Published on MAPNews (https://www.mapnews.ma/am)

Accueil > ⵉⵥⵥⵓⵍⵍ ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵥⴰⵍⵍⵉⵜ ⵏ ⵍⵄⵉⴷ ⵏ ⵍⴰⴹⵃⴰ ⵖ ⵜⵎⵣⴳⵉⴷⴰ ⵏ ⴰⵀⵍ ⴼⴰⵙ ⴳ ⵕⵕⴱⴰⵟ
  1. Accueil
  2. Activités royales

ⵉⵥⵥⵓⵍⵍ ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵥⴰⵍⵍⵉⵜ ⵏ ⵍⵄⵉⴷ ⵏ ⵍⴰⴹⵃⴰ ⵖ ⵜⵎⵣⴳⵉⴷⴰ ⵏ ⴰⵀⵍ ⴼⴰⵙ ⴳ ⵕⵕⴱⴰⵟ

05 ⴽⵟⵓⴱⵕ 2014 Version Imprimable
ⵕⵕⴱⴰⵟ - ⵉⵥⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⴰⵎⴰⵙⵜⴰⵥⴰⵍⵍⵉⵜ ⵏ ⵍⵄⵉⴷ ⵏ ⵍⴰⴹⵃⴰ ⵖ ⵜⵎⵣⴳⵉⴷⴰ ⵏ ⴰⵀⵍ ⴼⴰⵙ ⵖ ⵍⵎⵛⵡⵕ ⵏ ⵕⵕⴱⴰⵟ.

ⵓⵛⴽⴰⵏ ⴷ ⵎⵏⵏⴰⵡ ⵏ ⵎⵉⴷⴷⵏ ⵙ ⵓⴱⵔⵉⴷ ⵍⵍⵉ ⵢⵉⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⴷⵔⵓⵏ ⵜⵓⵎⵔⵜ ⵏ ⵡⴰⵙⵙ ⴰⴷ ⴷ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷ ⴰⵙ ⵙⵙⵓⵜⵔⵏ ⵜⵓⴷⵔⵜ ⵉⵖⵣⵣⵉⴼⵏ.

ⵖ ⵜⵉⵏⴰⵡⵜ ⵏ ⵍⵄⵉⴷ, ⵉⵏⵏⴰ ⵍⵉⵎⴰⵎ ⵎⴰⵙ ⵉⴳⴰ ⵍⵄⵉⴷ ⴰⴷ ⴰⵎⵇⵕⴰⵏ ⵍⵍⵉ ⵢⵉⵍⵍⴰⵏ ⵖ ⵜⴳⴰⵔⴰ ⵏ ⵍⵃⵉⵊⵊ, ⵢⴰⵏ ⵓⵣⵎⵓⵣⵣⵓ ⵍⵍⵉ ⵢⵉⴳⴰⵏ ⵜⴰⵎⴰⵜⴰⵔⵜ ⵏ ⵜⵜⴰⴹⵃⵢⴰ ⴷ ⵜⵉⴽⴽⵉ ⵏ ⵉⵅⴼ ⵍⵍⵉ ⴳⴰⵏⵉⵏ ⵜⵉⵣⵉ ⵏ ⵍⵉⵙⵍⴰⵎ.
ⵉⵏⵏⴰ ⵍⵉⵎⴰⵎ ⵎⴰⵙ ⵉⵙⴽⵔ ⵕⴱⴱⵉ ⵖ ⵓⵙⵙⴰⵏ ⵏ ⵍⴰⵄⵢⴰⴷ ⵢⴰⵏ ⵓⵣⵎⵓⵣⵣⵓ ⵏ ⵍⵀⵏⴰ ⴷ ⵜⵏⴰⴳⵔⵉⵜ. ⵉⵏⵏⴰ ⵓⵍⴰ ⵎⴰⵙ ⴱⴷⴷⴰ ⵉⵔⴰ ⵍⴰⵎⵉⵔ ⵏ ⵉⵎⵓⵎⵏⵏ ⴰⵙ ⵜⵜ ⵢⴰⵡⵉ ⵖ ⵜⵓⴷⵔⵜ ⵏ ⵓⴳⴷⵓⴷ ⵏⵏⵙ ⴰⴼⴰⴷ ⴰⴷⴰⵙ ⵉⴹⴼⵕ ⵙ ⵓⴱⵔⵉⴷ ⵏ ⵜⵎⵜⵔⴰⵔⵜ ⴷ ⵜⴳⵎⵉ.
ⵉⴷⵄⴰ ⵍⵉⵎⴰⵎ ⴰⴷ ⵉⵃⴼⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷ ⵉⵙⵖⵓⴷⵓ ⵉⵎⵓⵙⵙⵓⵜⵏ ⵏⵏⵙ, ⵢⴰⵊⵊ ⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴰⴽⴽⵯ ⵉⴳⵯⵎⴰⵎⵏ ⵏ ⵜⴰⵡⵊⴰ ⵜⴰⴳⵍⴷⴰⵏⵜ.
ⵉⵜⵜⵔ ⵙ ⵕⵕⵃⵎⵜ ⵉ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ.
ⵍⵍⵉ ⵖ ⵜⵣⵔⵉ ⵜⵥⴰⵍⵍⵉⵜ, ⵉⵖⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵖⵎⴽⵍⵍⵉ ⵜⴳⴰ ⵖ ⵜⵇⴱⵓⵕⵜ ⵏ ⵕⵕⴰⵙⵓⵍ ⵙⵉⴷⵏⴰ ⵎⵓⵃⵎⵎⴷ. ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ, ⵉⵍⵎⵎⴰ ⵙ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ.

ⵖ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ, ⵍⵎⴽⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⵉⵙⵉⵜⵎⵏ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ. ⵍⴽⵎⵏ ⵜ ⵓⵍⴰ ⵡⵉⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵙ ⵙⵉⵏ ⴷ ⵡⵉⵏ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⴳⵯⵎⴰⵎⵏ ⵏ ⵜⵏⴱⴰⴹⵜ ⴷ ⵉⵎⵙⵜⴳⴳⴰⵔ ⴰⴹⵏⵉⵏ ⵏ ⵎⵏⵏⴰⵡ ⵏ ⵉⴳⵉⵔⵏ ⴷ ⵡⵉⵏ ⵉⵎⵖⵓⵔⵏ ⵏ ⵜⵙⴷⵔⴰⵙⵜ.
RO

Dernière modification : 05 ⴽⵟⵓⴱⵕ 2014
Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D%E2%B5%8D-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B5%84%E2%B5%89%E2%B4%B7-%E2%B5%8F-%E2%B5%8D%E2%B4%B0%E2%B4%B9%E2%B5%83%E2%B4%B0-%E2%B5%96-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B4%B0%E2%B5%80%E2%B5%8D-%E2%B4%BC%E2%B4%B0%E2%B5%99-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-0#comment-0