Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵜⵎⵖⵕⴰ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ : ⴰⴳⴷⵓⴷ ⴰⵎⵖⵕⴰⴱⵉ ⵉⴳⴰ ⴰⵎⴷⵔⴰⵡ ⵉ ⵜⴰⵡⵊⴰ ⵜⴰⴳⵍⴷⴰⵏⵜ ⴳ ⵜⴼⵓⴳⵍⴰ ⵢⴰⴷ ⵜⴰⵎⴱⴰⵕⴽⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⴼⵓⴳⵍⴰ ⵏ ⵜⵎⵖⵕⴰ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ : ⴰⴳⴷⵓⴷ ⴰⵎⵖⵕⴰⴱⵉ ⵉⴳⴰ ⴰⵎⴷⵔⴰⵡ ⵉ ⵜⴰⵡⵊⴰ ⵜⴰⴳⵍⴷⴰⵏⵜ ⴳ ⵜⴼⵓⴳⵍⴰ ⵢⴰⴷ ⵜⴰⵎⴱⴰⵕⴽⵜ

14 ⵏⵓⵡⴰⵏⴱⵉⵔ 2014 Version Imprimable
ⵕⵕⴱⴰⴹ - ⴰⵎ ⴽⵓ ⵍⵄⵡⴰⵢⴷ, ⴷ ⴰⵎ ⴽⵓ ⴰⵣⵎⵣⵣⵓ, ⵖ ⵎⴽⵍⵍⵉ ⵙ ⵜⵢⴰⵡⵙⵙⴰⵏ ⵜⵓⵡⵊⴰ ⵜⴰⴳⵍⴷⴰⵏⵜ ⵉⵙⵙⵓⵙⵎⵜ ⴱⴰⵀⵔⴰ ⴰⴷ ⵢⵉⵍⵉ ⵓⴳⴷⵓⴷ ⴰⵎⵖⵕⴰⴱⵉ ⴳ ⵜⴼⵓⴳⵍⴰ ⵏ ⵜⵎⵖⵕⴰ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵍⵍⵉ ⵉⵏⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵓⴷⵖⴰⵔ ⵍⵎⵉⵛⵡⴰⵕ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⴹ, ⵜⴰⴼⵓⴳⵍⴰ ⵜⴰⵎⴱⴰⵕⴽⵜ ⴷ « ⵜⵕⵥⵥⵉⴼⵜ », ⵍⵍⵉⵙ ⵜⴱⴷⴰ ⵜⴰⴼⵓⴳⵍⴰ ⵏ ⵜⵎⵖⵕⴰ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵍⴰⵍⵍⴰ ⵓⵎ ⴽⴰⵍⵜⵓⵎ, ⵙ ⵓⵣⵎⵣⵣⵓ ⵢⴰⴷ ⵉⵜⵜⵓⵙⴼⵓⴳⵍⴰ ⵡⴰⵀⵍⵉ ⵏ ⵉⵙⵍⴰⵏ ⴳ ⴽⵓ ⵜⵙⴳⴰ ⵏ ⵜⵙⴳⴳⵯⵉⵡⵏ ⵏ ⵜⴳⵍⴷⵉⵜ.

ⵜⵎⵖⵕⴰ ⵢⴰⴷ ⵜⴳⴰ ⵢⴰⵜ ⵜⴼⵓⴳⵍⴰ ⵜⴰⵅⴰⵜⴰⵕⵜ ⵉⵥⵉⵍⵏ ⵍⵍⵉ ⵙⴷ ⴷⴷⴰⵏ ⵛⴰⵢⴳⴰⵏ ⵏ ⵉⵏⴱⴳⵉⵡⵏ ⴷ ⵎⵏⵏⴰⵡⵜ ⵏ ⵉⵡⵔⵉⴽⵏ ⵉⵏⴰⵎⵓⵔⵏ ⴷ ⵉⵎⴰⴹⵍⴰⵏ, ⵜⴳⴰ ⵢⴰⵜ ⵜⴼⵓⴳⵍⴰ ⵜⴰⴳⴷⵓⴷⴰⵏⵜ ⴷ ⵜⴰⵏⴰⵎⵓⵔⵜ ⵉⵎⵎⴰⵍⵏ ⵜⴰⵙⵇⵇⵏⵜ ⵉⵖⵓⴷⴰⵏ ⵉⵙⵎⴰⵏⵏ ⴰⴷⴰⴱⵓ ⴷ ⵓⴳⴷⵓⴷ, ⴷ ⵜⴰⵢⵔⵉ ⵜⴰⵎⵇⵔⴰⵏⵜ ⵉⵍⵍⴰⵏ ⴳⵔ ⵓⴳⴷⵓⴷ ⴰⵎⵖⵕⴰⴱⵉⵢ ⴷ ⵜⴰⵡⵊⴰ ⵜⴰⴳⵍⴷⴰⵏ.


ⵜⴰⴼⵓⴳⵍⴰ ⵢⴰⴷ ⵜⴳⴰ ⵢⴰⵏ ⵓⵣⵎⵣⵣⵓ ⵉ ⵛⴰⵢⴳⴰⵏ ⵏ ⵉⵄⵔⵔⵉⵎⵏⵏ ⴰⴼⴰⴷ ⴰⴷ ⵜⵙⴼⵓⴳⵍⴰⵏ ⵜⵉⵎⵖⵕⵉⵡ ⵏⵏⵙⵏ ⴳ ⵢⴰⵏ ⵓⵣⵎⵣ ⴷ ⵜⵉⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵜⵓⵎⵔⵜ ⵏⵏⵙⵏ, ⴷ ⴰⵔ ⵙⵏⵉⵎⵎⵉⵔⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ ⵅⴼ ⵜⵡⵉⵙⵉ ⵢⴰⴷ ⵜⴰⵅⴰⵜⴰⵕⵜ ⵍⵍⵉ ⵢⴰⵙⵏ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ ⵙ ⵓⵣⵎⵣⵣⵓ ⵏ ⵜⵎⵖⵕⴰ ⵏⵏⵙⵏ.


ⵜⴰⴼⵓⴳⵍⴰ ⵢⴰⴷ ⵉⵣⵔⵉ ⴳⵉⵙ ⵢⴰⵏ ⵓⴽⴰⴱⴰⵕ ⴰⵅⴰⵜⴰⵕ ⵉⵣⵉⵍⵏ ⴷⵔⴰⵏⵜ ⴳⵉⵙ ⵛⴰⵢⴳⴰⵏ ⵏ ⵜⵔⵓⴱⴱⴰ ⵍⵍⵉⴷ ⵢⵓⵛⴽⴰⵏ ⵙⴳ ⵎⵏⵏⴰⵡⵜ ⵏ ⵜⵙⴳⴳⵯⵉⵡⵉⵏ ⵏ ⵜⴳⵍⴷⵉⵜ.

Dernière modification : 14 ⵏⵓⵡⴰⵏⴱⵉⵔ 2014
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%8E%E2%B5%96%E2%B5%95%E2%B4%B0-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B0%E2%B4%B3%E2%B4%B7%E2%B5%93%E2%B4%B7-%E2%B4%B0%E2%B5%8E%E2%B5%96%E2%B5%95%E2%B4%B0%E2%B4%B1%E2%B5%89-%E2%B5%89%E2%B4%B3%E2%B4%B0#comment-0