ⴰⵕⵥⵥⵓⵎ ⵏ ⵎⵏⵏⴰⵡ ⵉⵙⵏⵜⵉⵏ ⵏ ⵓⵙⵉⵔⴰ ⵛⵛⴰⵔⵉⴼ ⵏ ⵍⴼⵓⵙⴼⴰⵟ ⴳ ⵍⵊⵓⵕⴼ ⵍⵚⴼⵕ :ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⵏ ⵓⵙⴷⵓⵙ ⵉ ⵡⴰⵏⵙⴰ ⴰⵅⴰⵜⴰⵔ ⵏ ⵍⵎⵖⵔⵉⴱ ⴳ ⵓⴳⴰⴷⴰⵣ ⴰⴳⵔⴰⵖⵍⴰⵏ ⵏ ⵍⴼⵓⵙⴼⴰⵟ

02 ⴽⵟⵓⴱⵕ 2014 Version Imprimable

ⵍⵊⵓⵕⴼ ⵍⵚⴼⵕ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵡⴰⵙ ⴳ ⵓⴷⴷⵉⵙ ⴰⵎⴳⵓⵔⴰⵏ ⵏ ⵍⵊⵓⵕⴼ ⵍⵚⴼⵕ ⴰⵙⵔⵙ ⵏ ⵡⴰⵙⵙⴰⵢ ⵏ ⵍⴼⵓⵙⴼⴰⵟ ⵍⵍⵉ ⵉⵍⵍⴰⵏ ⴳⵔ ⵅⵔⵉⴱⴳⴰ ⴷ ⵍⵊⵓⵕⴼ ⵍⵚⴼⵕ ⴷ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵜⵙⵢⴰⴼⵓⵜ ⵏ ⵍⵃⴰⵎⴳⴹ ⵍⴼⵓⵙⴼⵓⵔⵉ ⵙⴳ ⴰⴳⴳⵯⵏⵙ ⵏ ⵍⴼⵓⵙⴼⴰⵟ ⴷ ⵡⴰⵎⵎⴰⵙ ⵏ ⵜⵉⵙⵓⴳⵔ ⵍⵍⵉ ⵉⵜⵜⵓⵙⴽⴰⵔⵏ ⵙ ⵏ ⵓⴳⴳⴰⵔ ⵏ 5,45 ⵎⵍⵢⴰⵕ ⴷⴷⵔⵀⵎ.

ⴰⵙⴼⵉⴼ ⵏ ⵡⴰⵙⵙⴰⵢ ⵏ ⵍⴼⵓⵙⴼⴰⵟ ⵍⵍⵉ ⵉⵍⵍⴰⵏ ⴳⵔ ⵅⵔⵉⴱⴳⴰ ⴷ ⵍⵊⵓⵕⴼ ⵍⵚⴼⵕ (4,5 ⵏ ⵎⵍⵢⴰⵕ ⴷⴷⵔⵀⵎ) ⵢⴰⵏ ⵓⵙⵏⵜⵉ ⴰⵅⴰⵜⴰⵔ. ⵔⴰⴷ ⵢⴰⵡⵙ ⴳ ⵉⴳⵔ ⵏ ⵡⴰⵙⵙⴰⵢ ⵏ 38 ⵎⵍⵢⵓⵏ ⵟⵓⵏⵏ ⵏ ⵍⴼⵓⵙⴼⴰⵟ ⴳ ⵓⵙⴳⴳⵯⴰⵙ ⵙⴳ ⴰⵣⴰⵖⵓⵣ ⵏ ⵅⵔⵉⴱⴳⴰ ⴰⵔ ⵍⵊⵓⵕⴼ ⵍⵚⴼⵕ.

ⴳ ⵎⴰⴷ ⵉⵥⵍⵉⵏ ⵙ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵜⵙⵢⴰⴼⵓⵜ ⵏ ⵍⵃⴰⵎⴳⴹ ⵍⴼⵓⵙⴼⵓⵔⵉ ⵔⴰⴷ ⵜⵍⴽⵎ ⵜⵙⵢⴰⴼⵓⵜ 450000 ⵟⵓⵏⵏ ⵏ ⵍⵃⴰⵎⴹ ⵍⴼⵓⵙⴼⵓⵕⵉ ⴳ ⵓⵙⴳⴳⵯⴰⵙ .ⵉⵜⵜⵓⴼⴽⴰ ⵉ ⵢⵓⵙⵏⵜⵉ ⴰⴷ 700 ⵏ ⵎⵍⵢⵓⵏ ⵏ ⴷⴷⵔⵀⵎ.

ⵉⴽⴽⴰⵜⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉⵕⵥⵎ ⴳ ⴹⴹⴰⵕⵍⴱⵉⴹⴰ ⵖⵎⴽⵍⵍⵉ ⵉⴼⴽⴰ ⵍⴱⴷⵓ ⵏ ⵎⵏⵏⴰⵡ ⵉⵙⵏⵜⵉⵏ ⵉⵅⴰⵜⴰⵔⵏ ⵍⵍⵉ ⴽⵛⵎⵏⵉⵏ ⴳ ⵓⵙⴰⵜⵉ ⵏ ⵜⵏⴽⵔⴰ ⵙ ⵜⵓⴷⵔⵜ ⵏ ⵉⵎⵣⴷⴰⵖⵏ ⴷ ⵜⴳⵎⵉ ⵏ ⵜⵎⴰⵥⵓⵏⵜ ⵜⴰⴷⵎⵙⴰⵏⵜ ⵏ ⵜⴳⵍⴷⵉⵜ.

ⵙ ⵖⵎⴽⴰⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵉ ⵜⵉⵡⵓⵔⵉⵡⵉⵏ ⵏ ⵜⵓⵙⴽⴰ ⵏ ⵢⴰⵏ ⵓⴷⴷⵉⵙ ⵍⵍⵉ ⵔⴰⴷ ⵢⴰⵔⵉ ⴹⴹⴰⵕⵍⴱⵉⴹⴰ ⵙⴳ ⵉⵏⴳⵢⴰⵏ ⵏ ⴱⵓⵙⴽⴽⵓⵔⴰ ⵖⵎⴽⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⵖⴰⵔⴰⵙ ⵏ ⵉⴼⴼⵓⵙ -ⵉⵥⵥⵍⵎⴹ . ⵉⵜⵜⵓⴼⴽⴰ ⵉ ⵢⵉⵙⵏⵜⵉⵏ ⴰⴷ ⵓⴳⴳⴰⵔ ⵏ 1,1 ⵏ ⵎⵍⵢⴰⵕ ⵏ ⴷⴷⵔⵀⵎ.

Dernière modification : 02 ⴽⵟⵓⴱⵕ 2014

Source URL: https://www.mapnews.ma/am/activites-royales/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%89%E2%B5%94%E2%B4%B0-%E2%B5%9B%E2%B5%9B%E2%B4%B0%E2%B5%94%E2%B5%89%E2%B4%BC-%E2%B5%8F-%E2%B5%8D%E2%B4%BC%E2%B5%93%E2%B5%99%E2%B4%BC%E2%B4%B0%E2%B5%9F-%E2%B4%B3-%E2%B5%8D%E2%B5%8A%E2%B5%93%E2%B5%95%E2%B4%BC-%E2%B5%8D%E2%B5%9A%E2%B4%BC%E2%B5%95-%E2%B5%9C%E2%B5%89%E2%B5%94%E2%B4%B0%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8F#comment-0