ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵉ ⵜⵎⵜⵜⵉ ⵙ ⵓⵣⵎⵣⵣⵓ ⵏ ⵜⵎⴽⵜⵉⵜ ⵜⵉⵙⵙ 39 ⵏ ⵜⵡⴰⴷⴰ ⵜⴰⵣⴳⵣⴰⵡⵜ

06 ⵏⵓⵡⴰⵏⴱⵉⵔ 2014 Version Imprimable

ⵕⵕⴱⴰⵟ - ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ, ⵢⴰⵏ ⵉⵏⴰⵡ ⵉ ⵜⵎⵜⵜⵉ ⵙ ⵓⵣⵎⵣⵣⵓ ⵏ ⵜⵎⴽⵜⵉⵜ ⵜⵉⵙⵙ 39 ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵉⵣⵉⵍⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵉ ⵜⵎⵜⵜⵉ ⵙ ⵓⵣⵎⵣⵣⵓ ⵏ ⵜⵎⴽⵜⵉⵜ ⵜⵉⵙⵙ 39 ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵎⴰⵙⴷ ⵜⴰⵏⵎⵏⴰⴹⵜ ⵜⴰⵎⵉⵔⵉⵡⵜ ⵔⴰⴷ ⵜⵢⴰⵡⵙⴽⴰⵔ ⴰⵙⴳⴳⵯⴰⵙ ⴰⴷ ⴷ ⵢⵓⵛⴽⴰⵏ ⴳ ⵜⵙⴳⴰ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ.

ⴷ ⵉⵏⴰⵡ ⴰⴷ ⵉⴳⴰ ⵢⴰⵏ ⵓⵣⵎⵣⵣⵓ ⵍⵍⵉ ⵖ ⵔⴰⴷ ⵉⵙⵙⴰⵏ ⵎⴰⵏⵉ ⵜⵍⴽⴰⵎ ⵜⵎⵔⵏⵉⵡⵜ ⴷ ⵜⴳⵎⵉ ⴷ ⵓⵍⴰ ⵜⵉⵏⵥⵕⵜⵉⵏ ⵍⵍⵉ ⵉⵍⵍⴰⵏ ⴳ ⴷⴰⵜ ⵏ ⵜⴳⵎⵉ ⵏ ⵜⵙⴳⴰ ⵢⴰⴷ, ⴳ ⵓⵙⵡⵉⵔ ⴰⴳⴳⵯⵓⵏⵙⴰⵏ ⵓⵍⴰ ⴰⴱⵕⵕⴰⵏⵉⵢ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙⴷ ⵉⵇⴰⵏⴷ ⵖ ⵎⴰⵢⵥⵍⵉⵏ ⵙ ⵜⵏⵎⵏⴰⴹⵜ ⵜⴰⵎⵉⵔⵉⵡⵜ ⴰⴷ ⴳⵉⵙⵙ ⵜⵢⴰⵡⴰⵙⴽⴰⵔ ⵅⴼ ⵜⵡⵉⵣⵉ ⴳⵔ ⴰⴽⴽⵯ ⵜⵉⵏⵎⵏⴰⴹⵉⵏ ⵏ ⵍⵎⵖⵕⵉⴱ.

ⴷ ⵉⵙⵓⵜⴳ ⴱⴰⴱ ⵏ ⵡⴰⴷⴷⵓⵔ ⵉⵙⵉⴳⴳⵉⵍⵏ ⵉⴽⴰⴷⵉⵎⵉⵢⵏ ⵍⵍⵉ ⵉⵙⵡⵓⵔⵉⵏ ⵖ ⵎⴰⴷ ⵉⵥⵍⵉⵏ ⵙ ⵉⴳⵔ ⵏ ⵜⵎⴰⴳⵉⵜ ⵏⵏⵅ ⴰⴼⴰⴷ ⴰⵡⵙⵏ ⵅⴼ ⵓⵙⴷⵓⵙ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏⵏⵖ.

ⴷ ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⵖ ⵉⵏⴰⵡ ⵏⵏⵙ ⴰⴼⴰⴷ ⵉⵏⵏⵓⵕⵣⴰⵎ ⵢⴰⵏ ⵓⵎⵙⴰⵡⴰⵍ ⴰⵏⴰⵎⵓⵔ ⴰⵎⵓⵣⵣⵓⵏ ⴷ ⵢⴰⵏ ⵓⵎⵛⴰⵡⴰⵕ ⴰⵎⵙⵜⴳⴳⴰⵔ ⴳ ⵎⴰⵢⵥⵍⵉⵏ ⵙ ⴰⴽⴽⵯ ⵜⴰⵏⵏⴰⵢⵉⵏ, ⵍⵍⵉ ⵔⴰⴷ ⵉⴼⴽⴰⵏ ⵢⴰⵜ ⵜⵎⵔⴰⵔⵓⵜ ⵉⴼⴰⵡⵏ ⵅⴼ ⴰⴽⴽⵯ ⵜⵉⵎⵓⴽⵔⵉⵙⵉⵏ ⵏ ⵉⵎⵣⴷⴰⵖⵏ ⵏ ⵜⵙⴳⴰ ⵏ ⵜⵏⵣⵔⵓⴼⵜ, ⴳ ⵓⵙⴰⵜⵉ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵜⴳⵍⴷⵉⵜ.

Dernière modification : 06 ⵏⵓⵡⴰⵏⴱⵉⵔ 2014

Source URL: https://www.mapnews.ma/am/activites-royales/%E2%B5%89%E2%B5%8F%E2%B5%8F%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B5%89-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B5%8E%E2%B4%BD%E2%B5%9C%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-39-%E2%B5%8F-%E2%B5%9C%E2%B5%A1%E2%B4%B0%E2%B4%B7%E2%B4%B0-%E2%B5%9C%E2%B4%B0%E2%B5%A3%E2%B4%B3%E2%B5%A3%E2%B4%B0%E2%B5%A1%E2%B5%9C#comment-0