴼⴰⵙ ⴷ ⵍⵃⴰⵡⵣ ⴷ ⵡⵊⴷⴰ, ⵔⴰⴷ ⵜⵜⵓⴼⴽⵏⵜ ⵛⴰⵢⴳⴰⵏ ⵏ ⵜⵉⵡⵓⵔⵉⵡⵉⵏ ⵏ ⵓⴳⴳⵯⴰⵔ ⵏ 10 ⵏⵉⴷ ⵢⵉⴼⴹ ⵏ ⵓⵎⵛⵉⵡⴰⵕ ⴰⵎⵙⵏⵉⵊⵊⵉ (2000 ⵏ ⵓⵎⵛⴰⵡⴰⵕⵏ ⵉ ⴽⵓ ⵜⴰⵎⴷⵉⵏⵜ), ⵉⵥⵍⵉⵏ ⵙ : ⵜⴰⵙⵏⵉⵊⵊⵉⵜ ⵜⴰⵎⴰⵜⴰⵢⵜ, ⴷ ⵜⴰⵙⵏⵉⵊⵊⵉⵜ ⵏ ⵡⴰⵍⵍⵏ, ⵜⴰⵙⵏⵉⵊⵊⵉⵜ ⵏ ⵜⵖⵎⴰⵙ, ⴷ ⵜⵎⴰⴹⵓⵏⵜ ⵏ ⵙⵓⵍ ⴷ ⵉⴷⵎⴰⵔⵏ, ⴷ ⵓⵙⴼⵙⵉ ⴰⴱⵢⵓⵍⵓⵊⵉ.

Dernière modification : 25 ⵢⵓⵏⵢⵓ 2015

Source URL: https://www.mapnews.ma/am/activites-royales/%E2%B5%9C%E2%B5%89%E2%B5%8E%E2%B4%B0%E2%B5%94%E2%B4%B0%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%8E%E2%B5%A3%E2%B5%89%E2%B5%A3%E2%B5%A3%E2%B5%8D-%E2%B4%B0%E2%B5%8E%E2%B5%99%E2%B5%8F%E2%B5%89%E2%B5%8A%E2%B5%8A%E2%B5%89-%E2%B5%8F-%E2%B5%93%E2%B5%99%E2%B5%99%E2%B4%B0%E2%B5%A2-%E2%B5%8F-%E2%B5%93%E2%B4%BC%E2%B5%94%E2%B4%B0%E2%B4%B3-%E2%B5%8F-0#comment-0