ⴼⴰⵙ: ⵉⴽⴽⴰⴷ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴳⵯⵔⵔⴰⵎ ⵏ ⵎⵓⵍⴰⵢ ⴷⵔⵉⵙ ⴰⵣⵀⴰⵕ ⴷⴼⵉⵔ ⵏ ⵓⵙⵎⴰⵢⵏⵓ ⵏⵏⵙ

07 ⵏⵓⵡⴰⵏⴱⵉⵔ 2014 Version Imprimable

ⴼⴰⵙ - ⵉⴽⴽⴰⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ, ⴰⴳⵯⵔⵔⴰⵎ ⵏ ⵎⵓⵍⴰⵢ ⴷⵔⵉⵙ ⴰⵣⵀⴰⵕ ⵉⴳⴰ ⵢⴰⵏ ⵓⵙⴽⴽⵉⵏ ⵏ ⵓⵙⵎⴰⵢⵏⵓ ⵢⵉⵡⴹⴰⵏ ⵢⴰⵏ ⵡⴰⵜⵉⴳ ⵏ 52,5 ⵏⵉⴷ ⵎⵍⵢⵓⵏ ⵏ ⴷⴷⵔⵀⴰⵎ.

ⴰⵙⵎⴰⵢⵏⵓ ⵏ ⵓⴷⵖⵔⴰⵏ ⴰⵕⵓⵃⴰⵏⵉ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⴼⴽⴰ ⵢⴰⵏ ⵡⴰⴷⴷⵓⵔ ⵉⵖⵓⴷⴰⵏ ⵉⵜⵖⴰⵡⵙⵉⵡⵉⵏ ⵜⵉⵙⴳⴷⴰⵏⵉⵏ, ⴷ ⵉⴷⵖⵕⴰⵏⵏ ⵏ ⵍⵄⵉⴱⴰⴷⴰ ⴷ ⵓⵍⴰ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ, ⵉⴳⵯⵔⵔⴰⵎⵏ ⵏ ⵍⴰⴷⴰⵔⵉⵙⴰ.

ⴰⵙⵎⴰⵢⵏⵓ ⵢⴰⴷ ⵜⵙⴽⴰⵔⵜ ⵜⵎⴰⵡⴰⵙⵜ ⵏ ⵍⴰⵃⴱⴰⵙ ⴷ ⵉⵙⴽⴽⵉⵏ ⵏ ⵍⵉⵙⵍⴰⵎ ⴷⴼⵉⵔ ⵎⴰⴷⴰⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵎⵏ ⴰⵏⵎⴰⵍⴰ ⵏⵏⵙ ⴳ ⵓⵙⴳⴳⵯⴰⵙ ⵏ 2009 ⴰⴼⴰⴷ ⵉⵜⵢⴰⵡⵙⴽⴰⵔ ⵢⴰⵏ ⵓⵙⵎⴰⵢⵏⵓ ⵉⴽⵎⴰⵍⵏ ⵓⵙⵎⴹⵍ ⵏ ⵓⴳⵯⵔⵔⴰⵎ ⴰⴷ.

ⵜⴰⵡⵓⵔⵉ ⵢⴰⴷ ⵍⵍⵉ ⵉⴱⴷⴰⵏ ⴳ ⵓⵙⴳⴳⵯⴰⵙ ⵏ 2011 ⵉⵜⵜⵢⴰⵡⵙⵏⵎⴰⵍⴰ ⴳⵉⵙ : ⵟⴱⵚⵉⵍ, ⵜⴰⵚⵚⵓⵎⵄⵉⵢⵜ, ⴷ ⵜⵎⵚⵔⵉⵢⵜ ⵏ ⵜⵥⴰⵍⵍⵉⵜ, ⴷ ⵜⴳⵎⵎⵉ ⵏ ⵍⵉⵎⴰⵎ, ⴷ ⵜⵎⵣⴳⵉⴷⴰ ⵏ ⵎⵇⵍⵇⴰ ⵢⴰⵏ ⵓⴷⵖⴰⵔ ⵢⵓⵙⵉⵏ 240 ⵏ ⵉⵎⵥⴰⵍⵍⵉⵜⵏ, ⴷ ⵜⴳⵎⵎⵉ ⵏ ⵍⵇⵉⵟⵓⵏ ⵉⴳⴰⵏ ⵢⴰⵜ ⵜⴰⴷⴷⴰⵔⵜ ⵜⴰⵇⴱⵓⵔⵜ ⵏ ⵓⴳⵔⵔⴰⵎ ⵎⵓⵍⴰⵢ ⴷⵔⵉⵙ, ⵎⴰⴷ ⵉⴳⴰⵏ ⵃⵟⵟⵓ ⵏ ⵢⴰⵜ ⵜⵊⵓⵎⵎⴰ ⵏ 2.548 ⵏⵉⴷ ⵍⵎⵉⵟⵕ ⵎⵓⵕⴱⴱⴰⵄ.

ⴰⴼⴹⴰⵏ ⵏ ⵉⵎⵣⴷⴰⵖⵏ ⵏ ⵜⵖⵕⴰⵎⵜ ⵜⴰⵇⴱⵓⵕⵜ ⵏ ⴼⴰⵙ ⴼⴼⵓⵖⵏⴷ ⵙ ⵓⵣⵎⵣⵣⵓ ⵢⴰⴷ ⴰⴼⴰⴷ ⴰⴷⵙⵏⴱⴳⵏ ⴱⴰⴱ ⵏ ⵡⴰⴷⴷⵓⵔ.

Dernière modification : 07 ⵏⵓⵡⴰⵏⴱⵉⵔ 2014

Source URL: https://www.mapnews.ma/am/activites-royales/%E2%B4%BC%E2%B4%B0%E2%B5%99-%E2%B5%89%E2%B4%BD%E2%B4%BD%E2%B4%B0%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B4%B3%E2%B5%AF%E2%B5%94%E2%B5%94%E2%B4%B0%E2%B5%8E-%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B4%B7%E2%B5%94%E2%B5%89%E2%B5%99-%E2%B4%B0%E2%B5%A3%E2%B5%80%E2%B4%B0%E2%B5%95-%E2%B4%B7%E2%B4%BC%E2%B5%89%E2%B5%94-%E2%B5%8F-%E2%B5%93%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93#comment-0