ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⵖ ⵜⵎⵣⴳⵉⴷⴰ ⵏ ⵍⴰⵍⵍⴰ ⴰⵙⵎⴰ ⴳ ⵕⵕⴱⴰⵟ

14 ⵏⵓⵡⴰⵏⴱⵉⵔ 2014 Version Imprimable

ⵕⵕⴱⴰⵟ - ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⵖ ⵜⵎⵣⴳⵉⴷⴰ ⵏ ⵍⴰⵍⵍⴰ ⴰⵙⵎⴰ ⴳ ⵕⵕⴱⴰⵟ.

ⵉⵏⵏⴰ ⵍⵉⵎⴰⵎⴰ ⵖ ⵜⵣⵡⵉⵔⵉ ⵏ ⵉⵏⴰⵡ ⵏⵏⵙ ⴹⴷⵉⵕ ⵎⴰⴷ ⵉⵣⵔⵉ ⵉⵎⴰⵍⴰⵙⵙ ⵅⴼ ⵜⴹⴰⵍⵓⵚⵜ ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵉⵥⵉⵍⵏ ⴰⵔ ⵉⵙⵙⵓⵊⴰⴷ ⵓⴳⴷⵓⴷ ⵏ ⵍⵎⵖⵔⵉⴱ ⴰⴼⴰⴷ ⵉⵙ ⴼⵓⴳⵍⵓ ⵙ ⵜⴹⴰⵍⵓⵚⵜ ⵏ ⵜⵙⵉⵎⴰⵏⵜ.

ⴷ ⵉⵏⵏⴰ ⵍⵉⵎⴰⵎ ⵎⴰⵙⴷ ⴰⵙⴼⵓⴳⵍⵓ ⵙ ⵜⴼⵓⴳⵍⵉⵡⵉⵏ ⵜⵉⵏⴰⵎⵓⵔⵉⵏ ⵉⴳⴰ ⵢⴰⵏ ⵓⵣⵎⵣⵓ ⵏ ⵓⴽⵜⵜⴰⵢ ⴷ ⵓⵙⴷⵓⵙ ⵏ ⵜⵡⵓⵔⵉⵡⵉⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ ⵙ ⵓⵎⵢⴰⵡⴰⵙ ⴳⵔ ⵓⴷⴰⴱⵓ ⴰⵄⴰⵍⴰⵡⵉⵢ ⴷ ⵓⴳⴷⵓⴷ ⴰⵎⵖⵔⴰⴱⵉⵢ.

ⴷ ⵉⵏⵏⴰ ⵎⴰⵙⴷ ⴰⵏⴰⵡⴷ ⵏ ⵜⵡⵓⵔⵉⵡⵉⵏ ⵓⵔⴰⵜ ⵉⵙⴽⴰⵔ ⴰⴱⵍⴰ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵉⵅⴰⵜⴰⵔⵏ ⴷ ⵜⵅⴰⵜⴰⵔⵉⵏ ⵍⵍⵉ ⵖ ⵉⵍⵍⴰ ⵙⵙⵉⵄⵔ ⴷ ⵜⴰⵎⵓⵔⵉ ⵏ ⵜⵎⴰⵣⵉⵔⵜ ⵏⵏⵙⵏ.

ⴷ ⵉⵏⵏⴰ ⵎⴰⵙⴷ ⵜⵉⵎⵣⴳⴰⴷⵉⵡⵏ ⵍⵍⵉ ⵉⵙⴽⴰⵔⵏ ⵢⴰⵜ ⵜⵡⵓⵔⵉ ⵜⴰⵎⵇⵔⴰⵏⵜ ⵖ ⵉⴳⵔ ⵏ ⵜⵎⵖⵏⴰⵙⵜ ⵜⴰⵏⴰⵎⵓⵔⵜ ⴳ ⵓⵎⵏⵉⴷ ⵏ ⵓⵙⴷⵓⵔⵔⵉ, ⵉⵇⵇⴰⵏⴷ ⵜⵏⵜ ⴰⴷ ⴳⴰⵏⵜ ⵢⴰⵜ ⵜⵔⵙⵍⵜ ⵍⵍⵉ ⵉⵜⵜⴰⵡⵙⵏ ⵖ ⵓⵃⵟⵟⵓ ⵏ ⵜⵏⵖⴰⵡⵙⵉⵡⵉⵏ ⵏ ⵜⴳⵍⴷⵉⵜ ⵖⵎⴽⵍⵍⵉ ⵉⵔⴰ ⴱⴰⴱ ⵏ ⵡⴰⴷⴷⵓⵔ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 14 ⵏⵓⵡⴰⵏⴱⵉⵔ 2014

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B5%96-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B4%B0%E2%B5%99%E2%B5%8E%E2%B4%B0#comment-0