ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⵏⵙⵙⵉⵅⴼ ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵙⴽⵜⵉ ⵡⵉⵙⵙ 16 ⵉ ⵜⵎⵜⵜⴰⵏⵜ ⵏ ⵍⵎⵖⴼⵓⵕ ⵍⵃⴰⵙⴰⵏ ⵡⵉⵙⵙ ⵙⵙⵉⵏ

30 ⵉⵏⵏⴰⵢⵔ 2015 Version Imprimable

ⵕⵕⴱⴰⴹ - ⵜⵏⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⵙⵙⵓⵏⵏⴰ ⴳ ⵕⵕⴱⴰⴹ, ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵙⴽⵜⵉ ⵡⵉⵙⵙ 16 ⵉ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵍⵎⵖⴼⵓⵕ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴰⴷⵜ ⵉⵕⵃⵎ ⵕⴱⴱⵉ.

ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⴰⴷ ⵜⵥⵍⵉ ⵙ ⵜⵖⵔⵉ ⵏ ⵍⴰⵢⴰⵜ ⵏ ⵍⵇⵔⴰⵏ ⴷ ⵉⵣⵍⴰⵏ ⵏ ⵍⴰⵎⴷⴰⵃ ⵏⴰⴱⴰⵡⵉⵢⴰ.

ⴰⴳⴷⵓⴷ ⴰⴷ ⵉⵜⵜⵔ ⵉⵕⴱⴱⵉ ⴰⴷ ⵉⵃⴼⴹ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⵉⵙⵖⵓⴷⵓ ⵜⵉⵡⵓⵔⵉⵡⵉ ⵏⵏⵙ ⴷ ⵜⵙⵏⵜⴰⵢⵉⵏ ⵉⵙⴽⴰⵔ, ⴷ ⵉⵃⴼⴹ ⴽⵓ ⴰⴽⴽⵯ ⵜⴰⵊⵡⵊⴰ ⵜⴰⴳⵍⴷⴰⵏⵜ ⵜⴰⵛⵛⵔⵉⴼⵜ.

ⴷ ⵉⵍⵍⴰ ⴳ ⵓⴳⴷⵓⴷ ⴰⴷ, ⵜⵎⵛⵉⵡⴰⵕⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙⴰ ⵣⵓⵍⵉⵅⴰ ⵏⵏⴰⵚⵉⵕⵉ, ⴷ ⵎⴰⵙⵙⴰ ⴱⴰⵙⵉⵎⴰ ⵍⵃⵇⵇⴰⵡⵉ ⵜⴰⵎⴰⵡⵙⴰⵙⵜ ⵏ ⵜⵡⵉⵣⵉ ⴷ ⵜⵎⵖⴰⵔⵜ ⴷ ⵜⴰⵡⵊⴰ ⴷ ⵜⴳⵎⵉ ⵜⴰⵏⴰⵎⵓⵏⵜ, ⴷ ⴼⴰⵟⵉⵎⴰ ⵎⵕⵡⴰⵏ ⵜⴰⵎⴰⵡⵙⴰⵙⵜ ⵏ ⵜⵎⴳⵓⵔⵉ ⵜⴰⵇⴱⵓⵕⵜ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ, ⴷ ⵎⴱⴰⵕⴽⴰ ⴱⵓⵄⵉⴷⴰ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ, ⴷ ⵃⴰⴽⵉⵎⴰ ⵍⵃⴰⵢⵟⵉ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵢⵓⵙⵉⵏ ⴰⴳⴳⵯⴰ ⵏ ⵓⵡⴰⵏⴰⴹ, ⴷ ⵜⵎⴰⵔⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴷ ⵜⵎⵙⵖⴰⵏⵉⵏ, ⴷ ⵜⵎⵖⴰⵔⵉⵏ ⵏ ⵉⵎⵙⵇⴰⴷⵏ ⵏ ⵜⵎⵉⵣⴰⵔ ⵜⴰⵄⵔⴰⴱⵉⵏ ⴷ ⵜⵏⵙⵍⵎⵉⵏ ⵉⵍⵍⴰ ⴳ ⵕⵕⴱⴰⴹ.

Dernière modification : 30 ⵉⵏⵏⴰⵢⵔ 2015

Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%99%E2%B4%B3%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%99%E2%B4%BD%E2%B5%9C%E2%B5%89#comment-0