ⵜⵍⴽⵎ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ ⵙ ⵜⵎⴰⵣⵉⵔⵜ ⵏ ⵍⵢⴰⴱⴰⵏ ⴰⴼⴰⴷ ⴰⴷ ⵜⴷⵔⵓ ⵖ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⵏ ⵍⵢⵓⵏⵉⵙⴽⵓ ⵏⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ

08 ⵏⵓⵡⴰⵏⴱⵉⵔ 2014 Version Imprimable

ⵏⴰⴳⵓⵢⴰ (ⵍⵢⴰⴱⴰⵏ) - ⵜⵍⴽⵎ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵎⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴰⵙⵙ ⵏ ⵓⵙⵉⴹⵢⴰⵙ, ⵙ ⵜⵖⴰⵔⵎⵜ ⵏ ⵏⴰⴳⵓⵢⴰ (ⵜⵓⵥⵥⵓⵎⵜ ⵏ ⵍⵢⴰⴱⴰⵏ), ⴰⴼⴰⴷ ⴰⴷ ⵜⴷⵔⵓ ⵖ ⵜⵉⵏⴰⵡⵜ ⵜⴰⵎⴹⵍⴰⵏⵜ ⵏ ⵍⵢⵓⵏⵉⵙⴽⵓ (ⴰⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ), ⵙⴳ 10 ⴰⵔ 12 ⵏⵓⵡⴰⵏⴱⵉⵔ.

ⵜⴰⴷⵔⴰⵡⵜ ⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵃⵙⵏⴰ ⵖ ⵓⵏⵎⵓⵇⵇⴰⵕ ⴰⴷ ⴰⵎⴰⴹⵍⴰⵏ ⵜⴳⴰ ⵣⵓⵏⴷ ⵢⴰⵏ ⵓⵙⵏⵉⵎⵎⵔ ⵅⴼ ⵜⵓⴳⴳⴰⵣ ⵏⵏⵙ ⵖ ⵉⴳⵔ ⵏ ⵓⵙⴳⵎⵉ ⵅⴼ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵙⵍⴰⵡⴰⵏⴽ ⵖⵍⵍⵉ ⵖ ⵜⴳⴰ ⵜⴰⵎⵙⵇⴰⴷⵜ ⵏ ⵜⴰⵎⴰ ⴷⴰⵔ ⵜⵏⵎⴰⵍⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵖ ⵓⵣⵎⵣ ⵏ ⵓⵖⴰⵡⴰⵙ ⴰⵏⵎⵏⴰⴹ ⵓⵕⵓ- ⵓⵎⵍⵉⵍ ⴰⵏⴰⵎⵎⴰⵙ ⵅⴼ ⵓⵡⵏⴰⴹ.

ⵜⵉⵍⵉⵜ ⵏ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵖ ⵓⵏⵎⵓⵇⵇⴰⵔ ⴰⴷ ⴰⵔ ⵉⵙⴱⵓⵖⵍⵓ ⵜⴰⵡⵔⵉ ⵜⵉⴳⴳⴰⵣ ⵏ ⵜⵎⵔⵙⵍⵜ ⵏ ⵎⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ ⵖ ⵎⴰⴷ ⵉⵥⵍⵉⵏ ⵙ ⵜⵎⵓⴽⵔⵉⵙⵉⵏ ⵏ ⵉⴳⵔ ⴰⴷ.

ⵍⵢⵓⵏⵉⵙⴽⵓ ⴷ ⵜⵏⴱⴰⴹⵜ ⵏ ⵍⵢⴰⴱⴰⵏ ⴰⵔ ⵙⵏⵎⴰⵍⵏⵜ ⵜⵏⴰⵡⵜ ⴰⴷ ⵜⴰⵎⴰⴹⵍⴰⵏⵜ ⴷⴼⴼⵉⵔ ⵎⴰⴷ ⵣⵔⵉⵏ 10 ⵏ ⵙⴳⴳⵯⴰⵙⵏ ⵅⴼ ⵓⵖⴰⵡⴰⵙ ⵏ ⵜⵏⵎⴰⵍⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ (2005-2014).

ⴰⵡⵜⵜⴰⵙ ⵏ ⵓⵏⵎⵓⵇⵇⵇⴰⵔ ⴰⴷ ⵉⴳⴰⵜ ⵓⵙⵙⴰⵖⴷ ⵏ ⵜⵢⴰⴼⵓⵜ ⵍⵍⵉ ⵉⵜⵢⴰⵡⵙⴽⴰⵔⵏ ⵖ ⵎⵔⴰⵡ (10) ⵏ ⵉⵙⴳⴳⵯⴰⵙ ⴰⴷ ⵖ ⵎⴰⴷ ⵉⵥⵍⵉⵏ ⵙ ⵉⴳⵔ ⵏ ⵓⵡⵏⴰⴹ.

Dernière modification : 08 ⵏⵓⵡⴰⵏⴱⵉⵔ 2014

Source URL: https://www.mapnews.ma/am/activites-princieres/%E2%B5%9C%E2%B5%8D%E2%B4%BD%E2%B5%8E-%E2%B5%8D%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%99-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%9C-%E2%B5%8F-%E2%B5%8D%E2%B5%A2%E2%B4%B0%E2%B4%B1%E2%B4%B0%E2%B5%8F-%E2%B4%B0%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%9C%E2%B4%B7%E2%B5%94%E2%B5%93-%E2%B5%96#comment-0