Published on MAPNews (https://www.mapnews.ma/am)

Accueil > ⵜⵏⵏⵓⵕⵥⴰⵎ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⵏ ⵍⵢⵓⵏⵉⵙⴽⵓ ⵏ ⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ ⵙ ⵜⵉⵍⵉⵜ ⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵏⵏⵓⵕⵥⴰⵎ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⵏ ⵍⵢⵓⵏⵉⵙⴽⵓ ⵏ ⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ ⵙ ⵜⵉⵍⵉⵜ ⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ

10 ⵏⵓⵡⴰⵏⴱⵉⵔ 2014 Version Imprimable
ⵏⴰⴳⵓⵢⴰ (ⵍⵢⴰⴱⴰⵏ) - ⵉⵏⵏⵓⵕⵥⴰⵎ ⴰⵙⵙⴰ ⵏ ⵓⵢⵏⴰⵙ ⴳ ⵏⴰⴳⵓⵢⴰ (ⵜⵓⵥⵥⵓⵎⵜ ⵏ ⵍⵢⴰⴱⴰⵏ), ⵢⴰⵜ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⵏ ⵍⵢⵓⵏⵉⵙⴽⵓ ⵏ ⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ, ⵙ ⵜⵉⵍⵉⵜ ⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⵜⴰⵏⴱⴳⵉⵡⵜ ⵏ ⵓⴱⵓⵔⵣ.

ⴰⵣⵎⵣ ⵏ ⵓⵍⴽⴰⵎ ⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵉⵙⵏⴱⴰⴳⵜ ⵓⵎⴽⴽⵓⵙⵓ ⵏ ⵜⴳⵍⴷⵉⵜ ⵏ ⵍⵢⴰⴱⴰⵏ ⵏⴰⵕⵓⵀⵉⵜⵓ ⴷ ⵜⵎⵖⴰⵕⵜ ⵏⵏⵙ ⵜⴰⵎⴽⴽⵓⵙⵉⵜ ⵏ ⵜⴳⵍⴷⵉⵜ ⵎⴰⵙⴰⴽⵓ, ⴷ ⵜⴰⵏⵎⵀⴰⵍⵜ ⵜⴰⵎⴰⵜⵜⴰⵢⵜ ⵏ ⵍⵢⵓⵏⵉⵙⴽⵓ, ⵎⴰⵙⵙⴰ ⴱⵓⴽⵓⴼⴰ, ⴷ ⵓⵎⴰⵡⵙⴰⵙ ⵏ ⵜⴳⵎⵉ ⴷ ⵜⴷⵍⵙⴰ ⴷ ⵜⵓⵏⵏⵓⵏⵜ ⴷ ⵜⵎⴰⵙⵙⴰⵏⵉⵏ ⵜⵉⴽⵏⵓⵍⵓⵊⵉⵜ ⵏ ⵍⵢⴰⴱⴰⵏ, ⵎⴰⵙⵙ ⵃⴰⴽⵓⴱⵓⵏ ⵛⵉⵎⵓⵎⵓⵕⴰ, ⴷ ⴰⵏⴱⴱⴰⴹ ⴷⵉⵛⵉ ⵎⴰⵙⵙ ⵀⵉⴷⵉⴽⵉ ⵓⵃⵎⵓⵔⴰ.


ⵜⵔⵛⴰⵎ ⵜⴰⵙⵓⵜⵍⵜ ⴰⴷ ⵉⵏⴰⵡ ⵍⵍⵉ ⵜⴼⴽⴰ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⵜⴰⵏⴱⴳⵉⵡⵜ ⵏ ⵓⴱⵓⵔⵣ ⴳ ⵜⵉⵏⴰⵡⵜ ⴰⴷ, ⵍⵍⵉⴳ ⵜⵏⵏⴰ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵎⴰⵙⴷ « ⴰⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ ⵉⴳⴰ ⵢⴰⵜ ⵜⵡⵓⵔⵉ ⵉⵛⵇⵇⴰⵏ ⴷ ⵢⴰⵜ ⵜⵉⵎⵉⵖⵜ ⵏ ⵓⵣⵎⵣ ⵉⵖⵣⵣⵉⴼⵏ, ⴰⵛⴽⵓ ⴰⵔ ⵜⵖⴰⵡⴰⵍ ⴰⴷ ⵜⵙⴽⴰⵔ ⵢⴰⵏ ⵓⵙⵏⴼⵍ ⵏ ⵉⵅⴼⴰⵡⵏ ⴷ ⵉⵙⵡⵉⵏⴳⵎⵏ ⵏ ⵎⵉⴷⴷⵏ ⵖ ⵡⴰⵎⵓⵏ ⵏⵖ ».


ⴷ ⵜⵏⵏⴰ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ ⵎⴰⵙⴷ « ⴰⵙⵎⵎⵓⴷ ⵏ ⵜⵡⵓⵔⵉ ⴷⴰ ⵢⴰⴽⴰ ⵉⵎⴰⵙⵙⵏ ⵏ ⵓⵙⵎⵓⵔⵙ, ⴷ ⵜⵏⵥⵕⵜ ⴷⵉ ⴹⴼⴰⵕⵏ ⴳ ⵜⵎⵔⴰⵡⴰⵏⵜ ⴷⵉⴷⴷⴰⵏ, ⴷ ⵎⵏⵏⴰⵡⵜ ⵏ ⵉⵡⵜⵜⴰⵙⵏ ⵙⵙⵓⵎⵔⵏ ⵉⵎⴰⵢⵏⵓⵜⵏ ⴳ ⵜⴰⵎⵙⵙⴽⵜⵉⵜ ⵏ ⵜⵎⵎⵜⵉ ⵉⵎⵓⵏⵏ ⴳ ⵓⴹⴼⵉⵕ 2015 ».


ⴷ ⵜⵙⵏⵉⵎⵎⵕ ⵜⵏⵎⵀⴰⵍⵜ ⵜⴰⵎⴰⵜⵜⴰⵢⵜ ⵏ ⵍⵢⵓⵏⵉⵙⴽⵓ ⵜⵓⴳⴳⴰⵣ ⵍⵍⵉ ⵜⵙⴽⴰⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ, ⴷ ⴰⵙⵓⵖⵏ ⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ ⴷ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⵉⴼⴽⴰⵏ ⴰⴷⴷⵓⵔ ⴰⵅⴰⵜⴰⵕ ⵉ ⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ.

Dernière modification : 10 ⵏⵓⵡⴰⵏⴱⵉⵔ 2014
Source URL: https://www.mapnews.ma/am/activites-princieres/%E2%B5%9C%E2%B5%8F%E2%B5%8F%E2%B5%93%E2%B5%95%E2%B5%A5%E2%B4%B0%E2%B5%8E-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F%E2%B5%9C-%E2%B5%8F-%E2%B5%8D%E2%B5%A2%E2%B5%93%E2%B5%8F%E2%B5%89%E2%B5%99%E2%B4%BD%E2%B5%93-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89-%E2%B5%85%E2%B4%BC-%E2%B5%9C%E2%B4%B3%E2%B5%8E%E2%B5%89-%E2%B5%9C%E2%B4%B0%E2%B5%99%E2%B5%93%E2%B5%8D%E2%B4%B0%E2%B5%8F%E2%B5%9C-%E2%B5%99-%E2%B5%9C%E2%B5%89%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B5%8D%E2%B4%B0%E2%B5%8D-%E2%B5%8F#comment-0