Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⵉ ⵜⵎⵜⵜⵉ ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⵉ ⵜⵎⵜⵜⵉ ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ

30 ⵢⵓⵍⵢⵓⵣ 2014 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵙ ⵏ ⵓⴽⵕⴰⵙ, ⵢⴰⵏ ⵉⵏⴰⵡ ⵉ ⵜⵎⵜⵜⵉ ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵜⵉⵙⵙ 15.

ⴰⵎⵎⴰⵙ ⵏ ⵓⵏⴰⵡ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⵔⴰ ⴰⴷ ⵉⵙⴷⵓⵙ ⴰⵏⴰⵡ « ⴰⵔⴰⵏⴰⵡ » ⵏ ⵍⵎⵖⵔⵉⴱ ⴰⵎⵎⴰⵙ ⵏ ⵓⵙⵡⵓⴷⴷⵓ ⵏ ⵜⵎⵙⴰⵔⵜ ⵜⴰⵙⴳⴷⵜ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⵔⴰ ⵜⵉⴳⴰⵡⵜ ⴰⴷ ⴰⴷ ⵜⵃⵟⵟⵓ ⴰⵏⵎⵓⵔⵉ ⴷ ⴰⵎⵓⵏ ⵙⴳ ⵓⴱⵔⵙⵉⵡⴷ ⴷ ⵜⵔⵓⵙⵙⵏⴰ, ⵉⵔⵏⵓ ⵢⵏⵏⴰ ⵉⵙ ⵉⵅⵚⵚⴰ ⴰⴷ ⵃⵟⵟⵓⵏ ⵜⵉⵎⵣⴳⵉⴷⵉⵏ ⵙⴳ ⴽⵔⴰ ⵢⴳⴰⵜ ⴰⵙⵎⵔⵙ ⵉⵅⵛⵏⵏ, ⴰⵛⴽⵢ ⴳⴰⵏⵜ ⵉⵏⵙⴰⵏ ⵏ ⴰⵙⵓⵎⴷ ⴷ ⵏ ⵓⵙⵡⴰⵍⴰ ⴷ ⵏ ⵓⵙⵉⴷⵍⴼ. 

ⵖⵉⴽⴰⵏ ⴰⴷ ⵉⴳⴰⵏ ⴰⵡⵜⵜⴰⵙ ⵏ ⵜⵏⵜⵜⴰⵎⵜ ⵏ ⵍⵄⵓⵍⴰⵎⴰ ⵏ 2008, ⵍⵍⵉ ⵜⵙⵙⴷⵓⵙ ⵙ « ⴰⵙⵓⵍⴼ ⵏ ⵓⵏⵏⴰⵍ » ⵅⴼ ⴰⵙⵙⵓⵜⵉ ⵏ ⵓⵙⴳⴷ ⴰⴷⵖⵔⴰⵏ, ⵍⵍⵉ ⵢⴰⴷⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵢⴰⴷ ⵙⴽⵔⵏ 1.300 ⵉⵎⴰⵎ ⵎⵓⵕⵛⵉⴷ ⴳ ⴽⵔⴰ ⵢⵀⴰⵜ ⵜⵙⴳⴰ ⵏ ⵜⴳⵍⴷⵉⵜ. 

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙ ⵉⵄⵡⵡⵍ ⵍⵎⵖⵔⵉⴱ ⴰⴷ ⵉⵙⵔⵙ ⵜⴰⵏⵎⵏⴰⴹⵜ ⵜⴰⵎⵉⵔⵉⵡⵜ ⴳ ⵎⵏⵏⴰⵡ ⵏ ⵜⵙⴳⴰⵜⵉⵏ ⵏ ⵜⴳⵍⴷⵉⵜ, ⵙⵍⴰⵡⴰⵏ ⴰⴽⴽⵯ ⵜⵙⴳⴰⵜⵉⵏ ⵏ ⵉⴼⴼⵓⵙ.

ⵉⵎⵍⴰ ⴼ ⵖⵉⴽⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵖ ⵏⵏⵙ ⵉ ⵜⴰⵙⵏⵜⴰⵢⵜ ⵍⵍⵉ ⵢⵔⴰⵏ ⴰⴷ ⵉⴼⴽ ⵉⵙ ⵜⵙⴳⴰⵜⵉⵏ ⵏ ⵉⴼⴼⵓⵙ ⵢⴰⵏ ⴰⵙⵓⵔⵙ ⴰⵙⵉⵎⴰⵏ, ⵎⴰⵢⴰⴷ ⵉⴳⴰⵏ ⵢⴰⵜ ⵜⵙⵏⵜⴰⵢⵜ ⵍⵍⵉ ⵢⵣⵣⵓⵍ ⵓⵙⵇⵇⵉⵎ ⵏ ⵜⵏⴼⵔⵓⵜ. 

ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⵏⵏⴰⵍ ⵏⵏⵙ ⵉ ⴽⵔⴰ ⵢⴳⴰⵜ ⵜⵙⵏⵜⴰⵢⵜ ⵜⴰⴳⵔⴰⵖⵍⴰⵏⵜ ⵉⵔⴰⵏ ⴰⴷ ⵉⵍⴽⵎ ⵙ ⵢⴰⵏ ⵓⴼⵙⵙⴰⵢ ⵉⵣⵔⴼⵏ ⴷ ⵉⵙⵓⵍⴰⵏ ⵉ ⵜⵎⵙⴰⵔⵜ ⵜⴰⴼⵉⵍⵉⵚⵟⵉⵏⵉⵜ. ⵉⵙⴰⵡⵍ ⵙⵓⵍ ⵅⴼ ⵉⵣⴷⴰⵢⵏ ⵏ ⵜⴳⵎⴰⵜ ⴳⵔ ⵉⵙⵙⵉⵅⴼⵏ ⵏ ⵉⵡⴰⵏⴽⵏ ⵉⵄⵕⴰⴱⵏ ⴷ ⵉⴼⵕⵉⵇⵉⵢⵏ, ⴷ ⵉⵖⵔⴰ ⵉ ⵜⵎⵉⵣⴰⵔ ⴰⴷ ⴰⴼⴰⴷ ⴰⴷ ⴹⴼⵕⵏ ⵢⴰⵜ ⵜⴰⵙⵔⵜⵉⵜ ⵜⵎⵙⴰⵙⵉⵜ ⵉⵜⵜⵓⵚⴽⴰⵏ ⵅⴼ ⴰⵙⵢⴰⴼⴰ ⵉⵜⵜⵉⵛⵕⴰⴽⵏ ⵏ ⵍⵅⴰⵢⵕⴰⵜ ⴷ ⵜⴰⵏⴽⵔⴰ ⵙ ⵜⵉⴳⵎⵉ ⵜⴰⵏⴼⴳⴰⵏⵜ ⴷ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ.

Dernière modification : 30 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B5%89-%E2%B4%B3-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%B7%E2%B4%B0%E2%B4%B1%E2%B5%93#comment-0