ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⴽⴽⵯⵉ ⵏ ⵉⵙⴰⴼⴰⵔⵏ ⵉ ⵡⵙⵇⵇⵉⵎ ⴰⵏⴰⵎⵓⵔ ⵏ ⵙⵉⵏⵉⴳⴰⵍ ⴳ ⵓⵙⴱⵉⴷ ⵏ ⵓⴼⵉⵔⵓⵙ ⵏ ⵙⵙⵉⴷⴰ

28 ⵎⴰⵢⵢⵓ 2015 Version Imprimable

ⴹⴰⴽⴰⵕ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵉⵎⴰⵏ ⴷ ⵓⵏⵙⵙⵉⵅⴼ ⵏ ⵙⵉⵏⵉⴳⴰⵍ ⵎⴰⵙⵙ ⵎⴰⴽⵉ ⵙⴰⵍ, ⴰⵙⵙ ⵏ ⵓⴽⵡⴰⵙ ⴳ ⵓⴷⵖⵕⴰⵏ ⵏ ⵜⵎⴰⵡⵙⴰⵙⵜ ⵏ ⵜⴷⵓⵙⵉ ⴷ ⵜⵡⵓⵔⵉ ⵜⴰⵏⴰⵎⵓⵔⵜ ⵏ ⵙⵉⵏⴳⴰⵍ, ⴳ ⴹⴰⴽⴰⵕ, ⵢⴰⵜ ⵜⵓⴽⴽⵯⵉ ⵜⴰⴳⵍⴷⴰⵏⵜ ⵏ ⵉⵙⴰⴼⴰⵔⵏ, ⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵙⵉⵏⵉⴳⴰⵍ ⴳ ⵓⵙⴱⵉⴷ ⵏ ⵓⴼⵉⵔⵓⵙ ⵏ ⵙⵙⵉⴷⴰ.

ⴳ ⵓⵣⵎⵣⵣⵓ ⴳ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴷⵖⵕⴰⵏ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵡⵓⵔⵉ ⵜⴰⵏⴰⵎⵓⵔⵜ ⵏ ⵙⵉⵏⵉⴳⴰⵍ, ⵉⵍⵍⴰ ⴳ ⵓⵙⵏⵓⴱⴳ ⵏⵏⵙ, ⵜⴰⵎⴰⵡⵙⴰⵙⵜ ⵜⴰⵙⵉⵏⵉⴳⴰⵍⵉⵢⵜ ⵉⵎⴳⵍⵏ ⵙ ⵓⵙⵡⵓⴷⴷⵓ ⵏ ⵓⵙⵙⴰⵔⵓ ⴷ ⵜⵎⵔⵙⵙⵍⵜⵉⵏ ⵎⴰⵙⵙⴰ ⵅⵓⴷⵢⴰ ⴰⵎⴱⴰⵢ, ⴷ ⵜⵎⴰⵡⵙⴰⵙⵜ ⵏ ⵓⵙⴳⵎⵉ ⵏ ⵡⴰⵛⵜⴰⵍ ⴷ ⵓⵙⵢⴰⴼⵓ ⵏ ⵍⴱⵀⴰⵢⵎ ⵎⴰⵙⵙⴰ ⴰⵎⵉⵏⴰⵜⴰ ⴰⵎⴱⵉⴳⵉ ⵎⵉⴷⵢⴰⵢ, ⴷ ⵜⵎⴰⵔⵉⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵙⵉⵏⵉⴳⴰⵍ ⴳ ⵓⵙⴱⵉⴷ ⵏ ⵓⴼⵉⵔⵓⵙ ⵏ ⵙⵙⵉⴷⴰ ⵎⴰⵙⵙⴰ ⵚⴰⴼⵢⴰⵜⵓ ⵜⵉⵢⴰⵎ, ⴷ ⵓⵏⵙⵙⵉⵅⴼ ⴰⵎⴰⵔⵉ ⴷⴰⵜ ⵜⵎⵔⵙⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⴳⵎⵉ ⵜⴰⵙⵓⵍⴰⵏⵜ ⵎⴰⵙⵙ ⵎⵚⵟⴰⴼⴰ ⴰⵜⵜⵓⵔⴰⴱ. ⵜⴽⵛⵎ ⵜⵓⴽⴽⵯⵉ ⴷⵖ ⵜⴰⴳⵍⴷⴰⵏⵜ ⵍⵍⵉ ⵜⴼⴽⴰ ⵜⵎⵔⵙⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴳ ⵢⴰⵜ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⵜⴰⵏⴼⴳⴰⵏⵜ ⴰⴼⴰ ⴷ ⵢⴰⵡⵙ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵓⵎⵏⵥⴰⵡ ⴷ ⵓⵎⵢⴰⵡⴰⵙ ⵉⴼⴼⵓⵙ- ⵉⴼⴼⵓⵙ, ⵙ ⵓⵕⵥⵥⵓⵎ ⵏ ⵛⴰⵢⴳⴰⵏ ⵏ ⵉⵖⴰⵡⴰⵙⵏ ⵍⵍⵉ ⵔⴰⴷ ⵢⴰⵡⵙⵏ ⵉⵎⵣⴷⴰⵖ ⵉⵀⵔⵛⵏ.

Dernière modification : 28 ⵎⴰⵢⵢⵓ 2015

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B4%BD%E2%B4%BD%E2%B5%AF%E2%B5%89-%E2%B5%8F-%E2%B5%89%E2%B5%99%E2%B4%B0%E2%B4%BC%E2%B4%B0%E2%B5%94%E2%B5%8F-%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%99%E2%B5%89%E2%B5%8F%E2%B5%89%E2%B4%B3%E2%B4%B0%E2%B5%8D-%E2%B4%B3-%E2%B5%93%E2%B5%99%E2%B4%B1%E2%B5%89%E2%B4%B7-%E2%B5%8F#comment-0