ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵍⴽⵎ ⴷⴷⵓⵃⴰ ⵃⵎⴰ ⴰⴷ ⵜⵉⵍⵉ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⴹⵍⴰⵏ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ

16 ⴱⵕⴰⵢⵕ 2015 Version Imprimable

ⴷⴷⵓⵃⴰ - ⵜⵍⴽⵎ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⴼⵔⴰⴳ ⴷ ⵓⵊⵊⵉⵢ ⵏ ⵍⴽⵓⵏⵙⵉⵕ, ⴰⵙⵙⴰ ⵏ ⵓⵢⵏⴰⵙ ⴳ ⵜⵎⴰⵥⵓⵏⵜ ⵜⴰⵇⴰⵟⴰⵔⵉⵢⵜ ⵏ ⴷⴷⵓⵃⴰ, ⵃⵎⴰ ⴰⴷ ⵜⵉⵍⵉ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⴹⵍⴰⵏ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ ⵙⵏⴰⵜ, ⵍⵍⵉ ⵔⴰⴷ ⵢⵉⵍⵉ ⴰⵙⴽⴽⴰ ⵏ ⵓⵙⵉⵏⴰⵙ ⴷ ⵓⴽⵕⴰⵙ, ⵙ ⵜⵖⵓⵔⵉ ⵏ ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⵉⵍⵍⵉⵙ ⵏ ⵏⴰⵚⵕ ⴰⵍⵎⴰⵙⵏⴰⴷ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⵍⵜ ⵜⴰⵇⴰⵟⴰⵕⵉⵢⵜ ⵏ ⵜⴳⵎⵉ ⵜⵎⴰⵙⵙⴰⵏⵜ ⴷ ⵜⴳⵎⵉ ⵜⴰⵏⴰⵎⵓⵏⵜ.

ⴷ ⵉⵍⵍⴰ ⴳ ⵓⵙⵏⵓⴱⴳ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵓⵣⴰⴳⵓⵣ ⵏ ⵃⴰⵎⴷ ⴰⵎⴰⴹⵍⴰⵏ, ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⵉⵍⵍⵉⵙ ⵏ ⵏⴰⵚⵕ ⴰⵍⵎⴰⵙⵏⴰⴷ, ⴷ ⵓⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴷⴷⵓⵃⴰ ⵎⴰⵙⵙ ⵎⵎⴽⵉ ⴽⵡⴰⵏ.

ⴰⴳⵔⴰⵡ ⴰⴷ ⴰⵎⴰⴹⵍⴰⵏ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ ⵢⴰⵏ ⴳ ⵜⵙⵏⵜⴰⵢⵉⵏ ⵜⵉⵎⴰⴹⵍⴰⵏⵉⵏ ⵍⵍⵉ ⵜⵕⵥⵎ ⵜⵎⵔⵙⵍⵜ ⵜⴰⵇⴰⵟⴰⵕⵉⵢⵜ ⵏ ⵜⴳⵎⵉ ⵜⵎⴰⵙⵙⴰⵏⵜ ⴷ ⵜⴳⵎⵉ ⵜⴰⵏⴰⵎⵓⵏⵜ, ⴷ ⵉⵙⴽⵔ ⴳ ⵢⴰⵏ ⵓⵣⵎⵣ ⵉⴷⵔⵓⵙⵏ ⵜⴷⴽⴽⵯⴰⵏⵜ ⵜⴰⵎⴰⴹⵍⴰⵏⵜ ⴳ ⵉⴳⵔ ⵏ ⵉⵡⵉⵣ ⴰⴷⵓⵙⴰⵏ, ⵉⵥⵍⵉⵏ ⵙ ⵓⵙⵉⴳⵍ ⴷ ⵓⵣⵓⵣⵣⵔ ⵉⵡⵏⴳⵉⵎⵏ ⵉⵖⵓⴷⴰⵏ ⴷ ⵓⵙⵏⵓⵍⴼⵓ ⴰⴷⵓⵙⴰⵏ.

Dernière modification : 16 ⴱⵕⴰⵢⵕ 2015

Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%9C%E2%B5%8D%E2%B4%BD%E2%B5%8E-%E2%B4%B7%E2%B4%B7%E2%B5%93%E2%B5%83%E2%B4%B0-%E2%B5%83%E2%B5%8E%E2%B4%B0-%E2%B4%B0%E2%B4%B7-%E2%B5%9C%E2%B5%89%E2%B5%8D%E2%B5%89-%E2%B4%B3-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F#comment-0