ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉ ⴷ ⵓⵏⵙⵙⵉⵅⴼ ⵏ ⵙⵉⵏⵉⴳⴰⵍ ⵜⴰⴼⵓⴳⵍⴰ ⵏ ⵓⵙⴳⵎⴹ ⵅⴼ 13 ⵏ ⵜⵎⵢⴰⵇⴰⵏⵉⵏ ⵜⵉⵙⵉⵏⵔⴰⵏⵉⵏ

21 ⵎⴰⵢⵢⵓ 2015 Version Imprimable

ⴹⴰⴽⴰⵕ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵏ ⵙⵉⵏⵉⴳⴰⵍ ⵎⴰⵙⵙ ⵎⴰⴽⵉ ⵙⴰⵍ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵜⴰⴷⵙⵍⴰⵏⵜ ⵏ ⴹⴰⴽⴰⵕ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵅⴼ 13 ⵏ ⵜⵎⵢⴰⵇⴰⵏⵉⵏ ⴳ ⵎⵏⵏⴰⵡ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ.

ⵢⵓⵛⴽⴰⴷ ⵓⵙⴳⵎⴹ ⴰⴷ ⴰⴼⴰ ⴷ ⵉⴳ ⵜⴰⵎⵔⵏⵉⵡⵜ ⵉ 100 ⵏ ⵜⵎⵢⴰⵇⴰⵏⵉⵏ ⵍⵍⵉ ⵉⵣⴷⵉⵏ ⵙⵏⴰⵜ ⵜⵎⵉⵣⴰⵔ ⴳ ⵎⵏⵏⴰⵡ ⵏ ⵢⵉⴳⵔⴰⵏ, ⴰⵎⵢⴰⵡⴰⵙ ⴰⵎⵖⵔⴰⴱⵉⵢ ⵙⵉⵏⵉⴳⴰⵍⵉ, ⵃⵎⴰ ⴰⴷ ⵜⵙⵙⵖⵓⴷⵓ ⵜⵉⵣⴷⴰⵢⵉⵏ ⴳⵔ ⵙⵏⴰⵜ ⵜⵎⵉⵣⴰⵔ. ⵉⵍⵍⴰ ⴳ ⵜⴼⵓⴳⵍⴰ ⵏ ⵓⵙⴳⵎⴹ ⵅⴼ ⵜⵎⵢⴰⵇⴰⵏⵉⵏ ⴰⴷ, ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴷ ⵉⵎⵛⵉⵡⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ, ⵎⴰⵙⵙ ⴼⵓⴰⴷ ⵍⵀⵉⵎⵎⴰ ⴷ ⵢⴰⵙⵔ ⵣⵏⵏⴰⴽⵉ, ⴷ ⵉⴳⵎⴰⵎⵏ ⴷ ⵉⵎⴰⵏⵏ ⴷ ⵓⴽⴰⴱⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵔⵣⴰⴼ ⴰⴷ ⵉ ⵜⵎⴰⵣⵉⵔⵜ ⵏ ⵙⵉⵏⵉⴳⴰⵍ. ⴷ ⵉⴽⴽⴰⵜⵏ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵜⴰⴷⵙⵍⴰⵏⵜ ⵏ ⴹⴰⴽⴰⵕ, ⵉⵎⴹⴰⴽⴰⵕⵏ ⴷ ⵓⵏⵙⵙⵉⵅⴼ ⵏ ⵙⵉⵏⵉⴳⴰⵍ ⵎⴰⵙⵙ ⵎⴰⴽⵉ ⵙⴰⵍ.

Dernière modification : 21 ⵎⴰⵢⵢⵓ 2015

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%99%E2%B5%89%E2%B5%8F%E2%B5%89%E2%B4%B3%E2%B4%B0%E2%B5%8D-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B4%B9-%E2%B5%85%E2%B4%BC-13-%E2%B5%8F-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B4%B0%E2%B5%8F%E2%B5%89%E2%B5%8F#comment-0