ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⵎⵎⴰⵙ ⴰⵙⴳⵏⴰⴼ ⴰⵎⵙⴷⴰⵡ « ⵎⵓⵃⵎⵎⴷ ⵡⵉⵙⵙ ⵚⴹⵉⵚ

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⵎⵎⴰⵙ ⴰⵙⴳⵏⴰⴼ ⴰⵎⵙⴷⴰⵡ « ⵎⵓⵃⵎⵎⴷ ⵡⵉⵙⵙ ⵚⴹⵉⵚ » ⴳ ⵡⵊⴷⴰ

23 ⵢⵓⵍⵢⵓⵣ 2014 Version Imprimable

ⵡⵊⴷⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ, ⵢⴰⵏ ⴰⵎⵎⴰⵙ ⴰⵙⴳⵏⴰⴼ ⴰⵎⵙⴷⴰⵡ « ⵎⵓⵃⵎⵎⴷ ⵡⵉⵙⵙ ⵚⴹⵉⵚ » ⴳ ⵡⵊⴷⴰ, ⵎⴰⵢⴰⴷ ⵉⵎⵍⴰⵏ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵙⵙⴽⵛⵎ ⵜⴰⵏⴽⵔⴰ ⵙ ⵉⴳⵔ ⵏ ⵜⴷⵓⵙⵉ ⴰⵎⵎⴰⵙ ⵏ ⵉⵙⵏⵜⵉⵏ ⵉⵎⵇⵕⴰⵏ ⵏ ⵜⴳⵍⴷⵉⵜ.

ⵉⵙⵎⴰⵏ ⵚⵚⴱⵉⵟⴰⵕ ⴰⴷ ⵢⴰⵏ ⵓⵙⵙⴰⵔⵓ ⵏ 1,2 ⵓⵎⵍⵢⴰⵕ ⵏ ⴷⴷⵔⵀⵎ, ⴷ ⵉⵜⵜⵓⵙⴽⴰⵔ ⴰⵎⵎⴰⵙ ⵏ ⵢⴰⵏ ⴰⵙⴰⵢⵔⴰⵔ ⵏ 10 ⴰⵀⵉⴽⵜⴰⵕ (52.000 ⴰⵎⵉⵜⵔⵓ ⴰⵎⴽⴽⵓⵥ ⴳⵉⵜ ⵃⴱⴰⵏ). ⵉⵟⵟⴰⴼ 653 ⵜⵉⵙⵉ, ⴷ ⵢⴰⵏ ⵚⵚⴱⵉⵟⴰⵕ ⵏ ⵜⵉⵥⵍⴰⵢⵏ, ⴷ ⵢⴰⵏ ⵚⵚⴱⵉⵟⴰⵕ ⵏ ⵉⵎⵎⴰⵜⵏ ⴷ ⵉⵄⵢⵢⴰⵍⵏ, ⴷ ⵢⴰⵏ ⴰⵎⵎⴰⵙ ⵏ ⵉⵏⴽⵎⴰⴹⵏ, ⴷ ⵢⴰⵜ ⵜⵏⴰⴼⵓⵜ ⵏ ⵜⴰⵙⵏⵉⵊⵊⵉⵜ ⵜⵓⵍⴳⵉⵏⵜ, ⴷ ⵢⴰⵏ ⴰⵙⴰⵔⵎ ⴰⵏⴰⵎⵎⴰⵙ, ⴷ ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ ⵢⴰⴹⵏⵉⵏ.

ⵉⵟⵟⴰⴼ ⵙⵓⵍ ⴰⵎⵎⴰⵙ ⴰⵙⴳⵏⴰⴼ ⴰⵎⵙⴷⴰⵡ « ⵎⵓⵃⵎⵎⴷ ⵡⵉⵙⵙ ⵚⴹⵉⵚ » ⴳ ⵡⵊⴷⴰ ⵢⴰⵏ ⴰⵎⵎⴰⵙ ⵏ ⵜⴰⵏⴽⵓⵍⵓⵊⵉⵜ (ⵃⴰⵙⴰⵏ ⵡⵉⵙⵙ ⵙⵉⵏ) ⴷ ⴰⵙⴳⵏⴰⴼ ⵏ ⵜⴰⴷⵓⵙⵉ ⵏ ⵜⵙⵏⵉⵊⵊⵉⵜ ⵜⴰⵏⵢⵉⵎⴰⵏⵜ ⴷ ⵜⵉⵎⴰⴹⵓⵏⵉⵏ ⵜⵉⵏⵢⵉⵎⴰⵏⵏ.

ⴳ ⵓⵣⵎⵣⵣⵓ ⵢⴰⴷ, ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵡⵍⴰⴼⵜ ⵜⴰⴽⵜⵜⴰⵢⵜ ⴷ ⴰⴳⴰⵍⵓⴼ ⵏ ⵉⴹⴱⵉⴱⵏ, ⴷ ⵡⵉⵏⵏ ⵍⵍⵉ ⴷ ⵉⵜⵏ ⵉⵎⴰⵏⵏ, ⵓⵍⴰ ⵉⵜⵉⵇⵏⵉⵏ ⴷ ⵉⵎⵙⵙⵓⴳⵓⵔⵏ ⵏ ⵓⵎⵎⴰⵙ ⴰⵙⴳⵏⴰⴼ ⴰⵎⵙⴷⴰⵡ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵡⵊⴷⴰ.

Dernière modification : 23 ⵢⵓⵍⵢⵓⵣ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%99%E2%B4%B3%E2%B5%8F%E2%B4%B0%E2%B4%BC-%E2%B4%B0%E2%B5%8E%E2%B5%99%E2%B4%B7%E2%B4%B0%E2%B5%A1-%C2%AB-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%C2%BB-%E2%B4%B3-%E2%B5%A1%E2%B5%8A%E2%B4%B7%E2%B4%B0#comment-0